¹ Paulo, uwakutwa na Kristu Yesu ukuba umutumwa ku kutemwa kwakwa Lesa, elo na Sositeni munyinefwe, ² ku lukuta lwakwa Lesa ulwaku Kolinto, mwebasangululwa muli Kristu Yesu elo mwebakutwa ukuba abantu aba mushilo, pamo pene nabo bonse mu ncende shonse abo abakuta pe shina lyakwa Shikulu Yesu Kristu, uuli ni Shikulu elo uwesu. ³ Lekeni icikuuku elo no mutende fibe kuli mwe ukufuma kuli Lesa Shifwe elo na Shikulu Yesu Kristu. ⁴ Ndatotela lyonse kuli Lesa wandi pali mwe pamulandu wa cikuuku cakwa Lesa ico Kristu Yesu apele kuli mwe. ⁵ Alimilenga ukuba abakankala mu nshila fye shonse, mukulanda konse elo namukwishiba konse, ⁶ pamo nga filya fine bukambone bwakwa Kristu bwashininkishiwa ukuba ubwacine pakati kenu. ⁷ Eico kanshi mushukila ubupe bonse ubwa mupashi ulo mulepembela ukusokoloka kwakwa Shikulu Yesu Kristu. ⁸ Akamikosha ifyo fine ukufika namukulekelesha, pakuti mwikaba nakabi nangu kamo ubushiku pa bushiku bwakwa Shikulu Yesu Kristu. ⁹ Lesa wacishinka, ewamikutile ukwampana no Mwana wakwe, Yesu Kristu Shikulu ifwe. ¹⁰ Lelo Ndemipapata, mweba munyinane, ukupitila mwi shina lyakwa Shikulu ifwe Yesu Kristu, ukuti mulekumfwana, elo nokuti mwilakupusana. Ndemipapata ukuti mulekwikatana pamo mumitontonkanishishe elo elo aba mutima umo. ¹¹ Pantu abantu bamo balinshimikilako, mweba munyinane, kuba mu ng'anda Koloe ukuti paliba ukupusuna pakati kenu. ¹² Nebo ndepilibula ifi: Bambi pali mwe balanda ukuti, ''Nebo ndi wakwa Paulo,'' nangu ati ''Nebo ndi wakwa Apollo,'' nangu nebo ndi wakwa Kefasi,'' nangu ati nebo ndi wakwa Kristu. ¹³ Bushe Yesu alyakanikamo? Bushe Paulo ewtanikilwe pali mwe? Bushe mwabatiwiwilwe mwi shina lyakwa Paulo? ¹⁴ Ndetotela Lesa ukuti Nebo nshabatishapo nangu umo pali mwe, kano fye Kilisipo elo na Gayo. ¹⁵ Neci nipakuti tapali nangu umo uwakulanda ati abatiwilwe mwishina lyandi. ¹⁶ (Nalibatishe kwena naba mu ng'anda ikwa Stefanasi. Ukucila apo, ntaleibukisha nga nalibatishepo na umbi.) ¹⁷ Pantu Kristu nebo tantumine mukubatisha nomba antumine mukubila imbila nsuma--elo temukubomfya amashiwi ayabucenjeshi, epakuti ifwa yakwa Kristu pa musalaba tayonaikile. ¹⁸ Pantu amashiwi ya mfwa yakwa Yesu pa musalaba bupuka kuli abo abantu abaleya mukuloba. Nomba kuli abo abantu abo Lesa alepususha, maka yakwa Lesa. ¹⁹ Pantu calilembwa ukuti, ''Nkonaula amano yaba mano. Nkasula nokumfwikisha kwaba cenjela.'' ^{20 21} Bushe abamano bali kwisa? Bushe nga abasambilila bali kwisa? Bushe abamano ya buntunse bali kwisa? Bushe Lesa alipilibwile amano yacino calo mu bupuka? Apo icalo mu mano yaciko tacaishibile Lesa, calisekeshe Lesa ukuti ukupitila mubupuka bwakubila imbila nsuma akapusushe abasumina mu mashiwi. ²² Pantu aba Yuda bo bepusha ifisungusho elo aba Griki ba fwaya amano. ²³ Nomba fwebo tubila Kristu uwatanikilwe, aya amashiwi cakuipuntulako ku ba Yuda elo bupuka kuba Griki. ²⁴ Nomba kuli abo abo Lesa akuta, bonse aba Yuda elo naba Griki, tubila Kristu ukuba amaka elo na mano yakwa Lesa. ²⁵ Pantu ifiboneka ngo ubupuka bwakwa Lesa fyalicilapo pa mano ya bumuntu, elo ifiboneka nga ifyakuna kuli Lesa fyalikwatisha amaka ukucila pa maka yabuntunse. ²⁶ Lolesheni pa bwite bwenu, ba munyinane. Pali mwe tebengi abali namano ukucila amano ya buntunse. Tebengi abali na maka pali mwe. Tebengi pali mwe abafumine mu ndupwa ishikankala. ²⁷ Nomba Lesa asalile icalikubonka icakuna mu calo pakulengesha insoni ku calikuboneka ukuba na maka. ²⁸ Lesa asala ifintu ifyapanshi elo ifyo basula mu calo. Asala nefintu ifyo abantubapano calo babone ukuti fya cabecabe, ifo basula ifishili fintu finene efyakonawilako ifyo abantu bapano calo babona ukuti efya kucindama. ²⁹ Acitile ifyo epakuti peba umuntu nangu umo uwakuitakisha pa cinso cakwe. ³⁰ Pa mulandu wa fintu Lesa acita, nomba mwebo mwaliba muli Kristu Yesu, uyo uwashile kuba kuli fwe amano ayakufuma kuli Lesa. Aishile kubs ebulungami bwesu, bu mushilo bwesu, elo abakulubulwa. ³¹ Pamulandu waifyo, pamo nge fyalanda amalembo ati, ''Lekeni uyo onse uuleyumfwa, alekumfwla muli Kristu.''