¹ Paulo, Silvano, nende Timotseo, khwikanisa liaTsesolanika muNyasaye papa wefu nende omwami Yesu kristo. ² Obukosia bube ninenyu nende nomulembe okhurula khuNyasaye sefwe nende omwami Yesu Kristo. ³ Okhuula khumukhupire orio Nyasaye khuinywe, abaheerwa, shinga olwakakhoyere, Shichira obusubiri bwenyu bukhulanga mubuunji nende mubuunji, khandi obuheri bwamuli ninabo khu buli shiamulala nibumetekha. ⁴ Kho efwe beene khwisunga khulwa enywe mumakanisa kaNyasaye khulwa obwisimirisi bwenyu nende obusubiri mumanyakhano koosi, khandi mukhusandibwa okhwamwifiranga. ⁵ Shino nishio eshilolero shiobulunjishi bwaNyasaye shiobukhalachi, kho mbu mubalwe abakheyere oburuchi bwa Nysasaye, obwa mwesi munyakhaniranga. ⁶ Obwatoto, nikobulunjishi bwa Nyasaye okhubakalusiria amanyakhano abamunyasinjia, ⁷ nende obuhulushi khuinywe abanyakhana khandi khufwesi, olwa Omwami Yesu yetsa okhufunulwa okhurula mwikulu nende abamalaika bebe abakhongo. ⁸ Mumuliro kululume, nende eshinyasio khubalia abalamumanyire Nyasaye ta nende abalahulira injili yomwami wefu Yesu ⁹ Betsa okhunyakhana eshinyasio eshia obusashisi obwa inziayo okhurula khu khukhubaho bwOmwami nende oluyali lwa amaani ke. ¹⁰ Yakhakhole kano olwa niyetse inyanga yaluyali mubandu bebe abatakatifu nende okhuhuchisibwa nende boosi balia abasubira, shichira obwitsomi bwefu khuinywe bwasubibirwa. ¹¹ Khulwa kano khutsiriranga okhuba saayira, mbu Nyasaye wefu abale omulango kwenyu okukhoyere nende amani keke mbu khatusie buli elichomo elilayi nende buli omulimo kwobusubiri. ¹² Khusaayanga kano mbu elira liaOmwami Yesu linyale okhuchiingulwa muinywe, khandi enywe muyee, okhulondokhana nende obukosia bwa Nyasaye nende Omwami Yesu kristo.