¹ Aisraeli becita vinthu viipa pameso ya Yehova, ndipo ebatwala m'manja mwa Midiani kwa zaka seveni. ² Mphamvu ya Midiani yepondelezya Aisraeli. Kamba ka Midiani, Aisraeli emanga misasa yao pakati pa myala zamulupili, na munkhwema. ³ Chenzochitika nicakuti nthawi iliyonse Aisraeli bakachala mbeu zao, Amidiani na Amaleki, na banthu bakum'mawa benzothila nkhondo pa Aisraeli. ⁴ Benzoita gulu la nkhondo pa chalo nakuononga mbeu zao, mpaka kufwika ku Gaza. Benzosiyakolilini olo chakulya cha Aisraeli, olo mbele, ng'ombe kapena abulu. ⁵ Paliponse bakafika pamozi na vobeta vao namatenti bao, benzowela ngati gulu la zombe , kwakuti chenzonkhala chovuta kubelenga banthu olo ngamila. Benzoloba mu chalo na cholinga chakuti baononge. ⁶ Amidiani efokesha Asraeli ngako kwakuti Aisraeli elilila kwa Yehova. ⁷ Aisraeli pelilila kwa Yehova kamba ka Amidiani, ⁸ Yehova etuma mneneri ku banthu ba Aisraeli. Mneneri ecitit kwa beve, ''Ici ndiye chamene Yehova, Mulungu wa Aisraeli, cakulabila; 'Nekufumyani mu Aigupto; nekufumyani mung'anda yaukspolo. ⁹ Nekulondeshani m'manja mwa Aigupto, naku kwanja la banthu onse enzomupondelezyani. Nebapilikisha pamenso yanu, nakuku pasani chalo chao. ¹⁰ Neciti kwa mweo, ''Nine Yehova Mulungu wanu; nekulamulilani kuti osapembeza milunu ya Amori, muchalo camunkhalamo.'' Koma muliyemvwile lizu langu.''' ¹¹ Lomba m'ngelo wa Yehova ewela nakuzonkhala munyasi mwa nthundu mu ofiri, wa joasi, mu Abeheri, pamene Gideon mwana Joasi enzopuntha tiligu, mofinyira mpesa- ndaba enzobisama Amidiani. ¹² M'ngelo wa Yehova emuonekela ndipo eciti kwa eve, ''Yehova alinawe, wankhondo wamphamvu weo!'' ¹³ Gideon eciti kwa eve,''Ha mfumu yangu ngati Yehova alinase, nanga ivi vonse vuticitikilanji? nanga vodabwisa vake vetuuzya makolo basu, pebenena kuti, ko Yehova aliyetifumye mwa Aigupto?' Koma lomba Yehova watisiya nakutithwala m'manja mwa Amidiani.'' ¹⁴ Yehova emulanba nakuti, ''Nkhoya mu mphsamvu yaulinayo kale. Pulumusha m'manja mwa Amidiani, ko niliyekutume?'' ¹⁵ Gideon eciti kwa eve, ''Napapata, Ambuye, ningapulumushe tyani Aisraeli? Onani banja langu nilofoka mwa Manase, ndipo nine mtontho ngako mung'anda ya tata.'' ¹⁶ Yehova eciti kwa eve, ''Nibe nawe, ndipo ugonjeshe gulu la nkhondo lonse la Amidiani monga munthu mozi.'' ¹⁷ Gideon eciti kwa eve, ''Ngati mwakondwela nane, nipaseni cizindikilo kuti nimweo mulabila nane. ¹⁸ Napapata musachoke pano mpaka niwele soti kwa mweo kuleta mpaso kuzoiika pamenso yanu.'' Yehova eciti, ''Nilindile mpakauwele.'' ¹⁹ Gideon eluta nakuyokonza kamwana ka mbuzi, na muyeso wa unga epanga buledi uliye vofufumisha. Eika nyama mu swanda nakuika muto mpoto nakuleta kwa eve munyasi mwa chimuti ca nthundu nakumpasa. ²⁰ M'ngelo wa Mulungu eciti kwa eve, ''Tola nyama na buledi uliye vofufumisha nakuviyika pa mwala, ndipo utile muto palulu.'' Ndiye vecita Gideon. ²¹ Ndipo m'ngelo wa Yehova etambasula nsonga ya ndodo yenze ku kwanja yake. Ndipo ekhuza nayo nyama na buledi uliye vofufumisha; mulilo weyaka kufumila mu mwala nakushoka nyama na buledi uliye vofufumisha. Ndipo m'ngelo wa Yhova eluta ndipo Gideon aliye muone soti. ²² Gideon envwishisha kuti uyu enze m'ngelo wa Yehova. Gideon eciti, ''Aa Ambuye Yehova! Naona m'ngelo wa Yehova meso na meso. ²³ Yehova eciti kwa eve, ''Mtendele pa weo! Osayopa, ufwelini.'' ²⁴ Teto Gideon emanga guwa ya nsembe ya Yehova pamene apo, nakuliita kuti ''Yehova ni mtendele.'' Mpaka lelo guwa ili likali peneme ku Ofura Mwabieheri. ²⁵ Usiku uyo Yehova eciti kwa eve,''Tola ng'ombe yauso inalume, na ng'ombe yacibili inalume ya zaka seveni ndipo uphwasnye guwa ya Baala yauso, ndipo utende Asera ali pafupi nayo. ²⁶ ''Manga guwa la nsembe ya Yehova Mulungu wako palulu pa malo aba othabilako, ndipo umange m'njira yoyenerera peleka ng'ombe yachibili ngati nsembe yoshoka, ugwilishe nchito nkhuni za Asera wewetenda.'' ²⁷ Teto Gideon etola banchito bake teni nakucita mwemuuzyila Yehova. ndaba enze na mantha ngako na banja lawisi, na madoda yam'munzi kuti ecite ici mzuba, ecita teto usiku. ²⁸ M'mawa peuka madoda bam'munzi,guwa la Baala lenze lophwanyika, na Asera enze pafupi enze otendeka, ndipo ng'ombe yacibili yenzeyepelekewa nsembe pa guwa yenzemangiwa lomba. ²⁹ Madoda ba m'mzinda bekambilana beka-beka, ''Nibani wachita teti?'' Pebelabila nabayakine nakusakila mayankho, beciti, ''Ni Gideon mwana wa Joasi ndiye wacita teti.'' ³⁰ Ndipo madoda yam'mzinda beciti kwa Yoasi, ''Mufumywe mwana wako ndaba tufuna kuti timpaya, pakuti ndiye waphwanya guwa la baala, ndaba soti niyeve wa tenda Asera enze pafupi nayo.'' ³¹ Yoasi eciti kwa onse enzoshushana naye,''Ko m'mlabilila mlandu nimweo Baala? Ko m'mplumushe nimweo? Aliyense omlabilila mlandu apayiwe kukali m'mawa. Ngati Baala ni mulungu, mlekeni azichinjilizye yeka muyakine pakuononga guwa lake.'' ³² Mwaici pa siku ilo beita Gideon, ''Yeru Baala,'' ndaba eciti, ''Mlekeni Baala azicinjilizye yeka, ''Pakuti Gideon ephwanya guwa la Baala. ³³ Lomba teto Amidiani, na Amaleki, nabanthu onse akum'mawa besonkhana pamozi. betauka Yorodani nakumanga misasa pa chigwa ca Yezreeli. ³⁴ Koma mzimu wa Yehova wewera pa Gideon. Gideon elizya lupenga, kuita mkoka wa Abeheri kuti bamkonkhe. ³⁵ Etuma athenga mu Manase monse, nao, beitiwa kuti bamkonkhe. Etuma soti athenga kwa Aser, Zebuloni, na Nafitale, ndipo beluta kuyokumana naye. ^{36 37} Gideon eciti kwa Mulungu, ''Ngati mwalinga kugwilisha nchito neo mupulumuse Aisraeli, mwimwenenera- Onani, nuika cikumba cabweya popunthila tirigu. Ngati mame yopezeka pa cikumba peka, koma pansi ponse nipayumu, apo nizibe kuti munigwilishe nchito kupulumsha Aisraeli, monga mwimwenenera.'' ³⁸ Ici ndiye cecitika- Gieon euka m'mamawa m'mawamwake, ndipo efinya cikumba nakukamula mame pa cikumba, ndipo yenze yanyinji kuzula mbale. ³⁹ Ndipo Gideon eciti kwa Mulungu, Msakalipe nane, nilabile kamozi tyala napapata m'nilole muyeso umozi tyala kugwilishila nchito cikumba. Lomba mupange cikumba ndiye cati cinkhale coyuma, mame yankhale pansi mozungulila cikumba.'' ⁴⁰ Mulungu ecita cemusenga usiku ula. cikumba cenze coyuma, koma pansi ponse mozungulila penze mame.