¹ Abula mbola mbwe omukerami,esiha siosi siosi naba omudoro abula bwauhani nende omusumba,kata nende naba mbwe ni Omwami wa biosi ; ² Abula mbwe ari asi wa okil nende abarindi,ohusia esiha esimarire ohugeng'wao nende Baba. ³ Kata kario memde efwe fwosi ngori hwari abana hwarinihurumihibwa nende chimera chia mberi chie sialo. ⁴ Kata ngori biola obwesimirisi obwesiha,Nyasaye yamuruma omwana waye owebulwa nende omuhasi,yebulwa asi wamalako, ⁵ Mbwe abanunule abo abari asi wa amalako,mbwe efwe hunyole imera yobuba abana. ⁶ Ne ohuba nbwe haro mubere abana,Nyasaye yaruma omuoyo kwo omwana waye mumioyo kiefwe,okurira,aba yani Baba. ⁷ Haro handi simuri abasumba haba,mbu muri abana,handi mbu muri wana muri bakerami ba Nyasaye hubirira Kristo. ⁸ Mbwe ohuba esiha siria,simwari nimuramanyire Nyasaye,mwabarumihira baria mumera eyirari Nyasaye. ⁹ Mbu bulano,nimwahamala omanya nNyasaye kata,mwamanyihana nende Nyasaye,mufunyirie murie mubudehere nende bindu bio musialo bibi handi mwekomba ofunya mumboye. ¹⁰ Eng'we chinyanga nende omwosi nende ebiha nende emiaka. ¹¹ Esie ndi muri nang'u,nderarihira mbwe biaraba mbwe ndesandisie hweng'we mubihaya. ¹² Abasiani befwe,mbasaba mbwe mube kori ngolwandi,mbwe ohubera esie ndinga eng'we.Haba simwa nyasiaho hurihuwa riosi riosi. ¹³ Mumanyire mbwe ndabayarira imbosi ya Nyasaye huluo obudehere obwo omubiri Olwamberi. ¹⁴ Handi matemo akandanyola huluo mubiri kwange mbu simwakalekeresia kata mwakahaya, arali mwambukula kata nga malaika wa Nyasaye kata nga Kristo Yesu. ¹⁵ Mbu biriena ohwelanga abeihabi? ohubera mbaborera ndi obwandike bibere mbwe binyarihana,mwaha chomere chimoni chweng'we mwamberesia. ¹⁶ Haro malire ohuba Omusuku weng'we mbwe ohubera mbabolere obwadieri? ¹⁷ Musinani bamunyasia ne sibilayi,banyala obareha mbu munyala obanyasia. ¹⁸ Ne bilayi osanda musinanisia mahuwa malayi mangi sibirisa ni ndi ambi alala nang'usa. ¹⁹ Abana bange badidi,abanyenya hwibula hqndi hula Kristo yehwanie mweng'we. ²⁰ Ndekomba ohuba lala nang'u,handi okulahania omwoyo kwange hubera kwange nderirira hulweng'we. ²¹ Mumbore eng'we abenyakomba ohuba asi wa amalako,mbu simuringanga malako haba? ²² Kandikwa,mbu Abrahamu yari nende abasiani babiri,mulala yari wo muhasi muhosi,ne oundi yari owo muhasi murehule. ²³ Uria owari wo omuhasi muhosi yebulwa mumubiri,ne uria wo muhasi murehule yari omulakwa. ²⁴ Ne bindu sina ebiekisia:kano niko malakaniro kabiri rilala rirula hulugulu lwa Sinai inabusibwa mumboye niye Hagar. ²⁵ Ohubera hagar niye lugulu ya Sinai oluri Arebia ne okalusia Yerusalemu ya rero ne eboerwe alala na bana baye. ²⁶ Arari mbu Yerusalemu eya akulu,ni indehule,ng'ine efwe wosi ²⁷ Ohubera kandikwa,sangala ewe omukumba,orebulanga;kingula omwoyo kwao orire ewe orari nende obuchuni;ohubera abana bao barehwa na bangi huhira aba oyo ori nende omusacha. ²⁸ Bulano abana befwe,ngori mbwe hulwa Isaka yari,huri abana besilakaniro. ²⁹ Ne hulwako huria webulwa mumubiri,yasandia uria webulwa mumuoyo mulafu,nolwa biri nende rero. ³⁰ Sibidebia amandiko kabola karie? muyinie rwanyi omuhaye muboye no mwana waye;omwana womuhasi muboye sanaba omukerami nende omwana womuhasi murehule. ³¹ Hulwako,waherwa,sihuri abana womuhasi muboye,ne huri abo murehule.