¹ Ine tsono,ninga wa kaidi mwa Ambuye ndikukudandaulirani imwe kuti  muyende mwakuthemera na kacemeredwe kamudacemeredwa, ² khalani na kudzicepetsa kukulu, na cifatso, na kuleza mtima, na kuvumirana bozi na mwanzace mwa lufoyi, ³ citani ubwino bwanu kuti mukhale pa ubodzi mu Mzimu mwa cimanguiriro mu ntendere. ⁴ Pana thupi libodzi na Mzimu ubodzi, ninga momwe adakucemererani m`ciyembekezo cibodzi na kacemeredwe kwanu. <sup>5</sup> Pana  Ambuye m`bodzi, cikhulupiriro cibodzi na ubatizo ubodzi. ⁶ Mulungu m`bodzi baba wa wentse. Iye ali padzulu pa wentse, ali mwa wentse, na n`kati mwa wentse. ⁷ Ali  yentse wa ife adapasidwa mphatso ninga mwa nsinkhu ya mphatso ya kristu. ⁸ Ninga momwe malemba yambati: Pomwe Iye adakwira kudzulu, ada ikha m´kaoko iyo kaokoyo,  ndipo acipereka  mpatso kwa wanthu. ⁹ Ndjiponi thandauzo la ´´Iye adakuira``, na kuti Iye adabulukambo m´pakana kufika ku mbuto za kuzikisisa pantsi pa dziko? ¹⁰ Munthu omwe ada buluka nimbodzibodzi na omwe adakuira padzaulu  kwa kudzaulu kwentse, kuti akakwanirise bzinthu bzentse. ¹¹ kristu adapasa  winango kuti akhale atumwi, aneneri, alaliki na winango ninga abusa na afhundzisi. ¹² Iye adapereka basa limweli kuti akondze mbumba yace yakucena mu basa la utumiki na kukondza thupi la kristu. ¹³ Iye akupitiriza kukondza thupi lace kufikira tentse tikhale wakugumana mu cikhulupiriro na kuzhiwa dza mwana wa Mulungu kufikera tikhale wa kukwima ninga wale omwe adafika pa nsinku ya cidzalo ca Kristu, ¹⁴ kuti tileke kukhala ninga wana omwe ambathusidwa kumbuyo na kutsogolo na mphepo ya madfundziso,na matenga ya wanthu.kukachenjera kutewezera pa cinyengo ca kusoceretsa. ¹⁵ mwa dzimwedzi,kulewa cadidi mwa lufoi,ife tikukula mu njira zentse mpaka kuna iye,omwe ni  nsolo Kristu. ¹⁶ Kristu akukonza thupi lentse,lomwe liri pabodzi na kuphatana na cithandizo ca kuphatanizidwa mwakucitisa kuti ciwalo centse ciphate basa pabodzi;ibzi bzicitisa thupi kukula na kukondza ilo palokha mwa lufoyi. ¹⁷  ndipopa ine nilewa na kungingimira bzimwebzi,mwa ambuye;kuti lekani kukhala ninga wa mitundu ambakhalira na kuputswidwa na nzeru zawo. ¹⁸ Iwo ali wakuswipizidwa mu kakumbukidwe kawo, wakuyesedwa alendo pa moyo wa Mulungu,nakunyoza komwe kuli mwa iyo,thangwera kuuma mitima  kwawo. ¹⁹ Iwo ambabva lini manyazi pakudzipereka mu upombo, ndipo iwo akupitiriza  kucita bzentse bzakufsipa. ²⁰ Mulibe kupfunza  tenepa bza Kristu. ²¹ Ngati mudadva dza Iye,ndipo mudafhunzisidwa mwa Iye,ninga cadidi ciri mwa Jesu. ²² Imwepo mwa dfundzisidwa kuleka kucita pomwe dzire dzomwe mukhacita kale,kucosa mamuna wa kale,uyu ndiye mamuna wa kale wakudzonga thanguera bzilakolako bzathupi bzakunama, ²³ Imwepo mwafhunzisidwa kuti mukonze mzimu wa makumbukidwe yanu. ²⁴ Na kuvala umuthu mupsa omwe ngwa kulengedwa mu fanizo la mulungu ,mu cilungamo ca cadidi na muciyero. ²⁵ Natenepo lekani kunama ,lewani ca cadidi na aneba wanu ,thangwe ife ndife bziwalo bza bodzi na mwanzace. ²⁶ kalipani koma lekani kucimwa ,lekani kubvama kuti dzuwa ikamire mukadakalipa . ²⁷ lecani kupasa mpata lhabu. ²⁸ ule omwe akhaba ,aleke kuba pomwe ,aphate basa,acite bzinthu dzabzino na manja  yace,kuti akwanise kugawana na wentse omwe ngwakusaya. ²⁹ leka kubvuma kuti mafala yakudziko yacoke pa kamwa pako,lewa mafala yomwe njabwino kuti mulimbise anzanu. ³⁰ Lekani kukumudwisa mzimu wakacena wa Mulungu,omwe mudazindikisidwa mu cizindikiro cace kufikira mu tsiku la mawomboledwe. ³¹ khalanei kutali na ukali bwentse,kupswa mtima,kukalipa,ciwawa,kukuwa na kutukwana kusanganiza na kuipa kuli kwentse. ³² Khalani wabwino wina na mwanzace wa mtima wa cifundo,wakukulukirana wina na mwanzace ,ninga momwe mulungu mwa kristu wakulekererani.