¹ Ifi efyo shikulu Yawe anangile mu cimonwa. Mona, umuseke wa fisabo fya lusuba! ² Asosele ati, "finshi wamona, Amosi?" Ine nasosele ati, "umuseke wa fisabo fyalusuba." Elyo Yawe asosele nakabili kuli nine ati, "impela ya bantu bandi abena Israeli naisa; ine nshakabacingilile nakabili. ³ Inyimbo sha kwitempele shikesaba ishabulanda muli bulya bushiku- uku ekulanda kwa kwa Shikulu Yawe-Ifitumbi ifya fwa ifing, fili nokuposwa konse konse umutalalila!" ⁴ Umfweni kuli ici, mwe banyantilila ababusu no kufwaya ukulofya abab landa ba mucalo. ⁵ Musosa ati, "Bushe nililali umweshi upya ulepwa, pa kuti ifwe tushitishe ifisabo fyesu? Bushe nililali isabata lilepwa, pakuti ife tushitishe inganu shesu? Tuli no kucefya icipimo elyo no kukusha umutengo; pakuti tulecenjesha abo tuleshitishako. ⁶ Ifi efyo twakula shitisha inganu ishibi, twakulashita abalanda muli silifa, elyo na babusu munsapato." ⁷ Yawe nalapa pa cilumba cakwa Yakobo ati, "mucine jfye ine nshakalabe conse icibi ico bacita." ⁸ Bushe icalo tacakasunkane pali ici, naose uwikalamo akalosha? Icalo conse cikatumbana no kuifubula panshi kwati mumana wa Nailo, ulya waba mu Egupto. ⁹ "Cili no kwisa muli kalya kasuba-uku kusosa kwa kwa Shikulu Yawe-ukuti nkacita akasuba ukwikala pa mweshi, elyo nkaleta imfimfi pe sonde panshita ya kasuba. ¹⁰ Ine nkalenga inshikunkulu sheni ukuba ishakulosha elyo ne nyimbo shenu shikaba isha kubulanda. Ine nkamulenga mufwale insamu pali imwe bonse elyo mukabeya ne nkusu pali cila mutwe. Ine nkamulenga ngo ulelosha umwana mwaume wa kwe umo fye, elyo ubushiku ubwapisha ukufika na ku mpela. ¹¹ Moneni, inshiku shili nokwisa-uku kulanda kwa kwa shikulu Yawe-Ilyo nkaleta icipowe mu calo, tecipowe cafya kulya, nelyo icilaka ca menshi, lelo icakumfwa icebo cakwa Yawe. ¹² Bakalulumba ukufuma kuli bemba no kuya kuli bemba; bali no kubutuka ukufuma ku masamba no kuya ku kabanga kukufwaya icebo cakwa Yawe, lelo tabali nokucisanga iyo. ¹³ Muli kalya kasuba abakashana abasuma elyo na balumendo bakafwa kucilaka. ¹⁴ Abo abalapa umulapo palwa lubembu lwa ku Samaria elyo ba kasosa ati, 'napali fye umulungu obe, Dani,' elyo, 'nge nshila ya ku beersheba yatwalilila,' balino kuwa elyo tabakatale abema na kabili."