¹ Aliko oyibuke Lulema wawe amango g'esiku g'obusole bwawe, embere esiku zibi ziyinje n'emyaka yiya chishengeza aha njiwaderha : Ntakachijira oku ndonzeze. ² Embere buyiz'ezuba, n'obuche, omwezi, n'enkununu n'ebichu byanayinja buzinda bw'envula. ³ akazanzi abalanzi b'enju badirhimana, ah'abalume b'emisi yibafukama, n'abashakula bayumangire bulala bakehezwe, n'abalolereza omu kabonezo bali omu mwizimya. ⁴ Byuma bibiri byo mudende by'oku lunvi bishwekerwe oku lehe amango lya mayandagala liyera; enyunyi yanasima, na banyere boshi banasima. ⁵ Ochikule ahabihire, ahali abanizi omunjira, ah'omurhi gwa chiyasa, ah'omuguku gwazidoha, n'epiripiri manga nji lyabereka, bulala omuntu yagenda emunda nj'ajilama esiku n'amango, na banyamulaka yi balibirha omu miharuro; ⁶ embere omugozi gw'efuranga gu chishwekule, esanduku ye horo ebereke, embegeti erhaka chijidom'oku lwinji, engarha y'omutugari evunike; ⁷ embere oluchulo lugaluk'oku budaka, nk'oku lwaliri, n'omuka gugalukire Nyamuzinda wamuhagago. ⁸ Omuhanuzi aderha: Busha oku busha, byoshi biri bya busha. ⁹ Oku handi omuhanuzi aliri murhonzi, alishubiri yigiriza obumenyi oku bantu, abagengula, n'okuyunvisa, n'okurhegeka oluganjo lunene lw'emigani. ¹⁰ Omwigiriza achihangana okulonza emyazi ekwirire; eyanaliyandikirwe oku bushinganyanya eyo yaliri myazi y'okubinali. ¹¹ Emyazi y'oburhimanya eri nka migera; n'okuchilunda nka chitabu, eri nka misumari eshwekere, ya hanagwa na mwigiriza muguma. ¹² Oku biyorhere, mugala wani, okule enyigirizo kw'ebi bintu; birhanahwere, nka wakalonza okujira ebitabu binene, n'obumenyi bunene kuli kurhamisa omubiri. ¹³ Muyunve obuzinda bw'omyazi: Yubaha Nyamuzinda onalang'amarhegeko mage. Na ntyo ku ngasi muntu yeshi ashinganene ajire. ¹⁴ Bulal'emirimo yoshi Nyamuzinda njayiheka oku lubanja,n'oku byoshi bya bishirwe, bibe bikwirire, bibe bibihire.