¹ Paulo ntumwa ya Kristu Yezu oku bulonza bwa Nyamuzinda, na Timoteo mwene wirhu. ² Oku batakatifu na bene wirhu bemezi omu kagarhi ka Kristu baliomo Kolosayi. Olukogo lube emwinyu, n'omurhula kuirhenga emwa Nyamuzinda larha wirhu. ³ Rhuvuzire omunkwa emwa Nyamuzinda, Ishe wa Nawirhu Yezu Kristu, rhuna na kabahunira ngasi mango. ⁴ Rhayunvirhe obwemerebwinyu muli Yezu Kristu n'obuzigire kwa balya boshi baberwirwe enyanya lya Nyamuzinda. ⁵ Mugwerhe obu buzigire enyanya ly'obulangalire b'okuli mubikirwe om mpingu. Obola bulangalire mwabuyunvirhe omu luderho l'okuli yo Myanzi ya Kalembe. ⁶ erya ya yishire emwinyu. Eyi Myanzi ya Kalembe yanaburha ilehe ena yenere omwigulu lyoshi. Enakajira ntyo omu kagarhi kinyu na kurhengera ensiku mwayunvagya n'okuciyigiriza enyanya ly'olukogolwa Nyamuzinda omu kuli. ⁷ Eyi yo Myanzi ya Kalembe maciyigirizagya kurhenga emwa Epafra, muzigirwa wirhu na wirhu mukozi, aba mukozi mwikubagirwa wa Kristu kurhugerera. ⁸ Epafra arhumire obuzigire bwamanyikana omukagarhi k'emirhima. ⁹ Enyanya ly'obu buzigire, kurhenga olusiku rhwayunvagya ntya, rhurhasagi leka oku bahunira. Rhunakahuna mpu muyunjuzwe obulenga bo bulonza bwage omukagarhi k'obwenge n'obumanye bwa Muka mutakatifu. ¹⁰ Na ntyo mube n'olugendo lushinganine Nyakasane, mumusimise muli byoshi, muyane amalehe omu ngasi bijiro binja, munayushuke omu kumanya Namahanga. ¹¹ Rhuhunyire muhashi habwa emisi omu ngasi buhashe kushimbana n'emisi y'obukuze gwage Omu kulindirira n'emisi Yoshi. ¹² Rhwankahunyiri nkoku oku mwishingwo, mucihe omunkwa Emwa Larha, olya wabakulaga mube lushangi omukagarhi k'obwime bwa abemezi Omu bulangashane ¹³ Arhucungwire kurhenga Omu oburhegesi bw'omwizimya n'oku rhuyikiriza Omu bwani bw'omugala omuzigirwa. ¹⁴ Muli omugalarhugwerhe obucunguke n'amababale ly'ebyaha. ¹⁵ Omwana guli mugani gwa Nyamuzinda orhabonekana. Ye muburhwa murhanzi Omu biremwa byoshi. ¹⁶ Bulya muli ye ebintu byoshi byajijirwe, ebiri omu mpingu n'omw'igulu, ebiboneka n'ebirhaboneka. erhi ankaba biri bya bwami n'obuhashe erhi oburhegesi erhi abagwerhe emisi, byoshi byajijirwe naye n'enyanya zage. ¹⁷ Hwabaga embere z'ebintu byoshi, na muli ye ebintu byoshi bigwasire haguma ¹⁸ Ye onali irhwe ly'omubiri n'okuderha Lurhamba, ye kurhondera na muburhwa wa burhanzi-rhanzi kurhenga omu kagarhi k'emifu, Intyo Ali oku nfasi ntanzi only kagarhi k'ebintu byoshi. ¹⁹ Bulya Namuzinda asimisibwe obuhikirize bwage bulame muliye. ²⁰ n'okulunga ebintu byoshi kugerera omugala. Nyamuzinda ajijire omurhula Kugerera omuko g'oku musalaba gwage. Nyamuzinda alunganisha ebintu byoshi muliye, akaba by'omwigulu erhi by'omu mpingu. ²¹ Ninyu ntyo, kasanzi kaguma mwali bigolo na bashombanyi emwa Nyamuzinda omu ngererezo z'ebijiro binyu bibi. ²² Cikone lero abalunganisize oku mubiri gwage kugerera olufu. Ajijire ntya mpu lyo abajira bashinganyanya, barhagwerhi igese erhi izabyo embere zage. ²³ bulya erhi mwaka genderera omu bwemere, mwe mwasezibwe n'okuyimanga, buzira okurhenzibwa ku!i obulangalire n'obuzibu bw'emyanzi ya Akalembe mwayunvirhe. Ako ko Kalembe kayalagazibwagwa oku ngasi muntu yeshi walemirwe hano igulu. Aka Kalembe enyanya lyako nie Paulo naba mukozi. ²⁴ Lero nshagalukire amalibuko gani enyanya linyu, nani na!hikirIza omu mubiri gwani ehirhahikiriraga omu malibuko ga Kristu enyanya lyo mubiri gwage, lo luli lurhamba. ²⁵ Niono ndi mukozi w'olu lurhamba, kushimbana nkoku nanakuhabagwa kurhenga e mwa Nyakasane. ²⁶ Eri liri ihwe ly'okuli liali lifulisirwe myaka minji oku buko bunji. Cikone lero lyabohwiragwe kwa balya bamuyemire. ²⁷ N'emwa balya Nyakasane alonzagya okuyigulira oku obugale b'obukuze bw'ihwe ly'okuli omukagarhi k'olubaga. Kulikuderha oku Kristu Ali omugarhikinyu, bulenga b'obukuze bwayisha. ²⁸ Oyu ye rhuli rhwayalagaza, rhuli rhwahanula, rhwanayigiriza ngasi muntu oku bulenga boshi, lyo rhujira ngasi muntu abe ashinganine omu kagarhi ka Kristu. ²⁹ Enyanya lya ntya niono ndi naciseza n'okucihangana kugerera emisi yage ejira akazi Omu ndalala zani okubuhashe.