¹ Kake we ghamba bhila bhiaterane na malosha ma kididi ² bhaloshe bhome bhaghosi kuoka na kitore , bhena nganyi , bheinare , na bhemuke hena kiirikijio na lukundo na kungurumia. ³ Hubho hubho losha bhache bhacheku kuoka na bhasioke maruo ma mawa meengi kake bhaoke bhalosha bha bhyedi ⁴ Na kulosha bhache bhadori kubhkunda bhome bhabho na bhana bhabho . ⁵ Bheinare , bhezerie bheimukie kaa jabho na kubaika ha bhome bhabho esa ketiko cha mzuri kisitetwe hena bhubhibhi. ⁶ Bhula bhula bhagere ngoro bhabwange bhainare . ⁷ Ghati ya zia jose uoke na miikare yedi ya kuratewa ,hena malosha mako bhonyanya miikare nabyi ⁸ Na ndumi ya kididi isingolwa matekwa esa ula eye ekukana agurwe i odoyi amu bhesina kibhibhi cha kuteta wanga yetu ⁹ Maruo bhabhainge nganyi bhazuri bhabho hena kila kindu , bhabhaiseje na bhasijutane nabho . ¹⁰ bhasibhahibhie kake bhabhonyanye ngoro yedi yose esa na kila zia jose bhaete luisiso malosha make izubha mkija wetu. ¹¹ Amu mvono wake mzuri wabhonekane wanga ya lukio iwa bhandu bhose. ¹² Yohoitulusha kusua bhindu bhisioho kimzuri na kukunda isanga na kuikaa kiiki na kuikaa kitore , miikare na bhuzuri hena kae iji . ¹³ mati tuindie kuuhia lusiligi iwetu luhete itasi , kubhonekana hena kirumi chakwe mzuri wetu mbaha na mkija wetu Yesu Kristo . ¹⁴ Yesu engolie moo wakwe hena wanga yetu nesa atukite na bhunyamari bhose nakutuzerija bhandu bheinare bhala ebho bhena nyami ya kuhira mihiro jedi ¹⁵ Teteni bhindu ibhoo mbhagere bhandu ngoro na kukoromija na kungoza matekwa hena bhuitori bhose usikunde mundu wowose kukudaa