¹ Omulonngwa wayesu Kristu, Paulo ngetyi tyapangwa nahuku, nondenge yetu Timoteo. ² Tyaava vakola novataveli votyili vokuli kotyilongo tyo kolossos. ³ Otyali koonwe nombembwa konthele ya Huku tate yetu.Tupandula Huku omutyiti watatekulu yesu kristu. ⁴ ontwe tuiva ekolelo lyenyi ku yesu Kristu nohole munayo kwaava vakola aveho vahuku. Mukonda ye ekevelelo lyaholekelwa onwe meulu. ⁵ onwe tete mueiva etyi tya popiwa kombinga yekevelo mondaka yotyili eiviso. ⁶ Yehika koonwe. Etyi natyo tyikahi nokueta ovinyango ya nokukula mouye auho, ngetyi noonwe ngetyi noonwe nkhele tyonthiki mwemumwene nokwemuiwa nokukungunyika otyali tyahuku momwenyo. ⁷ Ei ondaka walongwa nomulongesi una tuhole, omuundapi epanga omuviokisi wonawa omupopi wakristu. ⁸ Oe wetupopila ohole yetu momphepo. ⁹ mukonda yotyo monthiki twapolelela okumuiva katwatalamene okulikwambela nokuikila konongolo opo muyulwe nomakungunyiko ngetyi apanga nomounongo wekungunyiko lyomphepo. ¹⁰ Ontwe tuelikwambela opo onwe muende ku nawa kutatekulu mohole yae aiho nokweeta ovinyango nokukulila mekungunyiko lya huku. ¹¹ Tulikwambela opo mupamekwe nevililo aliho nononkhono mbounanene wenkhimano lyae koutounyi noumpwaunye auho. ¹² Tulikwambelei opo mupandwe oyali kuhuku, nehambu wemulingisa opo mutambule epingano lyava vakola notyitei ¹³ Ee mwene wetufukulula kevililo lyomapuputu etutwala kouhamba womona wae ontyolwe. ¹⁴ kwou tuna eliwondelo tyiti eevelwa lyononkhali. ¹⁵ ukahi nga huku wokuhenemonwe neiho ,omutete okutyitwa kovipuka viatyo aviho. ¹⁶ Omolwae ovipuka viatyo aviho viatungwa mokuhimbikila peuiu nopohi, evi vimoneka nevi viahamoneka , tyilinge ovipundi vionohamba noutumini wonombonge, aviho ovipuka vili mouye oe wevilinga iya oviae. ¹⁷ Oe tete kovipuka viatyo aviho iya nuvipuka viatyo viatuka kue. ¹⁸ Oe nkhala mutwe yongeleya oe tete omutyitwa movaye oe una omphangu yotete movipuka viatyo aviho. ¹⁹ Moluetyi apandulwa nahuku mokulinga ouwa auho ukahi mue. ²⁰ Etyi aeta ombembwa nohonde mekulusu mokati kombwaneno nae aviho ovipuka viatyo nopohi nopeulu. ²¹ Moluetyi nkha nonwe kohale kamuiwe nahuku ankho munondjale mba huku molwoundingavivi wenyi. ²² Okuyawisilako pahetyino, wemuwaneka molutu yohitu yae, nomononkhia mbae opo mulilekese kue ngovanthu vakola opo mwahakale ovaponyoki novaviyulwa ponthele yae. ²³ ine mutwalako kekolelo lyokwaheyelwa nokuntikwa alyahaminy iiya alyahapolwapo nekevelelo lyondaka mweiva , wetyi mwapopilwa atyiho etyi tyatungwa mwombwelu yeulu, ondakei ame paulo ndjalinga omuipopi. ^{26 27 24} Pahatyino ndjihambukilwa memone lyange, kombinga yenyi aiho ovihami viakristu mohitu yange, okuwamena ohito yae ongeleya. ²⁵ Ei ongeleya omu ame nalinga omupopi tyavali etyi nayumbilwa onthumbi neitambula kuhuku ²⁸ Oe okristu ontwe tupopia. Ontwe twavilikilila aveho mokuvelongesa ounongo; opo tupondola okulekesa auho ku kristu. ²⁹ Otyo ame ndjikoleleyila nomafa ngo mafa ae opo akale mwame nevililo lyae.