¹ Ndjihanda okuti kungunyikei ovitateka ndjendanavio mouye kwoonwe kovalaudiceia iya noonwe nkhele muhendji ameyatyo. ² Opo omitima vienyi vikale mewanekelo nohole nomovipuka aviho evi wuii nevi wakungunyika nevi wankhindikwa viahuku okiti okristu. ³ Muee ovipuka viaholekwa, ovipuka viounongo iya nokuvikungunyika. ⁴ ndjimupopila okuti petupo pokati kenyi ulipakapo nonondaka mbenyi mbokuvetavelesa. ⁵ Ganahakala noonwe kohitu molwetyi ame ndjili omphepo ikola ndjihambukwa okutala onwe etyi mwakwatesa nekolelo lyenyi ku kristu. ⁶ Ngetyi mwatambula kristu endei nae. ⁷ Muee kalei nomafa mwakunwamo nokunthikilwa mekolelo ngetyi walongesiwa unene nounatyali. ⁸ liyungei opo vehemulinge oukonde nevi velilongesa nounkhembi novituawa viavo viomouye wokuhalinge etyi vatumwa na kristu. ⁹ Molwetyi muee molutu lwae muvahiwa ovipuka viatyo aviho viahuku. ¹⁰ Oe nkhala mutwe yevililo noutumini watwalwa nounene wae. ¹¹ Pokati kae wapita motyuumbo, okupakako otyuumbo tyomankhanya, omunyhu okupola olutu lyohitu, okupaka vali otyuumbo pokati kayesu kristu. ¹² Onwe mwapakwa nae muee omupindulwa wekevelelo nomevililo lyahuku, wetupindula mokati kovaye. ¹³ Etyi nkha twankhia nononkhali mbetu, netyi nkha twehenende motyuumbo wetwavela omwenyo nokutwookolola mononkhali noudingavivi wetu. ¹⁴ Oe wakondola omahonekwa aeho onongele mbetu mbuna nkha mbahonekwa movitumini viae, wevipolako aviho ovio evikila mekulusu. ¹⁵ Wamanekulula ovatumini eveeta mounyingi nokuvevila mekulusu. ¹⁶ Molwotyo petupu ou umukoyesa pokulya nokunwa monthiki yotyipito tyinlinge mohanyi okutumba , tyilinge motyasapalo. ¹⁷ Otyo atyiho otyikafi tyovipuka mavikeya, okupakako vali otyilityatyo okristu. ¹⁸ Iya petupu ava vemutomba nokukemba nokulikwambela ngonoandju. Ovanthu vatyo ovo vetyipola konondjoi mbokwafiluka nonkhalulukwa yomitwe viavo viohitu. ¹⁹ Iya kavapolo momitwe, omomutwe olutu aluho mokulikwata omotyaendela opo lutalame nokutambula ekuliso litunda kuhuku ²⁰ tyamoneka okuti wankhilakumwe na yesu kristu movipuka viomouye inkha ukahi netavelo mwetyi nkha muna ovipuka viomouye nkha mukala nomatavelo ovipuka viomouye oou. ²¹ Uhetyikwate, uhamakele, uhetyiywame"'?. ²² Aviho ovituwovio nomalongeso aa ovanthu alekesa okupwapo. ²³ Omayulikiso atyo aa amoneka nounongo wounkhembi nonkhalelo yomapita molutu, opo petupu etyi tyakolela pokulityilika ovipuka viokohitu.