¹ Mwana wani, ocisezé omulukogo luli muli Yezu kristu. ² Byoshi ebiwayumvirhe kuli nie emalanga g'abahamiriza banji, obibwire abemezi bagwerhe obuhashe bwoku biyigiriza abandi. ³ Libuka na nâni nka musirika wa Yezu kristu. ⁴ Nta musirika ebyenigulu biheka akasanzi nk'alonzize okusimisa nnahamwabo. ⁵ N'omulibisi ahabwa oluhembo erhi amayusi lwa omukukenga amarhegeko. ⁶ Bihunyire omuhinzi akole lyo asarula emburho. ⁷ Yumvâ ebi nkubwizire bulya Nnahamwirhu ayishi kuha obwenge muli byoshi. ⁸ Kengera Yezu kristu, w'okw'iburha lya Daudi wa fukagâ omubafu kushimbana n'emyanzi y'akalembe nayandikaga, ⁹ eyinarhindibukiraga kuhika na shwekwa nka nyankolamaligo, ci omwanzi gwa Nyamuzinda gurhali mushweke. ¹⁰ Co cirhumire nembîre byoshi enyanya ly'abishogwa, nabo babone olukogo luli muli Yezu kristu haguma n'obuhime bw'ensiku n'amango. ¹¹ Aka aknwa Kali k'okuli akaba rhwafîre haguma naye, ntyo-ntyo rhwalama naye. ¹² Rhuka lembera rhwa yîma naye, rhukamulahira naye arhulahira. ¹³ Rhukabula obwikubagirwa, yehi abera mwikubagirwa, bulya arhânka cilahira yene. ¹⁴ Genderera wakéngeza ebyôla obagashe emalanga ga Nyamuzinda oku baleke akadali k'ebinwa byokulerha obusherezê okubabiyûmva. ¹⁵ Cisezê oje emalanga ga Nyamuzinda nka mukozi wayemîrwe orhagwerhi eci ankatumuzibwa. oli ayalagaza omwanzi k'okuli. ¹⁶ Ociberûle n'emyanzi y'okuheza yamwer'igulu e yerekeza ebwa kuhemuka. ¹⁷ N'emyanzi yabo yalumira nka kafinjo, ekagarhi kâbo Himenayo na Fileto, ¹⁸ babuzire okuli baderha mpu okufûka kwagezire n'okuhindamula obwemere bwa baguma-baguma. ¹⁹ Ciru akabantyo, eciriba ca Nyamuzinda ciyimanzire, cigwerhe ecimanyiso, Nnahano ayishi abali bage, na Ngasi yeshi oderha izino lya Nnahano aleke obubi. ²⁰ Omu nyumpa y'omugale, murhaba birugu bya noro n'amarhale byonene. Cikwone muba n'eby'emirhi neby'obudaka, biguma biri byabukenge n'ebindi binakazi gayaguzibwa. ²¹ Erhi akaba Omuntu anacicesa yenene arhenge omubyokugayaguzibwa, erhi akola cirugu cikengwa. Akola wabunguke emwa Nnahano, na mugoshôle okungasi mukolo mwinja. ²² Muyake enyifinjo z'obusole. Mukulikire okuli, obwemere, obuzigire n'omurhula haguma nabala bayakuza Nnahano n'omurhima gucire. ²³ Cikone olahire amadôso g'obûnganyi na g,obuhwinja. Okamanya oku gaburha entambala ²⁴ Nakandi birha hunyiri omukozi wa Nnahano abe wantambala, cikone agwasirwe Abe mwirhonzi emw'abantu boshi, amanyi yigiriza na wakulembera. ²⁵ Kulikwabulagirire ayigirize akubwirhonzi balya boshi barhayumvikana naye. Omubulangalire Nyamuzinda akabaha okuciyunjuza omukumanya okuli. ²⁶ Bahabwe obumanye kandi bayêke omurhego gwa lyangombe, wabajiraga mpira yage mpulyo bakazi mukènga.