¹ Chicho huricho chona hangu mwanzo, chicho huricho chisikira, huricho chona kpwa matso gehu, na huricho chilola, na kpwa mikono yehu huchichiguta, dzulu ya neno ra uzima- ² uratu uzima uriwohendwa umanyikane lwazu, nasi hudziwona, na hudziushuhudia. Hamvatangazira uzima usiwo na mwisho, uriwokala kpwa iye Paba, na uhendwa kumanyikana kpwehu. ³ Chiratu huricho chona na kuchisikira hachitangaza kpwenu, ili muweze ku-ungana nasi. Ushirika wehu u hamwenga na Paba na mwanawe Jesu Masihi. ⁴ Pia, hamvandikira mambo gaga mwimwi ili furaha yehu ikale kamili. ⁵ Uu ndiwo umvoro huriwo usikira kula kpwakwe na ndiwo hamvatangazira: Mulungu ni mulangaza, na ndaniye kakuna chiza kamare. ⁶ Huchamba huna ushirika naye ala hatsembera chizani, hakenga na kahuhenda ga ujeri. ⁷ Ala huchitsembera kahi za mulangaza here iye arivyo mulangazani, huna ushirika sisi kpwa sisi, na mulatso wa Jesu Masihi, mwanawe wahutakasa kula kpwa dambi zosi. ⁸ Huchamba kahuna dambi, hadzikenga enye, na ujeri kaumo ndani mwehu. ⁹ Ala huchiziungama dambi zehu, iye ni mwaminifu na wa hachi kuhusamehe dambi zehu na kuhutakasa na mai gosi. ¹⁰ Huchamba kahudzahenda dambi, hamuhenda iye kukala mulongo, na nenore karimo ndanini mwehu.