¹ Iya ine huku wemupindula nakristu taindjei ovipuka viokeulu, oku kristu apumphama kokulyo kwahuku. ² Sokei kovipuka viokeulu, muhasokeivala kovipuka viopohi. ³ Mwetyi mwankhiale omwenyo vienyi viaholekwa kukristu nahuku. ⁴ Kristu oou omwenyo wenyi ngaholololwa, opo nonwe mamukaholololwa nae menkhimano. ⁵ molwotyo ipaei onohele mbenyi mbononkhali mbononkhali mbokhalelo yenyi yopohi oumbalehi, nonthumba etima nouvi nomalulu nokulikwambela kovikahuku. ⁶ Otyo tyovipuka ovio onyengo yahuku kombanda yovana vonompwiiliki. ⁷ Iya tyapita movipuka ovio motyikando tyike wapitilemo etyi nkha ukala muvio aviho ⁸ Onyengo noluma nokusoka omapita, nomatuka, nonondaka mbutukana mbutunda momilungo vieny. ⁹ Muhelikembeleipo navakwenyi ngetyi mwalekela nokusapo oulume oukulu nevi nkha mulinga viomapita. ¹¹ Iya livalekei oulume oupe olingwa oupe mekungunyiko aliho etyi wafukwa kwou wemutunga. ¹⁰ Ngotyo naina petupu ovagrego, ovajudeu, nava vatualwa motyuumbo nava vahaile motyuumbo, novanaonya, petupo ovacita, novikonde , nava vena eyovoko kristu oe vala omunene pokati kavo aveho. ¹² Molwotyo livalekei ngetyi mwakoywa nahuku ukola vahandwa, una ohole yokohi nokankhenda kotyali nokwapunga nokwahiliya oe omupwa elundo. ¹³ Lityindeivo nawa, kalei ovanatyali navakwenyi iya une pena oou una onkhongo namukwavo aokololeko ngetyi nae tatekulu etwokolola. ¹⁴ Keulu lyovipuka viatyo evi aviho kuna ohole oyo ituwaneka kwetyi tyaviuka. ¹⁵ Okuti ombembwa yakristu itumine mimitima vienyi, iya ombembwa yatyo ei yokwetuihanesa molutu luike ipandulei. ¹⁶ Iya ondaka yakristu ikale nonwe nounyingi wayo. ¹⁷ Okupola etyi mamulinge, tyilingei atyiho menyina lya yesu kristu, nokwavela olupandu kuhuku hee pokati kae. ¹⁸ Vakai humbei ovalume venyi ngetyi tyipanda tatekulu. ¹⁹ Onwe valume kalei nohole novakai venyi muhakalei nonkhunyuna. ²⁰ Vana tavelei kovoho yenyi movipuka viatyo aviho otyo otyinamwenyo kutatekulu. ²¹ Votate muhanumanesei ovana venyi opo vahasoye. ²² Vikonde tavelei kotatekulu yenyi kovipuka viatyo aviho, iya muhalingileiva okulilekesa kovalume opo mupandulwe lingei nomutima wotyili una onthilo natatekulu. ²³ Etyi mamuhande okulinga tyilingei nomutima watyo auho etyi otatekulu, iya muhalingileivala ovalume. ²⁴ Mutyi okuti mukatambula ofeto yepingano, iya kutatekulu yesu oou twaundapela. ²⁵ Olye uundapa omapita makatambula ofeto yomapita petupu onthongolola.