¹ Bhatwarijishe kubaika na bharongori na bhaitori ,kubhasikaja na kukuindigija hena kila ndima yedi . ² Bhasimrighe wowose ,bhasitatune kibhibhi bhahoiye na kubaika ha bhandu bhose . ³ Khoka aho kae swi twookie na magheshijio madhidhi na kusabaika tuteshiwe na kuoshwa maruo ma mlakolako wa isanga ,tuehie hena mateshanyo na kusuana ⁴ Kake mati ma kuangela kwake izubha mzuri wetu na hukundo iwake hena mundu lukimebhonekane , ⁵ yosookie ni mihiro yetu ya kididi tuihirie,kake etukijie henamvono wake etukujie hena kutuoja hena kumoghwa kibhusha na kuoshwa bhasha hena ngoro mshenete . ⁶ Izubha eitishe Ngoro mshenete nyiingi wanga yetu kubhetia ha mkija wetu yesu kristo . ⁷ Eketie hubhu esa tukakenja kutariwa kididi hena mvono wake, tuoke bhaitori bha kifumwa chake ndarasi . ⁸ Ii ni ndumiya kuiseja ,nikundie mbhitete bhindu ibhi esa bhala bhemuitikijie izubha bhaoke na miikare na kuhira bhyedi , bhindu ibhi ni bhyedi na bhimuinare kila mundu . ⁹ kake kungoleni na bhiteto bhya kitukuzi na kukubhelua ,kubheterana na kudebherana wangaya langano ,bhindu ibhyo bhisina mbucha na bhisibhe . ¹⁰ Msueni mundu ula eete mighabhanyo ghati yenyu baada ya kukanywa kamwe kana keeri ¹¹ twarijeni iti mundu wa mbare iyo aishigha zia ya kididi na ehohira ng'oki na kukulaha mwenye. ¹² Magheri ninemuazerija artema na tukiko hako ,keta ungwangu uniratere nikapoli heho naisejwa kuikaa magheri ma mbeo , ¹³ Hira kila uidima kubhatuma zena mlabhi na Apolo bila Kusobha kindu . ¹⁴ Bhandu bhetu mtano bhakuloshe kuangajika hena ndima jedi jiiseja bhundu mukundie esa bhasize bhakaoka bhesiohomogha maduda . ¹⁵ Bhose bheho nami bhakukezia . Bhakezie bhala bhetukundie hena luitikinjio. mvono uoke nanywi bhose.