¹ Bulano okhulondakhona nende okhwitsa khwo Omwami Yesu kristo nende okhubunjeresibwa halala okhuba ninaye, khubasaba mbu, baanabefu, ² mulaba abaangu bokhunyasibwa, nende iroho nomba elikhuwa, nomba ibarwa ilolekha nirula khuifwe, mwikhuwa mbu inyanga yOmwami imalire okhwola. ³ Omundu alabakatia munjira yosi ta,Shichira shiketsa okhwikholekha okhuula olwa okhukwa khwitsa okhwitsa khandi omundu oulalinda amalako yetsa okhulolekha, omwana wobusashisi. ⁴ Uno niye ouyingananga nende okhwichingula shibeka nende eshilangungwa mbu Nyasaye nomba eshinamirwa. Okhurulana nende yako, yekhalanga muhekalu mwa Nyasaye khandi niyelanga mbu Nyasaye. ⁵ Shimwitsuliranga mbu olwandali ninenyu ndaboboolera amakhuwa kano. ⁶ Bulano mumanyire eshimwikaliranga, mbu khanyale okhulolesibwa mubise bienyeshe. ⁷ Shichira elibisiro lia obularia amalako buliho, habutsa khuli nende oundi owitsa okhwumwikalira okhuula olwa yetsa okhuyiinyibwa khunjira. ⁸ Mana owkhufinaka amalako yetsa okhufimbulwa, owa Yesu yetsa okhwira nende emuya chia omunwa kukwe nende okhumwishia hasi nende obufimbuli bwokhwitsa khukhwe. ⁹ Okhwitsa okhwa oufinakanga amalako khwitsa okhuba shichira emilimo chia setani nende amani koosi, ebilolero, nende amangalimwa okobubeyi, ¹⁰ nende buli obwonooni betsi kabila tsiosi obukatinjia balia abakoranga, shichira baloba okhuchama obwatoto kho bahonibwe. ¹¹ Khulwa eshifune shino Nyasaye yetsa okhubarumira obutsokani mbu khobatsirire okhusubira obubeyi, ¹² mbu khandi boosi banyale okhukhalachirwa abalasubira obwatoto halali bekhoyera obushiamu. ¹³ Nebutswa khukhoya okhupira orio Nyasaye khulwa enywe, abaheerwa abaheerwa nende Omwami, shichira Nyasaye yabaula shinga ebiamo biamberi okhuhonibwa okhubirira mukhwosibwa nende roho nende okhusubira obwatoto. ¹⁴ yakhulanga mukano okhubirira muinjili, mbu kho munyoole oluyali olwo mwami wefu Yesu Kristo. ¹⁵ Kho kario, banabeefu, sinjire tiiri khandi mutiirire muno emisiro echia mwechesibwa, mwikhuwa nomba mubarwa yefu. ¹⁶ Bulano omwami Yesu kristo mwene khandi Nyasaye wa papa wefu, owakhuheera khandi nakhuheresia okhuhotseresia khwinziayo nende elinaya lilayi okhubirira mubukosia, ¹⁷ okhuhotseresia nende okhuhana amani mumioyo chienyu mumilimo emilayi nende mushialo.