¹ Paulo omurume wa Yeso Kirisito, khulwelienya lia Nasaye alala nende omusiani wefwe Timoteo, ² khu bala abakheerwa abatakatifu nende abesikwa mukirisito abali Kolosia; obukosia nende omuleembe okhurula khu Nasaye Sefwe nende Omwami Yeso Kirisito bube ninang'we. ³ Khubira Nasaye orio oli Samwana Omwami wefwe Yeso Kirisito nikhubalamira echinyaanga chioosi. ⁴ Okhurula nikhubulira obusubiri bweng'we obuli mukirisito Yeso nende obukheeri obwamuli nabwo khu abo boosi abali abatakatifu. ⁵ Khulwa khubeera elinaaya eliamwabikhirwa mwikulu olwamwaboolerwa khubirira mulikhuwa liobwadieri elieifanjili. ⁶ Eliabechera ngaolwa bili musialo ,khandi eliama ebiamo kori ngakakhola mukari mweng'we, okhurula inyanga yamwalibulira nende okhumanya obukoosia bwa Nasaye mubwadieri. ⁷ Kori ngemweka okhurula khu Epafara ouli omukholi wasiefwe omukheerwa, ouli omukholi wa Kirisito omwesikwa . ⁸ Owaruboolera khulondana nende obukheeri bweng'we mu Roho. ⁹ Khulondana nende eliene lino, efwe fwesi, okhurula inyaanga yakhwalibulira, khasi khwalekha okhubalamira mbwe mube nende amakesi keelienya liaye mubumanyirisi bwoosi obwomumwoyo. ¹⁰ Mbwe munyoole okhukendera mumwami kori bibakhonyera nende okhumusangasia,nimwama ebiamo mumirimo milayi kiosi, nimwemeeda mumakesi ka Nasaye ¹¹ Mudinyisibwe nende amaani koosi, okhulondana nende oluyaali lwamaani kaye ,munyoole okhuba mubwesimirisi munyaanga chioosi alala nende isangaalo . ¹² Ne nimumukhubira orio Sefwe owarukhola okhunyoola esimeka siobwambani bwobulaame bwabatakatifu mubulafu. ¹³ Owarununula okhurula mumani kesirima khandi narwingisia mubwami bwa Omwana waye omukheerwa. ¹⁴ Owakhuli nende obununuli khubirira mumabaanga kaye kata nende okhulekheerwa echimbi. ¹⁵ Oli esfwanani sia Nasaye orabonekhana omwibulwa wamberi khubiloonge bioosi. ¹⁶ khulwo khuba ebiindu bioosi bialongwa khubirira muniye, bila ebili mwikulu nende bila ebili musialo, ebibonekhana nende obirabonekhana, kata nibili ebia oburuki ,kose obunyala ,kose obwaami ; ebiindu bioosi bialongwa khubirira khu niye khandi khulwa yee. ¹⁷ Khandi yaliwo imberi webiindu bioosi ne ebiindu bioosi biediira khuniye. ¹⁸ Niye omurwe kwomubiri, okuli likanisa ;Niye owokhuchaaka, khandi omwibulwa wamberi okhurula mubafu, khulwa Kene ako niye weimberi akulu webiindu bioosi. ¹⁹ Khulwo khuba biasangasia Samwana mbwe obwolerefu bwebiindu bioosi bwiikhale muniye; ²⁰ Ne okhubirira khu Mwana waye niyakharera omuleembe kwobwambaani khubirira khu mabaanga komusalaba khulwe biindu biomusialo kata ebio mwikulu. ²¹ Nikali mbwe Nasaye yabalamusia alala nende Kirisito, koonye ebiindu biaakulu owa Kirisito yekhaale khumukhono musaacha kwa Nasaye. ²² Mupaare khubiindu biaklu, lekhane nende ebiomusialo. ²³ khubeera mwafwa nobulamu bweng'we bwakiswa nende Kirisito mu Nasaye. kirisito nabonekhana olibulamu bwefwe, efwe fwesi khwakhalolekhe alala ninaye muluyaali. ²⁴ Bulano sangaalira amanyakhano kandi nako khulweng'we,khandi koseresia kala akalemukha khu Kirisito, khubirira khu mubiiri kwange ,khulwo khubeera omubiri kwaye,okuli likanisa liaye . ²⁵ Eliandakholwa okhuba omuyaali walio, khulondana nende okhukhola khwa Nasaye ndaberesibwa khulwa ingaanga yeng'we mbwe, nyoole okhusirisia elikhuwa lia Nasaye . ²⁶ Akamefiso akakisibwa okhurula khale muchinjibulo chioosi, ne bulano kafunulirwe khu abatakatifu baye. ²⁷ Aba Nasaye yafunulira obuyinda bwaye obwoluyaali lwobwefiso akari wabanasialo, oli Kirisito elinaaya lioluyaali ali mukari mweng'we. ²⁸ Owa khuyalaanga nikhukeraka bulimuundu, nende okhwekesia bulimuundu mubumanyirsi bwoosi ,mbwe khunyoola okhukhusia bulimuundu niyolerera Mu kirisito. ²⁹ Nange ndedinyaanga mulikhuwa liene elio, nikhola amaani khubirira oyo akholaanga emirimo mukari mwange mumaani.