¹ Na tenepo khalani wakutewezera mulungu ,ninga wana wace wakufunidwa. ² fambani mu´lufoyi ,ninga momwe Kristu watifuna ndipo Iye adadzipereka kwa ife,ninga mphatso ya mtsembe fhungo la bwino kwa Mulungu. ³ Cigololo,cakuipa ciri centse kusirira,dzileke kugumanika pakati pa imwe ninga momwe wakucena aliri. ⁴ Paleke kugumidwa bwinthu mwakusaya phindu, maceza ya kuipa na yakusaya kuthemera bzomwe dza kusaya kuthemera mwa dzimwedzi pakhale matamando na ciyamiko. ⁵  Ndipo khalani na cikhulupiriro kuti;wakucita cigololo wakuswipa wakusirira,wakupembedza mafano alibe mbuto mu ufumu wa Kristu na mwa wa Mulungu. ⁶ Lekani kunamizidwa na mafala yakusaya phindo. Padzinthu bzimwedzi, m´kwiyo wa Mulungu ambabwera kwa wana wakusaya kubvera. ⁷ Natenepo lekani ku khala nawo. ⁸ Pakuti kale mukhali m´dhima, ndipo tsapano ndimwe wakuwala mwa Ambuye. Ndipopa fambani ninga wana wakuwala, ⁹ (ndipo bzipatso dzakuwala bzimbawonekera mu ubwino, cilungamo na cadidi), ¹⁰ kunyan´gana thawi zense ciyani comwe cini kondwesa Ambuye. ¹¹ Lekani kukhala na gwere nabzinthu dzakumdhima,ndipo zilanbeni, ¹² Pakuti bzithu bza kucitidwa na iwo mukabisebuse dzakupasa manyazi dzikanati kuzimbulidwa. ¹³ Bzithu bzentse,bzikacitidwa pa kuwala, bzimbawonekera. ¹⁴ Pakuti bzentse bzomwe bzimbayoneka ndi kuwala .mwa  ibzi bzimbati :penya ,iwe omwe uli kugona lamuka mwa wakufa ,ndipo kristu aniwala mwa iwe. ¹⁵ Na tenepo samalani kufanba kwanu lekani kukhala ninga wakusaya nzeru ,tsono khalani wa nzeru . ¹⁶ Wakucita macuwi thangue ntsiku zino zaipa . ¹⁷ Lekani kukhala wakupusa,koma dziwani ciponi cifuniro ca Mulungu. ¹⁸ Lekani kuledzera na vinyo ,dzimwedzi bzimbatenga mu citayiko.mwa dzimwedzi khalani wa kudzala na mzimu wakucena , ¹⁹ Lewalewani winango na mwanzace mu masalimo,mu mayamiko,na mu  nyimbo za uzimu,na  kuyamika Mulungu na mtima wanu wentse mwa ambuye. ²⁰ Na kupereka mayamiko pa dzinthu dzentse kwa Mulungu baba,mu dzina la Ambuye wathu Jesu Kristu. ²¹ Na kudverana bodzi na mwanzace na kugopa Kristu. ²² Akazi ,dverani azimuna wanu ninga mumbadvera Kristu . ²³ Pakuti mamuna ni nsolo wa nkazi ,ninga Kristu ni nsolo wa mpingo ,ali ndiye cipulumutso ca thupi. ²⁴ Ninga mpingo ambadvera Kristu ,tenepo akazi akhale wakudvera azimuna wawo pa bzentse. ²⁵ Amuna,funani akazi wanu ninga Kristu afuna mpingo ndipo pa iye adadzipereka. ²⁶ Iye adaukondza kuti akhale wakucena,na kumusambisa kucokera mu madzi na fala. ²⁷ Kuti iye akazindikire yekha mpingo wa ulemerero wakusaya cipsazi,na dzimwedzi koma wakucena na wakusaya cipsazi. ²⁸ Na tenepo,amuna funani akazi wanu ninga thupi lanu.Ule omwe ambafuna nkazace anbadzifuna iye pa yekha. ²⁹ Palibe muthu adawenga kale thupi lace.mwadzimwedzi,ambalilhesa na kulikoya ninga Kristu ambakoya mingo. ³⁰ Thangwe ndife dwiwalo bza thupi Lace. ³¹ Na thangwe limweri,mamuna adzasiya babo na mayi wace,adzaphatana na nkazi wace, ndipo  pa awiriyo adzakhala thupi libodzi. ³² Ici cintsintsi cikulu koma ine ndikulewa dza Kristu na mpingo. ³³ Tenepo ali wentse wa imwe afune nkazi wace ninga momwe ambadzifunira iye,nkazi alemekeze mamuna wace.