¹ Apwiya yahun'himerya Moise. yiraka: ² ''Mwarume atthu a Israyeli wira ewomole omaxaxani anamakutula otene, n'ale otene anweren'ya ekasinyonyo n'ale arina nikhwatta nihinvola ni otene ale aranve mwikho mwaha w'ovara nrutthu. ³ Ekhale alopwana ekhale athiyana ahana womoliya omaxaxani. Awo ehinanarihe omaxaxani onkhalaaka n'atthu''. ⁴ Atthu a Israyeli yahira tjitjam'mo. Awo yahiwomola omaxaxani, ntoko Apwiya yanrumalyaya Moise. Atthu a Israyeli yahuwinwelela Apwiya. ⁵ Apwiya, yahinlavuliha-tho Moise. Awo yiraka: ⁶ ''Mwahimerye atthu a Israyeli.Nlopwana wala nthiyana onin'hononela etthu nkhwawe, onatthekela Apwiya, ntthu owo okhalana nlattu. ⁷ Owo ohana olokoha ottheka wawe ni alivaka etjitjapo yottheka wawe, atjereryaka-tho etjitjapo entthunawe oliva. Owo ohana onliva ntthu yole ontthekelalyawe. ⁸ Nto, ntthu ole otthekeliye akhwa khuhikhalano m'mutji awe onrwaa oliviya etthu ele ehononiye, etthu eyo enikhala ya waka Miyo Apwiya avahereriye nlipa a nkuttho, ohiya wa epwittipwitthi erinawe ovaherya nkuttho. ⁹ Tjovaha tjotene avahereriye nlipa a nkuttho, mwa tjitthu tjotene tjowarya n'itthu ithanleliye Miyo n'atthu a Israyeli, ti tjawawe nlipa a nkuttho yele. ¹⁰ Tjovaha tj'atthu otene ti tjawawe nlipa a nkuttho. Tjitthu tjotene atthu antthunaya onvahereryaka nlipa a nkuttho ti tjawawe nlipa a nkuttho yole. ^{11 12} Apwiya yahun'himerya-tho Moise. Awo yiraka: '' Mwahimerye atthu a Israyeli. Mwiraka: 'Akhala nthiyana otheliya ettale vonanara, antthekelaka n'yawe, ni ¹³ arupihiyaka ni nlopwana nkina, n'yawe ahitjuwelaka tjitjo owo onanariha n'kalelo awe. Nlelo n'yawe ahitjuwelaka wala ahonaka etthu ele ekhumelelale ni eyo khukhala yowimpithiheya khuhikhumelela namona on'himyakatja nthiyana owo, ¹⁴ tjitjam'mo, nlopwana owo khuyanla ehatje wala khuyanyiherya wira mwarawe oraruwa. Vano-nto , wunla ehatje n'wo wa nlopwana owo onukhala w'ethiru mwarawe ahiraruwale ¹⁵ Tjito, nlopwana owo anrwaane mwarawe owo wa nlipa a nkuttho. Nlopwan'owo akusalene yovah'awe mphantti wonanloko y'efa y'otthu. Owo ahitakanihe ni makhura wala tjowunkhela okhala wira yovaha ya mirerelo ya ehatje, ntoko yovaha yowanyiherya yottheka. ¹⁶ Nlipa a nkuttho amwattamiherye nthiyana ole akhale vamethoni v'Apwiya. ¹⁷ Nlipa a nkuttho aitthele matji otthukuryano m'mwapuni m'oloko ahavuli ntthupi vakhani vathi v'empa y'Apwiya ni aitthele m'mwapuni muri matji. ¹⁸ Nlipa a nkuttho amwemexe nthiyana owo oholo w'Apwiya. Nthiyana owo akhunule muru awe ni ataphule ikharari tjawe. Nlipa a nkuttho owo amwintjatherye m'matatani mwawe yovaha eyo yowupuwelela yottheka. Ela yovaha evaheriye mwaha w'ehatje. Nlipa a nkutthoakuse, m'matatani mwawe, matji owawa, akhalale onwanela otakhaliya nthiyana owo. ¹⁹ Nlipa a nkuttho anrume nthiyana owo olapha ni an'himerye nthiyana owo wira: 'Mwaharupale ni nlopwana nkina mwahettale vonanara mwahararuwale mwahinanarihale, nto, matji ala owawa otakhalia ehohononeni. ²⁰ Nto , nwuwo, nthiyana yakhala ekhweli wira n'hetta vonanara nraruwaka ni nlopwana nkina, mwinanarihaka, nrupaka ni nlopwana yowo, ²¹ (nlipa a nkuttho anlaphihe nthiyana owo otakhaliya ni an'himerye-tho nthiyana owo wira)' nto, Apwiya yotakhaliheni otakhaliya winyu ontthuna okhala wowonihereya variyari v'atthu. Ni vanamwiraneya wira Apwiya anamwimpiha m'mirimani mwinyu yokhaliheni nlipa ohiyara. ²² Matji awo otakhaliha evolowe m'maruponi mwinyu, yimpihe m'mirimani mwinyu yokhaliheni nlipa ohiyara.' Nthiyana owo akhule wira: 'Ayo, yvanamwiraneya okhala wira miyo kottheka'. ²³ Nlipa a nkuttho alepe mulumo ala otakhaliha vapapheloni ni , nto, atjipihe m'matjini awo owawa. ²⁴ Nlipa a nkuttho anrume nthiyana owo owurya matji awo owawa otakhaliha. Matji awo otakhaliha anukela m'mirimanimwa nthiyana owo ewanaka owawa. ²⁵ Nlipa a nkuttho akuse m'matatani mwa nthiyana yovaha mwaha w'ehatje. Owo avahererye w'Apwiya ni makhalelo olemeliha intjatheryaka valtari. ²⁶ Nlipa a nkuttho ahavule nikuphi nimotja n'otthu, nikhale nuputjeryo, ni apahe valtari. Numala owo anvahe nthiyana owo matji awo owawa awurye. ²⁷ Akhala wira nthiyana owo ori ottheka khuraruwa awuryakaru matji, matji awo otakhaliha anukela m'maruponi mwawe m'mirimani mwawe munamwimpa okhala wira ontthekela n'yawe, nto, matji awo otakhaliha anukela m'mirimani mwawe ni anukhala owawa. m'mirimani mwawe munamwimpamo akhale nlipa ohiyara. Nthiyana owo onutakhalihiya oholo w'atthu. ²⁸ Nto, nthiyana owo akhala wira katthekale khananarihale erutthu awe, nto, kharwa okhumeleliya yotakhala onawerya wayara asanawe. ²⁹ Nla ti nikano n'ehatje. Nla ti nikano ninvara nthiyana onetta vonanara araruwaka khunanariha erutthu awe. ³⁰ Nikano nen'na nin'nimvara-tho nlopwana onimunlela ehatje mwarawe amwanyiheryaka mwarawe okhala namararuwa. Owo anrwane mwarawe okhol w'Apwiya ni nlipa a nkuttho onamwiriha tjitthu tjinrumiya n'nikano n'na. ³¹ Nlopwana khanrwaa okumiheriya nlattu mwaha wonwana mwarawe wa nlipa a nkuttho. Nthiyana owo aphwanyaniya okhala namattheka avileleke ohawa onimphwanela''.