1 Mubhunduki bhasianyii bha Ongo, buri bhitwana; 2 N' ienda mo nchime, mo bhususe bwa Kirisitu ing' watushimanga na kw' esibhura wesine kuri Ongo bhushwa bhate bhuri ohembo na kinsinso chabhususe bwakonda. 3 Ang' osingirwa, kinsi bhubhi, ari karawa bhitorukirwingi munkati ninu, na 'ng' wakomenwa byo mo bhashuururwa. 4 Kutorukirwingi kinwa cha nkene mwanikiri wa bhusabhusa, ari bhuhaka, bhikai nti byakomenwa, eina korukirwe bhikai by' itata. 5 Bhushwa, musibhe cho 'shu kusira musingirani, ari mwea mikonsi, wabhuhaka, ng' eriebha 'mbu ingu nt' wasimira, usira mwandu mo bhubhake bwa Kirisitu na bwa Ongo. 6 Anga mwea wabhusheeresha na mwebe wa bhusabhusa; bhushwa mumbyo bhikai ngy' asingw' ebhusubhuke bwa ongo bw' eya kuri ebhana bh' ebhatengu. 7 Ang' ibhere nabho. 8 Karekare mubhesenga nti bhanu mwerimya, kumunda na Nyerekuritu. mwendi bhuri bhana bha chaka! 9 Bhushwa e chuma che chaka chakomenwa kinsi bhususe bwakonda, bwatunganana na bw' eira. 10 Musisirise mbi byashamuka kuri Nyerekuritu. 11 N' angishangire rootu mu mikorere nj' isira byuma y' emwerimya, eina mukemi yo. 12 Bhusha kuri nkene iebha bhironjange bho mu nama. 13 Eina bhiti byakemerwa nti byasungwa mo chaka, bhusha bhiti byasheiwa nti chaka. 14 Bhushwa nancho ch' ebwa: sumuka, ongo ng' urere, simana munkati n'e bhakwi, na Kirisitu wasekurishie chaka. 15 Kai mukohye, angibhese bhuri bheya bhasira mwanikiri, eina bhuri bheya bhasengesha. 16 Mukururi e ntambi, bhush' e matu ema. 17 Ngyasingwa kiro munenwa, iina musibhe inki ngi chasase Nyerekuritu. 18 Angi tamira mau; iro osingirwa; Mubhesi bheya bharisa Mutima, 19 Mushambare mu ndumbo, mu ndumbo sa mutima na ndumbo s' esubhukiya itata Nyerekuritu n'e mutima uti. 20 Muninke Ongo Tita bwime ngendo ningi mukinsi kikai, mor' ina ra Nyerekuritu Yesu kirisitu. 21 Mw' ebhuriya ebhima n'e bhampe mor' esubhaha Kirisitu. 22 E bhomina mw' ehiche kuri bhake bhinu, bhuri kwa Nyerekuritu. 23 Bhusha e wabhume ng' emukakare w' emomina, buri Kirisitu ng' emukakare w' er' irameso, nge mubhi wae na ng' emoshukayi. 24 Imb' wakiy' erirameso rehicha kuri Kirisitu, ebhomina nabho bhakomenwa ibhesa mbo kuri ebhabhume bhabho, mu kinsi kikai. 25 E bhabhume, kinsi uma washim' emomina e, imb' wakiya Kirisitu washim' er' irameso, na w' esibhuranga w' esine bhushwa naro. 26 Murishuurura ro, n' ikomya ro n' eshua ro mu mecha e kinwa. 27 Kongo washea mo makako nae er' irameso ndo ratatwa risira mikonsi, ari iyema, ari kimpe chasusana naro eina rashuururwa na risira mekero. 28 Bhumbo e wabhume wakomenw' eshim' emomina 'e bhuri e muby' ae wesine. ingw' ashim' e momina 'e nti 'weshima wesine; 29 Bhusha kusira ngu wabhaa e mubhi wae, eina urishange n' iranga o bwakia Kirisitu cho mor' irameso. 30 Bhusha bhate bhitambo by' e mubhi wae. 31 Ngiasingwa e abhume wasiya ishe na nina n' ikoana na mukari, naambi bhaabhi bhabhese mubhi uma. 32 E kishisharo ncho kikiri; n' ebha mbo itukire kuri Kirisitu na mo r'irameso. 33 E byasiya, kinsi uma mu bhanu washim' emomina 'e bhuri 'we wesine , n' emomina wasubhahe moke.