¹ Paulo, Silvano nende Timotseo khulikanisa elia Itsesolanika abali muNyasaye sefwe nende omwami Yesu kristo. Obukosia nende omulembe bibe ninenyu. ² Khumukhupira Nyasaye orio khulwa enywe mwesi olwakhuba nikhubarumbula mumasayo kefu. ³ Khwitsulira imberi waNyasaye nende papa emilimo chienyu chiobusubiri, emilimo chiobuheri khandi obwisimirisi bwenyu bwelinaya muMwami wefu Yesu Kristo. ⁴ Nikhumanyirisia, abaheerwa, okhwaulwa khwenyu muNyasaye. ⁵ Khulwa okhubera mbu injili yefu shiabetsera mwikhuwa lionyene ta halali nende amani nende mumwyo omtsienekhu, nende mukhusubisania shinga olwa mumanyire emera yefu olwakhwali hakari wenyu. ⁶ Mwekholekha abalondi befu khandi aboMwami olwamahulira elikhuwa mukhunyakhana okhunji nende mubuyanzi bwaRoho omutsienukhu. ⁷ Mukarulira, mwekholekha eshilolero khu boosi eMakedoni nende Akiaya khubasubira. ⁸ Shichira okhurulana ninenyu elikhuwa liaNyasaye liatswana buli habundu, emaKadonia nende Akaiya wonyene ta, halali obusubiri bwenyu muNyasaye bwatwana buli habundu. khulwa ishio shikhukhoyere okhuboola elikhuwa liosi liosi khuyako ta. ⁹ Shichira bobeene baboola khuifwe shinga olwakhwenjira akarii wenyu, khandi shinga olwamwalekhana nende eminyasaye okhurumushira Nyasaye oumenyanga owabwatieri. ¹⁰ Nende okhulindirira omwana use okhurula mwikulu, owayasimulukusia okhurula mubufuu, kata Yesu, oukhwonokosia nende elirima litsanga.