¹ Ne esie, baana befu shemboola ninenyu shinga abeshiRoho tawe, habula shinga abeshinamubiri, mbu khandi kata shinga abaana abatiti muKristo. ² Ndabaheresiyenje amabeere, eshiokhulia eshiumu ta, shichira shimubeere abashinyala ta kata okhuula bulano. ³ Okhuba muli abeshinamubiri, okhuba hakari wenyu muli nende imbalikha, obusoolo, emiaukho, kho shimuli butswa abeshinamubiri khandi muchendanga butswa shingana abandu. ⁴ Mbu olwa mushiboolanga mulala khu undu mbu esie endi wa Paulo oundi mbu wa Apolo, kho shimuli butswa mumubiri. ⁵ Kho Paulo niwina? ne Apolo niwina? nebutswa nabakhalabani ba uyo owamwasuubira, ne khukhalabananga okhulondokhana nende shinga olwa Omwami yaheresia buli shiamulala. ⁶ Esie ndaraka, Apolo natsushirira amatsi, nebutswa owaminjia ni Nyasaye. ⁷ Kho kario shiali ulia ouraka kata outsishirira amatsi ta, habula Nyasaye owaminjia. ⁸ Kho omwene oyo owaraka, kata outsushirira amatsi bosi bafwanana; ne buli mulala alanyoola omurungokwe okhulondokhana nende shinga emilimo chie chili. ⁹ Okhuba khuli butswa abasanjirani halala nende Nyasaye, mbu enywe muli abakholi abakholi ba Nyasaye, mbu muli obumbakho bwa Nyasaye. ¹⁰ Okhulondokhana nende obukosia bwa ndahebwa nende Nyasaye, esie shinga omumbasi wobusitsa, ndaraho omuse nende Nyasaye, esie shinga omumbashi omusitsa, ndaraho omuse, ne oundi yombakhanga khwo, ne buli mundu ahenje shinga olwa yombakha khwo. ¹¹ Mbu kubulaho omuse kundi okwa omundu anyala okhuraho okurali okwarabwaho, nakkro ni Kristo. ¹² Ne bulano omundu yesi naba niyombakha khu muse kuno, ne ifeetsa, itsahabu, amachina kobukusi, emisaala, litoyi, noho kata obunyasi. ¹³ Emilimo chia buli mulala chilolesibwa habulafu, mbu inyanga yene ilarumbulwa shichira ilabisiribwa mumuliro, ne omuliro kulateema emilimo chia buli mundu shinga olwa chili. ¹⁴ Mbu emilimo chiomundu nichiba nichisinjira echiombokhwa khwo, anyoola omurungo nebutswa shinga owubirire mumuliro. ¹⁵ Ne emilimo chiomundu nichiba nichiyia, alaba nakosiiye, nebutswa ye mwene alahonokosibwa shinga owubirire mumuliro. ¹⁶ Shimumanyire mbu muli ihekalu ya Nyasaye?, ne roho wa Nyasaye amenyanga munywe. ¹⁷ Omundu yesi naba nasasia ihekalu ya Nyasaye Nyasaye alamusasia, okhuba ihekalu ya Nyasaye neindakatifu eyili enywe. ¹⁸ Omundu shalekatia ta, mbu omundu yesi hakari wenyu oulolekha omuchesi mushialo shino, lekha abe omusiru mbu, mbu kho abe omuchesi. ¹⁹ Okhuba obuchesi bweshialo shino, nobusiru mutsimoni tsia Nyasaye, okhuba bahandika mbu ahambanga abachesi mubuchesi bwabo. ²⁰ Ne khandi Nyasaye amanyirisinjia amapaaro komundu omuchesi, ne kosi namakhaya. ²¹ Kho lekha omundu yesi aleshe okhwiyitsialila abandu , okhuba ebindu biosi nebibio. ²² Mbu ni Paulo, Apolo nohomba Kefa, nohomba eshialo, nohomba obulamu, kata lifwa, nohomba ebindu biliho, nohomba ebitsanga, biosi nebibio; ²³ Ne muli abaKristo naye Kristo nowa Nyasaye.