¹ Bulya rhuli rhwa kola haguma na Nnamahanga rhumuyingizire murha yankirire olukogo lwa Nnamahanga busha. ² Bulya adesire mpu:Amango gashinganine na kuyunvirhize;olusiku lwo buchunguke nakurhabire.Lolaga buno go mango gashinganine,lolaga buno lwo lusiku lwo buchunguke. ³ Rhurha han'entonderero y'okusarhaza oku chijiro choshi choshi,lyo oburhumisi bwirhu burhagi ganyagusibwa. ⁴ Chi kwone rhu chihe olukengwa lushinganine,nka bakozi ba Nnamahnga,omu kuchihangana bweneneomu malibuko,omu malumwa,omu burhe, ⁵ Omu mpimbo,omu mugozi,omu bugoma,omu bukukuru,omu kubul'iro,n'omukuchishalisa, ⁶ omukuchesibwa,omu bumanye,omukulemba, ⁸ Omukagarhi k'obukuze n'enshonyi,omu kagarhi k'irenge linja n'elibi;chiru rhwa nka lolwa nka bashumi chiru ankaba rhuli b'okuli; ⁹ Nka barhamanyirwi,chiru rhwa nkamanywa bwinja;nka bafire,lolagi rhubwine;nka bahanyirwe,nk'abarha hizirwi oku lufu; ¹⁰ Nk'ogayire,rhuna shagalusire ngasi mango,nka bakenyi,rhunali rhwa chigaza banji,nka abarha gwerhi bichi rhuna gwerhe byoshi. ¹¹ Akanwa kirhu ka yigusire emunda muli,Bakorinto,omu rhima gwirhu gwa cha. ¹² Murha fundiri omu kagarhi kirhu,chi mufundire omu mirhima yinyu. ¹³ Mulipwe nkoku mwahabirwe,nmubwizire nka bana bani,mu che. ¹⁴ Murha chi shekeraga haguma n'abarha yemiri oku byo birha shinganini.Bulya bwira buchi bwankaba omu kagarhi k'okuli n'okuyanga? erhi bwira buchi bwankaba omu kagarhi ko bulangashane n'omwizizi? ¹⁵ bwira buchi bwankaba omu karhi ka Kristo na Beliali?chigabi chichi omushinganya agwerhe n'orhali mushinganya? ¹⁶ Lushangi luchi luli omu nyumpa ya Nnamahanga n'ensanamu? rhuli nyumpa ya Nnamahanga ozine,nko kuNnamhanga aderhaga:naishi handa nana shi ja nagenda omu kagarhi kabo,naishi ba Nnamahanga wabo,nabo baishiba bantu bani. ¹⁷ Byo birhumire, murhenge omu kagarhi kabo,muna chi berule,kwo Nkasane adesire;murhakahuma oku barha chiri,nana yishi muyegereza. ¹⁸ Naishi ba sho,na ninyu mwaishi ba bagala bani na bali bani,kwo nahamwirhu be misi adesire.