¹ Nié Paulo mwambali wa Yezu Kristu, Namuzinda ampamagala mpu mbe ntumwa , acînshoga mpu nyigirize emyanzi yage y'omurhula. ² Namuzinda alaganyize eyo myanzi yomurhula kurhenga mira omumandiko gaage. Ajirantio omukukolesaabarhonzi baage. ³ Eyomyanzi eyêrekire Omugala Nnahamwirhu Yezu Kristu: nkakulya omuntu anayorha âli w'omu bûko bwa mwami Daudi. ⁴ Cikône okubiyerekiire Mûka gwa Namuzinda , ayerekana n'obuhashe oku anali mwene Namuzinda erhi afuka. ⁵ Yewarhumaga Namuzinda antonya mpu mbe ntumwa y'okukuza Kristu, lyo nyemêza embaga zôshi ziyumve Namuzinda zijire 'ebiadesire. ⁶ Ninyu muli ba muli abo Namuzinda ahamagaliraga okushiga Yezu Kristu, mwe bantu b'omu cishagala ⁷ Mmurhumîre amaruba mwe muli e Roma, mweshi mwe Namuzinda asiima anamuhamagaliraga okuba bantubaage. Mâshi Namuzinda Larha Nnahamwirhu Yezu Kristu bamugashanire, bamuhe n'omurhula ⁸ Burhanzi mvuzire Namuzinda wani omunkwa erhi mwe murhuma, omukukolesa Nnahamwirhu Yezu Kristu, bulya obwemeere bwinyu buli bwaderhwa omu igulu lyoshi. ⁹ Namuzinda amanyire oku ntanyweesiri, ye nkolera n'omurhima gwâni gwôshi omukuderha Emyanzi y'omurhula edesire ogw'omugala. Amanyire oku kengêra mmukengeere ensiku zôshi ¹⁰ ngasi mango nshenga. Nnankahûna Namuzinda nti okubulonza bwâge, mbe n'obuhashe bw'okuja emwiinyu. ¹¹ Bulya nnonzize bwenene okumubona, lyo mmulerhera okushobôla enshobôlo erhenzire kuli Muka gwa Namuzinda emuzibuhye. ¹² Na kulusha, nnonzize mbe haguma na ninyu lyo rhwêshi rhushîbirizanya kuguma, nié okubwemêre bwînyu na ninyu oku bwemêre bwâni . ¹³ Bîrhu bakristu, nnonzize mumanye oku ngasi mango nakaag'ilaalira okuja emwinyu cikwône naja naciikwa kuhika buno. Nalonzize omukolo gwaani guleheke'mwiinyu nayo nk'oku gwaléhesire omuzindi mbaga z'omu igulu. ¹⁴ Bulya ngwâsirwe okuja emw'abantu booshi, emw'abasirimu n'emw'abarhasirimusiri, emw'abantu basomire n'abahwinja. ¹⁵ Co cirhumire nnonzize nînyu mmulêrhere Emyanzi y'omurhula mwe bantu b'e Roma. ¹⁶ Bulya nnegenera okuderha Emyanzi y'omurhuula: eba buhashe bwa Namuzinda okuciza ngasi aba yemêrha, burhanzi Abayahudi, cikwône n'abarhali Bayahudi. ¹⁷ Bulya, emyanzi yomurhula yo efulûlira abantu gurhi Namuzinda abajira mwo bashinganyanya emalanga gâge: kuli oku bwemêre kwône, kurhenga okumurhondêro kuhika kubuzinda, nk'oku Amandiko gadesire mpu: "Olimushinganyanya erhi bwemêre burhuma alama." ¹⁸ Bulya kurhenga oku nkuba Namuzinda ayêrekî ne obuhane burhenzire omubukunizi bwâge. Obwo bukunizi abuyêresize abantu bajira ebyâha n'abajira amabi bôshi. Ebijiro byâbo bibi byo bacikinge mwo okuli mpu kurhajire akâsi. 9 Namuzinda abahanyire, bulya ebyâge byankamanywa birhali bya kubahuga: Namuzinda yêne abayeresire byo bwinjabwinja. ²⁰ Bulya kurhenga amango Namuzinda alemaga igulu, amoorhere gaage garhabonekana, kwo kuderha oku obuhashe bwaage bw'ensiku n'amango n'obu Nnamahanga bwâge, ebyo byombi bibonekana omumikolo ajiraga. Aho ho abantu bankabimanyira, cocinarhumire barhankabona ebi baderha. ²¹ Bamanyire Namuzinda, cikwône barhamukuza, barhanamuvuga omunkwa nk'oku binakwanine 0kujirira Namuzinda. Ci engerêrezo zâbo zikola ndunduguze, n'emirhima yâbo erhagwêrhi bukengere, eyunjwire mwizimya. ²² Banaderhe mpu bali banyabwenge, n'obwo bali basire. ²³ Ahâli h'okugashâniza obulangashane bwa Nnamahanga orhafa, bagashâniza ensanamu ziyêrekana omuntu w'okufa, bagashaniza n'ez'orhunyunyi, n'ensimba z'igulu n'ez'orhula rhuyandala oku idaho. ²⁴ Cocarhumire Namuzinda abalekerera ebijiro bizizire, nk'oku emirhima yaabo yanali lonzize, ciru balinda bakâjira okw'enshonyi kuli bo bône na nnene. ²⁵ Okuli kuyerekîre Namuzinda bakuhindwîre bunywêsi. Bagashâniza ebi alemaga n'okubikolera ahâli h'okugashâniza Lulema yêne ogwasirwe okuvugwa 0munkwa ensiku n'amango! Bibe ntyo. ²⁶ Cocarhumire Namuzinda abalekera enyifinjo z'eby'eshonyi. Bakaabo boone bahindwire okuja nyumpa kw'oborhere bajira ebikongo. ²⁷ N'abalume kwo n'okwo baleka okuja nyumpa kw'obworhere bahindukiran bône na nnene bajira ebirhajirwa, nantio kwo bahirwe mw'obuhane bushinganiine okihabuka kwâbo. ²⁸ Bulya barha lonzagya okumenya Namuzinda. Namuzinda naye abalekera omubwenge bwâbo burhagwerhi bugwârhiro, lyo bajira ebibarhâligwasirwe okujira. ²⁹ Bayunjwiire bulenzi bwangasi lubero, na ngasi bukali. Bali bagalwa bweneene, banali biisi ba bantu,banali ba kuka longoola, bana gweerhe obweng`e bw'obulyaalya, n'oburhebanyi. Bali ba kalimi kabi, ³⁰ n'okuzingana. Bali bashombanyi ba Namuzinda, bali bantu ba kubanga enzinzi, ba bucibone, bakucikula. Banarhale ezindi njira bajira mwo amabi n'okurhâyumva ababusi bâbo. ³¹ Barharhimanya, banaba ba kuhinduka omu biragane byâbo. Ba ntalîka hyâbo, barhanafa bwonjo. ³² Bayishi bwinja oku Namuzinda atwa olubanja mpu abali bajira ebiri nk'ebyo ba kwanîne bafe. Ciru akaba ntyo kurharhuma barhakalalira okujira bya mwênebyo, na kulushîsa banayemere n'abantu babijira.