¹ Olwa ndetsa wenyu, abaheerwa, shindayetsa nobubooli obulayi nohomba mubuchesi olwa ndabakambira obwatoto bwali nibwabiswa khu Nyasaye ta. ² Okhuba shindayenya okhumenya khwo likhuwa liosi liosi hakari wenyu ta okhuyiniakhwo Yesu Kristo yenyene, omwene wuyo owabambwa. ³ Mana ndali ninenyu mubuteteshere bwanje, nende muburii obunji, nende okhutechera. ⁴ Khandi obubooli bwanje nende obukaambi bwanje, shikhwali obwokhukatirisia khwobuchesi bwa abandu ta, habutswa nende ebilolero bia Roho nobunyali, ⁵ Kho mbu obusubiri bwenyu bulaba mubuchesi bwa abandu ta, habutswa bube mubunyali bwa Nyasaye. ⁷ Bukhala bwene, efwe khubolanga obuchesi bwa Nyasaye bwabiswa mubwatoto, obuchesi bwabiswa mbu Nyasaye yaburaho khale tsinzibulo nitsishiri khulwa oluyali lwefu. ⁹ Habutswa ne shinga kahandikwa, Imoni yishiri okhulola ta, eshirwi shishiri okhuhulira ta, nohomba lishiri okhwinjira mumwoyo kwomundu kalia aka Nyasaye yakasiria balia abamuheera. ¹¹ Mbu ni wiina oumanyanga amapparo komundu nali Roho womundu owamenya muye? Kata kario ebindu bia Nyasaye abulaho oumanyire ta, nalali Roho wa Nyasaye. ¹² Bulano shikhwanyoola Roho owomushialo ta, habutswa Roho ouli owa Nyasaye; mbu khube abamanya ebindu biahanwa eshikhaya khufwe nende Nyasaye. ¹³ Ebindu bino ebia khuboola; shikhuboolanga obuchesi bwa abandu bechesinjia ta, habutswa bilia ebia Roho Omutakatifu yechesia; nikhucherasia ebindu bieshiroho nende akeshiroho. ¹⁴ Habutswa omundu oulali weshiroho shanyala okhunyoola ebindu bia Roho wa Nyasaye ta: okhuba nobusiru khuye: mbu kata shanyala okhukamanya ta, shichira kamanyishira mu Roho. ¹⁵ Habutswa omwene wuyo ouli weshiroho akhalakanga biosi, habutswa ye mwene shakhalachirungwa nomundu ta. ¹⁶ Kho niwiina oumanyire lipaaro liOmwami, mbu amwibalire? Habutswa efwe khuli nende lipaaro lia Kristo.