¹ Madoda ba Efulemu beciti kwa Gideoni, ''Nichinji ici chiwaticitila? Yuliye tiyite pemweciyoyambana na Amidiani.'' Ndipo pebuka mkangano ukulene nayeke. ² Eciti kwa beve, ''Nacitanji neo kulinganizya na mweo? Ko kukunkha mpesa wa Efulemu sikwabwino kuposa kutyola mpesa wa Abiezeri? ³ Mulungu wakupasani chigonjeso pa akalonga ba Amidiani- Orebi na Zeebu! Niphindu lanji lanatolapo kulinganizya na mweo?'' Ukali wenze nao pa eve wesila pelabila teto. ⁴ Gideoni ewela ku Yorodani nakutauka, eve na madoda fili handiledi benze nawo. Benzebeba, koma benzemkonkha. ⁵ Eciti ku madoda aku Sukoti, ''Napapata bapasenkoni buledi banthu onilondola ndaba babeba, nupilikisha Zeba na Zamuna, mfumu za Amidiani.'' ⁶ Ndipo bakulu-bakulu beciti, ''Ko manja ya Zeba na Zamuna yali m'manja mwako lomba? Tibapasilenji buledi ankhondo bako?'' ⁷ Gideoni eciti, ''Yehova akatipasa chigonjeso pa Zeba Zamuna, nikuzong'amba nkhanda zanu na minga yamucipilulu na mitungwi.'' ⁸ Kuchokola uko eluta ku Penielo ndipo elabila na banthu bala chimozi-mozi, koma madoda baku Penielo emuyankha mwemuyankhila madoda aku Sukoti. ⁹ Elabila soti na madoda aku Penielo ndipo eciti, ''Nikayowela soti na mtendere nikaponeshe nsanja iyi.'' ¹⁰ Lomba Zeba na Zamuna benze ku Kakoni nagulu la nkhondo lao, madoda fifitini sauzande besalapo pa anakhondo onse akum'mawa. pakuti 120,000 madoda benzosolola mikondo bepaiwa. ¹¹ Gideoni epitila njira yakwabala onkhala matenti, kupyola Nobah na Yogibeya. Egonjesa gulu lankhondo, ndaba benzoyembekezela lini nkhondo. ¹² Zeba na Zamuna beutuka, ndipo Gideoni eptitikisha, ndipo ezikata mfumu zibili za Amidiani- Zeba na Zamuna- ndipo gulu lonse la nkhondo lao lecita mantha ngako. ¹³ Gideoni, mwana wa Joasi, ewelako ku nkhondo kupitila ku Heresi. ¹⁴ Ekata m'nyamata waku Sukoti nakumkosha makosho. M'nyamata elemba mazina ya akalonga na bakulu-bakulu sevente-seveni baku Sukoti. ¹⁵ Gideoni ewela ku madoda baku Sukoti ndipo eciti, ''Langani Zeba na Zamuna, bamene mwenzoniseka nao kuti, 'Mwagonjesa kale Zeba na Zamuna? Tuzibalini kuti kuti tufunika kupasa buledi gulu lanu la nkhondo.'' ¹⁶ Gideoni etola bakulu-bakulu ba m'mzinda, ndipo elanga madoda aku Sukoti na minga za mcipululu na mitungwi. ¹⁷ Ndipo eponesha na nsanja ya Penielo nakupaya madoda ya m'mzinda ula. ¹⁸ Ndipo Gideoni eciti kwa Zeba na Zamuna, ''Ni madoda otyani bemwepaya ku Tabori?'' Beyankha kuti, ''Mwamulili mweo nao ndiye mwenzele. Aliyense enzooneka monga mwana wa mfumu.'' ¹⁹ Gideoni eciti, ''Benze anekwasu, bana bamama. Yehova wa moyo, angati mwebasiya namoyo, sembe niliyekupayeni.'' ²⁰ Eciti kwa Yeteri( mwana wake oyamba), ''Nyamuka bapaye aba!'' Koma m'nyamata aliye solole mkondo wake ndaba enze na mantha, pakuti enze akali mwana mtontho. ²¹ Pamene apo Zeba na Zamuna beciti,''Nyamuka weo utipaye weka! Pakuti mwalili munthu na mphamvu yake ndiye mwailili.'' Gideoni enyamuka nakupaya Zeba na Zamuna. Etola soti mphande zenze m'mkosi wa ngamila. ²² Ndipo madoda ba Aisraeli beciti kwa Gideoni, ''Mtilamulile ni mweo- weo, mwana wako, na mzukulu wako- pakuti mwatipulumusha ku manja ya Amidiani.'' ²³ Gideoni eciti kwa beve, ''Nikulamulileni lini neo, olo mwana wangu. Yehova ndiye watiakulamulileni.'' ²⁴ Gideoni eciti kwa beve, ''Lekani nikusengeni cinthu cimozi: Aliyense vakumatu pavofunkha vawatola.'' (Amidiani benze navakumatu va golide ndaba benze Aishimaeli). ²⁵ Ndipo beyankha kuti, ''Ndise okondwela kuti tikapaseni.'' Ndipo beyanzika nyula pansi ndipo lidoda lililonse leponyapo vakumatu kucokela kuvofunkha. ²⁶ Muyose wakulema kwa vakumatu va golide vesenga yenze masekeli ya golide 1,700. Zofunkha izi kuonjezapo mphande, vitunga na voywala va cibakuwa venzovwala ma fumu ba Amdiani. Nakuipako unyolo wenze m'mkosi mwa ngamila zao. ²⁷ Gideoni epanga fano kucokela mu vakumatu makuliika m'mzinda, mu Ofiri, ndipo Aisraeli ecita cigololo pakugwadila ili fano. Wenkhala msampha kwa Gideoni na onse ba mu ng'nanda mwake. ²⁸ Teto Amidiani begonjesewa kwa Aisraeli ndipo baliye nyamule soti mitu yao. Teto chalo cenze na mtendere kwa zaka fote m'masiku ya Gideoni. ²⁹ Jerub Baala, mwana wa Yoasi, eluta nakuyonkhala mu ng'anda mwake. ³⁰ Gideoni enze na bana analume sevente ovyala yeve pakuti enze na anakazi anyinji. ³¹ Mwanakazi wake mtontho yenzonkhala ku Sekemu emubalila soti mwana mwanalume ndipo Gideoni emteya zina kuti Abimeleki. ³² Gideoni, mwana wa Yoasi, ecifwa nkhalamba ngako ndipo eikiwa m'manda ya awisiwene Yoasi, mu Ofiri mu mkoka wa Abiezeri. ³³ Ndipo pengokufwa Gideoni, Aisraeli bewelela soti mcigololo pakupempeza Baala. Besandusha Baala-Beriti kunkhala mulungu wao. ³⁴ Aisraeli baliyekumbukire kulemekeza Yehova, Mulungu wao, ebamulumusha m'manja mwa adani bao mbali zonse. ³⁵ Baliye sunge lonjezo lao ku ng'anda ya Yerub Baala (Uyu, ndiye Gideoini), mkuwezyera vabwino vonse vebacitila mu Israeli.