¹ Ifi efyo Shikulu Yawe anangile ine, mona, apangile makanta uwingo ninshi icani nacitampa ukupuka, elyo mona cali ni mufisabo fyakulekelesha ya kusombola kwa fisabo fya mfumu. ² Ilyo bapwile ukulya ifyani ifyalepaka mu calo, elyo ine nasosele ati, "Shikulu Yawe, napapata beleleni uluse; Yakobo akeminina shani? Pantu ena alicepa," ³ Yawe alubweseshe ilangulushi palwa ici, "tacakacitike," Efyo alandile. ⁴ Ifi efyo Shikulu Yawe anangile: Mona, shikulu Yawe aitile umulilo ku kupingula ukoca abantu bakwe. Watampile ukubilima panshi, pa menshi ayatali pesamba lye sonde elyo waonawile ne calo pamo. ⁵ Lelo ine nasosele ati, "shikulu Yawe, lekeni mukwai; Yakobo akeminina shani? Pantu aba umunono.' ⁶ Yawe alibweseshe ilangulushi pali ici, "Ici naco tacakacitike," Efyo asosa Shikulu Yawe. ⁷ Ifi efyo anangile ine; Mona, shikulu aiminine lubali ku cibumba, "alikwete umwando wa kupiminako muminwe yakwe. ⁸ Yawe alandile kuli ine ati, "Amose, cinshi ico wa mona?" Ine nalandile ati, "umwando wakupiminako." Elyo Shikulu alandile ati, "mona, ine ndi nokubika umwando wa kupimako pa bantu bandi Israeli. Ine nshakabacingilile nakabili. ⁹ Incende shakupepelamo sha ba mwana Isaki shikonaika, incende sha mushilo shakwa Israeli shili noku wishiwa, elyo ine nkemya ulupanga pa ba nganda yakwa Yeroboamu." ¹⁰ Elyo Amaziah shimapepo wa ku Betele, atumine amashiwi kuli Yeroboamu, imfumu yakwa Israeli: "Amosi alepangila iwe pakati ka nganda yakwa Israeli. Icalo cafilwa ukushipikisha ku fyebo fya kwe. ¹¹ Pantu ifi efyo Amosi alandile, 'Yeroboamu ali no kufwa ku lupanga na Israeli mucishinka fye ali no kuya mubusha ukufuma mu calo cakwe."' ¹² Amaziah alandile kuli Amosi ati, "kamona, kabiye, bwelela ku calo cakwa Yuda, elyo kulya eko ukalelya ifya kulya no kusesema. ¹³ Lelo wibwekeshapo ukusesema kuno ku Betele, pantu kuno niku ncende ya mfumu iya mushilo elyo ku nganda ya bufumu." ¹⁴ Elyo Mose alanudile kuli Amasiya ati, "ine nshili kasesema nelyo umwana wakwa kasesema. Ine naleteka impanga elyo nalesunga nebala lya fimuti fya mikunyu. ¹⁵ Lelo Yawe ansendele ukufuma mu ku cema umukuni no kulanda kuli ine ati, 'kabiye, kaseseme ku bantu bandi Israeli.' ¹⁶ Nomba umfwa icebo cakwa Yawe. Iwe usose ati, 'wisesemena pali Israeli, elyo wilandila pa banganda yakwa Isaki.' ¹⁷ Eico kanshi ifi efyo Yawe asosa, 'umukashi obe akaba cilende mumusumba; abana bobe abaume na bana bobe abanakashi bakawa ku lupanga; Icalo cobe cili nokupimwa no kucakanya; iwe uli nokufwila mu calo icakowela, elyo Israeli ali no kuya mubusha ukufuma mu calo cakwe icacine."'