¹ Hakara, enehu, huvoyereni, kukala neno ra Bwana riweze kutsalaira na here irivyo kuko kwenu. ² Voyani kukala huweze kukolwa kala kahiza ui na atu ai, kwa kukala si atu osi enye imani. ³ Ela Bwana ni mwaminifu, ariye yundamuhenda mukale mazubuti na kumurinda na yuyahu mui. ⁴ Huna ungumbao kahiza Bwana kwa ajili yenu kukala mundaenderera kuhenda mautu hurigo mulagiza. ⁵ Bwana amulongoze mioyo yenu kahiza uhenzo na kahiza uvumirivu wa Kristo. ⁶ Hikara hunamulagiza, enehu, kahiza dzina ra Bwana Jesu Kristo kukala mukale khanda na chila Ndugu ariye yunaishi ga ukaha na sikula na muhubi muriovhokera kala kwehu. ⁷ Kwa kukala mwimwi enyee munamanya kukala ni kara kara yenu kuhiga siswe, khahuishire kahi kahi yenu here arahu ariokala khana hishima, ⁸ na kahurirye chakurya cha mutu yoyosi bila kuchirivhira, Ela khanda na vhavho, kwa tabu, hahenda kazi komu usiku na mutsana ili husidze hukakala muzigo kwa mutu yoyosi wa kwenu. ⁹ Hahenda vivyo, si kwa kukala khahuna mamulaka, ela ni kwakukala hukale mufano kwenu, ili muhigwe siswi. ¹⁰ Vhavho hurivhokala vhamwenga namwi hamulagiza neno riri, "Ichikala mumwenga wemu kenzi kuhenda kazi abirye" ¹¹ Kwa kukala hunasikira kahi kahi yenu anjine ni akaha, khahenda kazi na khatuma virahu vihenzekanavyo. ¹² Hikara ao nao hunaalagiza na huna ara kahiza Bwana Jesu Kristo, kukala lazima ahende kazi kwa kuhurira na kurya chakurya chao enyee. ¹³ Ela mwimwi, enehu musife moyo kahiza kuhenda garigo ni ga karakara. ¹⁴ Ichikala mutu yoyosi kenzi kurigwira neno rehu kahiza baruwa ii, mukale matso nae na musikale na ushirika vhamwenga nae aweze kwebika. ¹⁵ Musimuharire here ni hadui, ela muonyeni here ndugu. ¹⁶ Bwana mwenye arie wa reri, amuvhe reri wakati wowosi kahizaa njira zosi, Bwana akale namwi mosini. ¹⁷ Uu ni mulamoso wangu, himi Paulo, kwa mukono wangu mwenye, irio ni alama kahiza chila baruwa. ¹⁸ Neema ya Bwana wehu Jesu Kristo ikale namwi mosini.