¹ Paulo ni kiyoktoi ni bo Kristo Jeiso ing' magetab Jehovah, asirjini biko chi tililen [chi bo Epeso] koboto chi bo kayanet ing' Kristo Jeiso ² Ng'otebi kororioniet kobotok ak kalyet chi bunu Jehovah kwandanyo ak kiptaiyat Jeiso Kristo. ³ Iberurot Jehovah kwandab kiptayandenyo Jeiso Kristo, inendet ni kigoberurech ing' kaberuret age tugul ni bo tamirmiriet ing' komoswekab kipsengwet ing' Kristo. ⁴ Ko u ye kilewenech ing' inendet ye kitomo kelumda ng'weny, si keegu chi tililen chi matinye lelut ing' tainyi ing' chamyet. ⁵ Ko u ye kigasib kolewnech kenamech keegu weriking' Jeiso Kristo ing' inendet , ko u chamet ni kararan ni bo magenyi, ⁶ agoi kolosunetab torornatetab kororindonnyi ni kigonech ing' aiyebindo ing' ing' chamanet. ⁷ ni kitinye ing' inendet katiagennyo ing' korotikyi , nyoetab kaat ni bo cholwogikyo , ko u morgrnotetab borotennyi ⁸ Chi kiae kotesak ing' ache ing' ng'omnotet tugul ak naet. ⁹ Ko kagoboruech ung'otiet ni bo magennyi , ko u chamennyi ni karan ni kichob ing' inendet. ¹⁰ Agoi tononjinet ni bo ripsetab betusiek chi emege si koum tukuk tugul ing' Kristo, tukuk chi mi kipsengwet ak tukuk chi mi ng'weny; ing' inendet. ¹¹ Ni kiaech ing' Kristo keeegu borotenyi , ko kasib kolewenech ko u magetab inendet ni aei tuguk tugul ko u kabwatetab magennyi. ¹² Si kobiit keegu kalasunetab torornatennyi ache chi kiga kisib kemong'u Kristo. ¹³ Kiogas ak akwe ing ' inendet ng'olyotab imanda, logoiywek chi kororon chi bo yetune ng'weny; ing' inendet, ni kingo kaoan ko kiging'ochak ing' Tamirmiriet ni tilil ni bo ororutiet. ¹⁴ Ne tongoaniatab borotenyo, agoi katiagetab borotennyi; ing' kalosunetab torornatennyi. ¹⁵ Amu nyito anyun kingo kaagas agobo kayanet ni mi kwenung'wong' ing' kiptaiyat Jeiso ,ak chamnyet ing' tugul chi tililen. ¹⁶ Tomo atonon agoiti kongoi agobo akwe ak amwowok ing' sautikyu. ¹⁷ Asoe ale ngogonok Jehovah ni bo torornotet tamirmiriet ni bo ng'omnotet ak ng'ang'utiiet ing' naetab inendet; ¹⁸ asoe ale kagokweng'ogis konyekab mugulelwekwok ,si kobiit onai kito ni u kamang'unetab kuursennyi, ak mogoriosiekab toronatet ni bo borotenyi ing' chi .tililen. ¹⁹ Ing' saenyu atepe onai ni u oindo ni siirtoot ni bo kamuktaennyi ing' ache chi kiyoni ko u boisionoto bo kimtatetab kamuktaenyi. ²⁰ nii kiai ing' Kristo kingongeet inendet komong' ing chi kibek ak kondo inendet kotebe eunnyi ni bo tai ing' komoswekab kipsengwet. ²¹ ni toror kosiir laitornatet tugul ,ak bounatet ,ak kamuktaet ak kiptainatet ak kainet age tugul ni mwaat ma kityo ing' choto bwoni. ²² Ak kiindeno Jehovah tukuk tugul kogas it ing' keldebesaikab keiyekyik ak kogochi inendet koek metit ing' tuguk tugul ing' kaniset. ²³ nyoto ko bortonyi ,nyietab inenendet ni inyiiti tugul ing' tugul