¹ Mwe bashigwa, mukahâ bambali binyu ebishinganine n'ebikwanine. Mumanye oku ninyu mugwerhe Nnawinyu omu mpingu. ² Muyorhe muharâmya; mukayiza omu kuvuga Nnâmahanga omunkwa. ³ Murhusengerere nirhu, lyo Nyamuzinda ayigulira oluderho lwirhu olumvi, rhuhash'ihanula ihwe lya Kristu; lyo lirhumire ndi omu nkoba. ⁴ Mâshi mbone obulyo bw'okulimanyisa nk'oku nkwanine okuliyigiriza! ⁵ Mube bashinganyanya omu lugendo lwinyu haguma n'ab'ebuga; mukolese bwinja amango muhirwe. ⁶ Iderha linyu libe lya kusimisa ensiku zoshi, linunirire nka munyu, munamany'ishuza ngasi yeshi okukwanine. ⁷ Emyanzi yani yoshi, mwene wirhu muzigirwa Tikiko, muganda okwanine okucikubagirwa na murhabazi wani omu mukolo muli NYakasane, ammubwirayo. ⁸ Co cirhumire mmurhumiraye, nti ammuhe emyanzi yirhu anammurhulirize emirhima. ⁹ Murhumire bo na Onezimo, mwene wirhu muzigirwaonakwanine okucikubagirwa; ali w'emwinyu. Bammushambalira emyanzi y'eno munda yoshi. ¹⁰ Aristarko rhuba rhweshi omu nkoba ammulamusize, bo na Marko, muzala wa Barnaba. Y'olya babammubwiraga; akayisha emwinyu, mumuyankirire kwinja. ¹¹ Yezu naye, oderhwa Yusto, mpu asingi. Omu bakembûle boshi, abo bonene bantabala okulumiza Obwami bwa Nyamuzinda; babire burhulirize bwani. ¹² Epafra, oburhwa emwinyu, mwambali wa Kristu Yezu, ammalamusize; arhahusa okummulwirakwo omu nsengero zage, mpu lyo muzibuha, muyorhe muli bimâna, munasêre oku ngasi ebi Nnâmahanga alonzize byoshi. ¹³ Neci, muhire obu buhamirizi: arhagohya erhi mwe murhuma, mwe n'ab'e Leodiceya n'e HIyerapoli. ¹⁴ Luka, mufumu muzigirwa, na Dema, bammuhire omusingo. n ¹⁵ Mulamuse bene wirhu b'e Laodceya, na Ninfa haguma n'endêko y'abemezi babuganana aha mwage. ¹⁶ Aga maruba hano muyus'igasoma, mugend'igasomekeza n'omu Eklezya y'e Laodiceya. Ninyu kwo nahaguma, muhûne ag'e Laodiceya, mugasome. ¹⁷ Mumbwirire Arkipo, erhi: "Mpu omanye obugo wahâbagwa muli Nyakasane, onacisêze okubuyunjuza". ¹⁸ Ogu musingo guli gwa kuboko kwani niene Paolo. Mukakengera enkoba zani! Enshokano ya Nnâmahanga ebe ninyu!