¹ Paulo, owalangwa nende Yesu abe omurume mulienya lia Nyasaye, nende Sostsene omusiani wefu, ² Khu likanisa eliri ebuKorinzo, balia abamala okhutsienulwa mu Kristo Yesu khandi nibalangwa mbu babe abandu abatakatifu, nibali halala nende yabo boosi abali buli habundu abalanjiriranga khu liira liOmwami Yesu Kristo, ouli Omwami wabo khandi owefu. ³ Obukosia nende omulembe bibe ebienyu okhurula khu Nyasaye Papa wefu khandi niye Omwami Yesu Kristo. ⁴ Esie ekhupiranga Nyasaye wanje khulwa obukosia bwa Nyasaye obwa Kristo Yesu yamuhesia nywe. ⁵ Yamala okhubakhola abayinda mutsinjira tsiosi, mukhuboola khwosi, khandi nende mubuchesi bwosi, ⁶ Shinga olwa obuloli khu Kristo bwamala okhuba obwatoto hakarikari wenyu. ⁷ Nikali kario enywe shimuleema eshihanwa shia Roho olwa muba nimulindirira obufwimbuli obwa Omwami wefu Yesu Kristo. ⁸ Ye khandi alabaheresia amaani okhuula khubumalirishi, kho mbu enywe mwakhabe nimubula eshikha khunyanga yiyo eya Omwami wefu Yesu Kristo. ⁹ Nyasaye nomusubirwa, owamulanga nywe mubusanjirani bwOmwana we, Yesu Kristo Omwami wefu. ¹⁰ Bulano esie ebasaaya, abaheerwa, okhubirira muliira lia Omwami wefu Yesu Kristo, mbu mwesi mwiyamane, mbu khandi khulabao nende emiaukho hakari wenyu tawe. Emusaaya mbu mube mubulala bwamapaaro nende lichomo elala. ¹¹ Okhuba ndaboolerwe shingana muli, abasiani befu, okhubirira khu Kleo mbu khuli nende tsinzakho hakarikari wenyu. ¹² Eshia emboolanga ni shino: Buli shia mulala wenyu aboola mbu, Esie endi owa Paulo, owundi, Esie endi owa Apollo, nohomba owundi mbu,Esie endiowa Kefa, khandi abandi mbu, Endi owa Kristo. ¹³ Kristo alimwo netsinzakhulo? Yali Paulo owabambwa Khulwa nywe? Mwabatisibwa muliira lia Paulo? ¹⁵ Kano kali kario mbu kho abuleo mulala wenyu owitsa okhuboola mbu ndabatisibwa muliira lianje. ¹⁶ (Esie khandi ndabatisia abeinzu ya Stefano. Okhubira yaho, shemanyire Kali aliho owundi owa ndabatisia.) ¹⁹ Okhuba kahandikwa mbu, Ndalasasia obuchesi bwa abachesi; nditsa okhukwenya obumanyirisi bwa abachesi. ²⁰ Aliheena omundu omuchesi wulia? Ali heena omusoomi? Ali heena owamayinje komushialo? Nyasaye shiyashukhasiye obuchesi bweshialo shino okhuba obusiru? ²¹ Okhuba eshialo mubuchesi bwashio shishiamumanya Nyasaye tawe, Nyasaye yachamisibwa mbu abahonie yabo abasubira okhubirira mubusiru bwokhukamba. ²² Nibali Abayahudi basabanga ebilolero bia amangalimwa nabo Abayunani bakhaaba obuchesi. ²³ Habutswa efwe khukaamba Kristo owabambwa, lichina Elia Abayahudi besichirala khwo khandi obusiru khubalia Abamahanga. ²⁴ Habutswa khubalia aba Nyasaye yamala okhulanga, boosi Abayahudi nende Abayunani, khukaambanga Kristo shinga obunyali nende obuchesi bwa Nyasaye. Okhuba obusiru ²⁵ Okhuba obusiru bwa Nyasaye nobuchesi muno okhuyoomba abandu, khandi obutofu bwa Nyasaye nobwa amaani okhuyoomba abandu. ²⁷ Habutswa Nyasaye yaaula ebindu biobusiru biomushialo mbu afimbie omurwe abachesi. Nyasaye yahula ebindu ebitofu biomushialo mbu afimbie omurwe bila ebia amaani. ²⁸ Nyasaye yahula shilia eshialo shiahasi khandi eshiachaywa mushialo, Ye yahula balia ebindu bilia ebilolekhanga shinga ebilali eshindu ta, mbu oukhola ebindu biobukusi okhuba eshikhaya. ²⁹ Yakhola kano mbu kubuleo omubiri okuba neshifune shiokhwiyitsiala imberi wuwe. ³¹ Nikarulira, shinga kali nikahandikwa, Leshe wuyo yesi owiyitsiala, yeyitsialire mu Mwami.