¹ Hikara dzulu ya kudza kwa Bwana wehu Jesu Kristo na ku-utsangula vhamwenga ili hukale naye, hunamuvoya mwimwi ehehu, ² Kukala musinyagwe wala musitsoswe chirahisi, kwa roho hebu kwa ujumbe hebu kwa baruwa yonekanayo here ila kwehu, ichi-amba kukala tsiku ya Bwana yakudza kare. ³ Chivyovyosi mutu yoyosi asimukenye. Kwa kukala kainda-kudza muhadi kuraha kugwa kudze na chimbere na mutu yuyahu mui afunulwe, yuyahu mwana mubanangi. ⁴ Yuyahu ndiye akahalae na adzimunalae mwenye dzula ya chila chirihiwacho Mulungu hebu kuvoyewa, na kukologanya kwe nikasagala kahiza nyumba ya Mulungu na kudzionyesa vyakukala ie ndiye Mulungu; ⁵ Je, khamukumbukira vyakukala nirivhokala namwi namwambira dzulu ya mautu gaga? ⁶ Hikara munamanya chira chimuzuliacho ili kukala aweze kufunulwa kwa chihari cha(muda) karakara chindivhokudza. ⁷ Kwa kukala siri ya mutu yuhahu mui inahenda-kazi hata hikara. Ela yuvhavho amuzuliae muhadi andivho-uswa njirani. ⁸ Ndivo yuyahu mwenye kuhenda ui andivho-funulwa, ariye Bwana yundamulaga kwa pumuzi ya kanware, Bwana yundamuhenda akale sichochosi kwa mwangaza wa kudzakwe. ⁹ Kwadza kwa yuhahu ahendae mai kundakala dzaheri mufano wa kuhendakwe shetani, kwa mukotse wosi, na ishara na utu; ¹⁰ na ulongo wosi urio khauna hachi. Mautu gaga gandakalavho kwa arahu angamikao, kwa kukala kha-uvhokerere uhenzo jeri kwa ajili ya wokoli wao. ¹¹ Kwa utu uo Mulungu yuna-ahumira kazi zirizo za ui ili awamini ulongo; ¹² Maomboreri ga kwakwe ni vyakukala atu osi andahukumiwa, arahu ario khawaminire ujeri, ela here anahenda nyemi, kwa mautu gasigo ga hachi. ¹³ Ela inahufaha siswi humushukuru Mulungu chila mara kwa ajili yenu enehu muhenzwao ni Bwana, kwa kukala Bwana Wamutsanula mwimwi mukale chivyazi cha kwanza cha wokoli kahiza kutsukutswa kwa roho na imani reri kahiza irahu jeri. ¹⁴ Chichi ndicho aricho mwihira mwimwi, kuchirira injili injili ii muweze kuupata utukufu wa Bwana wehu Jesu Kristo. ¹⁵ Kwa vivyo, enehu, imani tototo, umanyeni utamaduni muriofundishwa, kwa neno hebu kwa baruwa yehu. ¹⁶ Hikara Bwana wehu Jesu Kristo mwenye, na Mulungu beyehu, ariyehuhenza na kuhuvha faraja ya kare na kare, ungumbao mudzo kwa ajili ya maisha gadzago kuchirira neema, ¹⁷ Amubume moyo na kuihenda tototo mioyo yenu kahiza chila neno na hendo ridzo.