¹ Nka kula rhugwerhe ebiragane bya mwen'ebyo,bazigirha,rhu chi chese na ngas'izinga lyoshi lyo mubiri ne lyo murhima.n'okuhikiriza obuchesibwe bwirhu omu ku yoboha Nnamahanga. ² Murhuhe emirhima yinyu,rhurhalenganyagya ndi,rhurhahombagya ndi,rhurhayungukiraga kwo ndi. ³ Arhali mpu mumuyagirize cho chirhumire na derha ntyo.Bulya mira naderhaga oku muli omu mirhima yirhu nkaba ku lama rhi kufa. ⁴ Ngwerhe obulangalire bunene emunda muli,ngwerh'echa rhuma na chikunga erhi mwe murhuma,nnyunjwire burhulirize,nyunjwire bushagaluke omu malibuko girhu goshi. ⁵ Bulya,kurhenga rhwa hikaga e Makedonia,omubiri gurha rhamukaga chir'ehtya;rhwa libuka omu njira zoshi,entambala e mugongo,n'omusisi omunda. ⁶ Chikwone Nnamahanga,oka rhuliriza e ngonyo,arhurhuliriza omu kuisha kwa Tito. ⁷ Arhali omu kuisha kwage kwone,chi n'omu burhulirize abwine e karhi kinyu:Arhu shambalira olwifinjo lwirhu,emilenge yinyu,n'obushibirizi bwinyu enyanya zani,kuhika obushagaluke bwani bwa yushuka kulusha. ⁸ Chir'akaba na mugayisize omu mruba gani nta chiyunjuze,na nkaba na chiyunjuzize,bulya na bwine oku ago maruba ga mugayisize chiruakaba hyali hisanzi hitya. ⁹ Nkolaga nshagalusire buno,arhali mpu okwenge mwli gayisibwe,chikwone okuba oburhe bwinyu bwamuhisize oku bwiyunjuze;bulya mwali gayisibwe n'okwa Nnamahanga,na ntyo nta kantu kabi rhwa mujirire. ¹⁰ Aho,oburhe kuli Nnamahanga bunakalerha obwiyunjuze bw;obuchunguke,n'obwo oburhe bwo mu igulu bunaka lerha olufu. ¹¹ Sinzi,obwo burhe kuli Nnamahanga,chihanzo chichi chirha burhag'omu mwe!kuchi yeza kuchi,burhe buchi,choba chichi,nyinfinjo nchi ,kuchi hangana kuchi,buhne buchi!mwa yerekine omu kusinza oku mwali bazibu omw'olwo lubanja. ¹² Nkaba na muyandikire,arhali enyanya ly'owanjachiraga,erhi enyanya lyo owachi yandikiraga. ¹³ Kwo kwa rhumire rhwa rhulirizibwa.Chikwone ,kulusha oburhulirize bwirhu,rhwa simisibwe bwenene kulusha n'obusime bwa Tito,lero omurhima gwa rhulirizibwa na mweshi. ¹⁴ Nankaba embere zage nachi kuzize hitya erhi mwe murhuma,nta kuberaga nshonyi;chikwone,nk'oku rhwakagi mumwira kushimbana n'okuli ebirhwa chikulizagya emunda Tito ali bulya obwo omurhima gwali rhulirizibwe na ninyu mweshi. ¹⁵ Ayerekine emunda muli obuzigire bulushire,erhi akengera obukenge bwinyu emwa boshi,n'oku mwa muyegerezagya n'echoba n'omusisi. ¹⁶ Nsimire okuba omu bintu byoshi nmwikubagire.