¹ Eyirula khu Paulo nende Silivano nende Timotseo : yula khu Kanisaa yabathesalonika, muMwami Yesu Kristo, nende Nyasaye ouli Samwana. Obukosia bube khwinywe nomulembe. ² Khumuupira Nyasaye orio khulweenywe mwesi tsinyanga tsiosi, nikhumurumbulanga mwesi mukhusaya khwefwe. ³ Kata shikhukoneranga tawe okhwitsulila imbeli wa Nyasaye weefwe, niye seefwe, obukholi bweenywe oburula mubusuubili, nobunyakhani oburula mubuheeri, nobwisimilisi oburula mubunaayi khu Mwami weefwe Yesu kristo. ⁴ Khumanyile, banana befwe aba Nyasaye aheranga, shinga olwa yamulobola toto, ⁵ shichila oburume bwa khweerwatsa shibwamulira mumakhuwa butswa ta, habula nende mubunyali, khandi muRoho Omulafu, khandi mubumanyi oburaliru khandi inywe mimanyile murio imere yeefwe mwinywe eyali khulweenywe. ⁶ Nenywe mwekhola, abalondi ba imera yeefwe nende eyo Omwami; shichila mwenjisiria likhuwa mubusandibwi obunji, halala nende obusaangali bwa Roho Omulafu. ⁷ Nimwikhola murio eshimanyilo khubaasubili bosi abali Makedonia nende Akhaya. ⁸ Okhuba likhuwa lioOmwami liarula mwinywe, emakedonia na akhaya yonyene ta, habula mubuli bandu akobusuubili bweenywe obwa muli ninabwo khu Nyasaye katswanile ebulafu. Kho ifwe shikhuli nende elichira nikhubola likhuwa ta. ⁹ Shichila abeene babolanga khukeefwe, okhwinjila khweefwe mwinywe shinga olwa khwali; khandi shinga olwa mwashiukhanira Nyasaye watoto oubeetsangaho mwoyo. ¹⁰ Nokhulindilira Omwanawe okhurula Mwikulu; ne niye owayalamusia okhurula mubafuu, mbu Yesu, oukhuhoninjia muburima obuli okhwitsa.