¹ Petro, omurumwa wa Yeso Kristo, hu balobole bomukabano, abamenya nabukeni musialo sia Ponto, nende Galatia, nende Kapadoki nende Asia nende Bithinia. ² Kori nga Nyasaye yarangira obamanya mu hulafuyia nende omwoyo mulafu, nimukanya huosibwa namachai ka Yeso Kristo, ineena nemirembe kiemede hweng'we. ³ Abebwe chihabi, Nyasaye womwami wefwe Yeso Kristo, ulwesise siaye singi, yarlwibula olwohubiri, hunyole ohwegena huhlamu lwaye hurula mu bafu. ⁴ Hunyole obulamu buuma obuchafu, oburasamuha,obwarindwa muikulu hweng'we. ⁵ Nang'u mwarrindwa namani ka Nyasaye hubirira mulisubira, munyole obuania obuyerire ofunulwa inyanga yesiakamo. ⁶ Musangala muno mubiha ebio, humalaho mbwe ebiha bichebio, nibienyehana, munaba nesibera hulwamatemo kakabuhane. ⁷ Ohutema risubira rieng'u eriri nobukusi bwakulu ohiraho imula einyala okora, humadaho mbwe ino itemwangwa nomuriro, haro huilolohe huba neifuma noluyali nesiribwa, muhuloloha hwa Yeso Kristo. ⁸ Naye mwamuhera ata nimuramulola; ata ni muramulola siha sino, ne musubira hunie handi musangala muno, hubusangali buraloloha, oburi nobulafu. ⁹ Muhwaakana esiokamo siohhusubira hweng'u alala nende obuonia bwemioyo kieng'u. ¹⁰ Huchimbosi chiobuonia obuo amanabii bakonya konya nohweunja unja nibalakula chimbosi chieinema eyahabolere. ¹¹ Bakonya mbwe nesiha sina, siengerosi siomwoyo kwa Kristo okwabalimo, okwakesia eminyahano ekia yabiiremo Kristo, alala noluyari lwabeo. ¹² Bafunulirwa mbwe sinohulwabu bene arali mbu ni hulwefwe nabandu abayala injili humwoyo mutakatifu owarumwa hurula mwikulu. Malaika bekomba oringala chimbosi chino. ¹³ Huako mweboye bibuno biamaparo keng'we musumuhe nimwegena inema ya mwarererwe Yeso Kristo nafunulwa. ¹⁴ Kori nga abana barekerefu, murafwana nende ohwekomba hwamwari nahuo ohuobusiru. ¹⁵ Kori nga owabalonga nga ari mutakatifu mwosi mube batakatifu mungira chieng'u chiosi. ¹⁶ Hubera biandikwa mbwe mwahabe batakatifu hubera esie ndi mutakatifu. ¹⁷ Ne ni mulanga Baba, ohengeranga buri mundu musango hulondohana nebihole biaye, mube noburie mubiha bia muriano nga abakeni. ¹⁸ Mumanye mbwe simwaonisibwa hulwebindu bibiya nga fedha nende dhahabu murule mumiluha kiang'u kirahoya, kiamanyole hurula hubalareng'u. ¹⁹ Mulonde machai kabukusi bwakulu nga bwomwana werikondi ouma rikondo kata bulema, yaani Kristo. ²⁰ Naye yamanyihana hurula hare sialo nisiralongwa; omalaho mbu yafunulwa munyanga chiohumaliriha hulweng'we. ²¹ Hulwaye mumalire huba bandu basubira hu Nyasaye, owamulamusia hurula mubafu mani namuberesia oluyari,hu risubira, nende hwegena hweng'ire hube mu Nyasaye. ²² Nimumala hulefuyie mioyo kieng'we handi hukanya bwadieri, hula hubuheri hubasiengie oburari nende ohwekadia muteme oherana mumioyo. ²³ Hubera mwebulwe olwohubiri si hubumuo bunyala obiya, mani humbosi ya Nyasaye eyobulamu handi erimenya miaka kiosi. ²⁴ Biekesia mbwe, omubiri kwosi kuri nga obunyasi handi oluyari lwomundu luri kori nga eriua. ²⁵ Ne imbosi yo mwami imenya miaka kiosi ne imbosi eyo nimbosi indayi yamwayalirwa.