¹ Eng'we Bagalatia basiru,wina wabaloka,mbu simunyala olanda obwadieri imberi yeng'we imberi wa Yesu Kristo yecha handi bamubamba. ² Sino ne sidindu siong'ne eso esiandaha omanya orula hweng'we. ³ Mbwe mubere abasiru mumeranino?nimwahamala ohuchaka mumuoyo mudaha humaririsia haro mumuriri ? ⁴ Munyorehane nehane nende amanyahana mahongo mumera ino ebihaya? nikari mbu nibihaya;obwadieri. ⁵ Mani,oyo obaberisia omwoyo nende ohola ihono mukari weng'we,mbwe aholako mubihole ebiamalako,kose hubarira ohulondohana nende risubira? ⁶ Ngori Abrahamu yasubirira mu Nyasaye handi nabalwa oobwadieri. ⁷ Mumanye mani,mbu baria abaria nende risubirira,abo nibo abana aba Abrahamu. ⁸ Ne maandiko kalola ohusachaka hare mbu Nyasaye anababarira obwadieri abesialo hu risubira,niriyaala Abrahamu amahuwa malai hare,hubola,hubirira hwewe esialo siosi sinabwebwa chiwabi. ⁹ Mani abo abe wesubirira banyola chihabi nende Abrahamu owari omwene risubira. ¹⁰ Ohubera baria bosi abari abebihole abia malako;bari asi wesichubo;ohubera kandikwa,yachubwa buri mundu orajing'a mukosi akaandikwa musitabo esia malako,nahola. ¹¹ Ni obwadieri mbwe obulao omundu obalwa huba oba wobwadieri imberi wa Nyasaye,humalako; ohubera omwene owadieri,anamenya husubirira. ¹² Handi amalako sikecha hu risubira;abula,ohola ako anamenya hwako. ¹³ Kristo yarununula hurula husichubo sia mamalako,ohubera yaholwa esichubo hubera efwe;ohubera kwandikwa yachubwa muri mundu abambwa akulu womusala; ¹⁴ Huniho mbwe ihabi ya Abrahamu abalolehere abesialo hubirira mu Yeso Kristo;hunyole hubukana esilaka esiomuoyo hungira yerisubira. ¹⁵ Abasiani befwe,mbola humera yomundu;kata nikari mbwe indagano yabandu,kata kario niyahala husirisibwa,abulao omundu oikaluhania,kata huimeda imbosi. ¹⁶ Mani esilakwa siabolwa hu Abrahamu nende hulwibulo lwaye sabola,hulwebulwa,ngori mbwe ni bangi,abula ngori mbwe ni mulala,hulwibulo lwao,yani Kristo. ¹⁷ Eriambola ne rino;indagano eyosirisibwa olwamberi nende Nyasaye,indagano eyalolohana emiaka mia chine nende amahumi kadaru olunyuma sirikaluhania,kata hwikaluhania esilaka siria. ¹⁸ Ohubera obukerami nibuba hu malako,sibuba handi husilaka;abula Nyasaye,yamufukirira Abrahamu hungira yesilaka. ¹⁹ Indagano nisina mani? yengisibwa ohubera chimbi,ohusia yeche oyo omwibulwa owaberesibwa esilaka siria;eyalagirwa huburumihi bwa malaika humuhono komurumwa. ²⁰ Haro mulomalomeresi sini mulomalomeresi wa mulala,ne Nyasaye ni mulala. ²¹ Haro! mbwe amalaka sikadisania nende esilaka sia Nyasaye? haba ohubera,nibiba mbwe amalako kainisibwa akanyala ohukaluhania,binyorehane obwadieri obwahanyorehane omalako. ²² Abula eriandiko liboere kosi asi wa amani ke echimbi,katong'ane mbwe abo abasubira babebwe esilaka siria hu subira ria Yeso Kristo. ²³ Abula risubira riria nibi recha hwali nilingeng'irwe asi wa amalaka,hwaboywa ohusia riche risubira riria eiichia ohufunilwa ²⁴ Hulwako indagano ibere omwemeresi ohururera hu Kristo,mbwe hubalwe babwadieri hu subira. ²⁵ Ne,nibiri mbwe risubira richire,sihuli handi asi wo omwemeresi. ²⁶ Ohubera eng'we mwosi mubere abana ba Nyasaye hungira ye risubira hubiririra hu Kristo Yeso. ²⁷ Ohubera eng'we mwosi ababatisibwa mukristo mumwefwarire Kristo. ²⁸ Abulao omuyahudi kata muyunani,kata abulao omusumba kata omurehule,obulao omundu omusacha kata omundu omuhasi ohubere eng'we mwosi mubere mulala mu Kristo Yeso ²⁹ Ne eng'we nimuba aba Kristo,mani,mubere lwibulo lwa Abrahamu,nende abakerami ohulondana nende esilaka.