¹ Ne khumakhuwa kebise netsinduukho, bana beefwe, shimuli nende akachira nimuhandichilwa likhuwa liosi ta. ² Shichila inywe abeene mumanyire obulayi mbu, induukho yoOmwami yiitsanga shinga omwifi olwa yeetsa mushiro. ³ Olwa baba nibashiboola mbu, omulembe nende obulayi, nonoho obwonooneshi bubasundusia shinga inzibula olwa yamusundusia omukhasi ouli inda:shibaleehonokokha ta. ⁴ Nebutswa inywe, baana beefwe, shimuli mushiilima, mbu induukho eyo yimunyooleresie shinga omwifi ta. ⁵ Okhuba inywe mwesi muli abaana bobulafu, khandi abaana beshiteere; shikhuli abeshilo ta, kata abeshirima, tawe. ⁶ Kho muleshenje okhukona tsindoolo, shinga abandu bandi ta, habula mbu, khubeetsenje meeso nikhwirukha. ⁷ Shichira abakona tsindoolo bakonanga eshilo: nabo abameera bameela eshiro ⁸ Nebutswa ifwe, olwa khuli abeshiteere, khwirushe abeene nikhwifwala khubilifu obitsengwa biobusuubili; obunayi, bwobuhonia nabwo bube bushia nibushia. ⁹ Shichira Nyasaye shikhuraho khulwa aburumata, ne mbu, khunyole obuhonia muMwami wefweYesu Kristo, ¹⁰ owakhufwira mbu, kata nikhufwa, kata nikhuli abalamu, khumenye halala ninaye. ¹¹ Kho muheresania omwoyo, nimumbokhana abene khubene. ¹² Ne khubasaya abana befwe, mbu, mubamanyirisie balia abakhalabananga mwinywe, nende ikulu wenywe muMwami, nibaheresia oluyali, ¹³ nibekhoyera noluyali lweikulu mubuheri khulwemirimo chiabwe, nenyu mube nomulembe abeene khubeene. ¹⁴ khu khubatsuba, abaherwa, bahalabire balia abalauliranaga ta, mubaotseresia abemioyo emititi, bakhonye abateshere, mwifire abandu bosi. ¹⁵ Lenjeresie mbu, yesi shalarunga obubii khububi ta, ne mbu, mulonde eliri lilai, mwinywe abene nende khubandu bosi. ¹⁶ Musangalenje buli liosi. ¹⁷ Musaye obula chonya ta. ¹⁸ Mubuli shindu mukhupe orio, okhuba lino nilio elienya Nyasaye muKristo khwinywe. ¹⁹ Mulasimie Roho ta. ²⁰ Mulaleche obulakusi ta. ²¹ Muchere ebindu biosi Muhando khukali amalak. ²² Murule khu liosi eliri libii. ²³ Naye Nyasaye womulembe abakhole abatsienukhu, esaya Nyasaye mbu, Roho wenywe nende Emioyo, nende emibiri, chibikhwe, okhula khunyanga yoMwami Yesu Kristo. ²⁴ Nomusubilwa ulia owitsa okhuusia. ²⁵ Banana beefwe, khusaire. ²⁶ Shesie abaherwa bosi nende omulembe omutsienukhu. ²⁷ Aebalaka muMwami, mbu ibarwa yino khandi isomwe khubaherwa abatsienukhu bosi. ²⁸ Obukosia bwoMwami wwfwe Yesu Kristo, bube minenyu, Amina.