¹ Ak kigosoobok akwe chi kio begunotin ing' yaitioogikwok ak tengekwogikwok. ² Chi kiobendo atienye ko u biteetab ing'wenuni orube nni o ni bo kimnatet ni bo soet ni bo tamirmiriet ni boisie raa ing' weritab ngelenotet; ³ Chi kigimenye mbo ache tugul kwenungwai ing' magutik chi yaachen chi bo borto ,keae magutik chi boborto ak chibo kabwatutik ak kigi lekukab nereknatet ing' siget ko u alak. ⁴ Ago Jehovah, nimogoriot ing' rirenetab ge ing' chamnyennyi ni kintet ni kichamech. ⁵ Mbo kigi begunotin inng' Kristo[kigesoruok ing' kororindo]. ⁶ Ak kiing'eetech koboto inendet ,ak kogonech ketebi koboto inendet ing' komoswekab kipsengwet ing' kristo Jeiso. ⁷ Si kobiit kobarta ing' keyisiek chi bwoni magornatosiek chi siiroot chi bo kororindonnyi ing' tolosiet ni tokyineige ing' Kristo Jeiso; ⁸ amu kigesoruok ing' kororindo ing' kayanet ;ago mabunwok nyito;konunetab Jehovah ; ⁹ ama bo boisionik melosge chi. ¹⁰ Amu ki boisienyi ache ,ni kigiaech ing' Kristo Jeiso agobo boisionik chi kororon chi kisib kochobJehovah si kebendate iche. ¹¹ Nyoto anyun onan ole akwe chi kio i bororiosiek ing' borto atkinye,chi kigurenok chi maba tum ing' iche chi kiguure kamuratanet,ing' borto ni kigiyae eunek; ¹² Oli kiomite taban ing' Kristo ing' betusiechoto chi kio i kipsagarek ing' bororietab Israel ak kio i toek ing' kayomisutik chibo arorutiet,kimo tinye kamang'unet ak kimo tinye Jehovah ing' ing'wenyuni. ¹³ Ago raa ing' Kristo Jeiso akwe chi kio looen ing' betusiek alak ko kagegonok origu ing' korotikab Kristo. ¹⁴ Amu inendet ko kalenyo ,ni kieech tuwai koek agenge ,ni kibut loietab kwen ni bo kaoiyet. ¹⁵ Ko kagowong' ing bortonyi bunyondit ,ngatutietab ngatutik ni mito ing' kayomisutik ;si kobiit kotoi koae ing' inendet choto aeng' koek chito agenge ni leel ,koae kalyet ¹⁶ ak kotuiyo iche tuwai ing' borto agenge ak Jehovah ing' kimurtoiyot ,ko kagobar bunyondit ing' nyoto. ¹⁷ Ak kicho koamwok kalyet akwe chi kio looen ,ak kalyet ing' iche chi ki legiten ¹⁸ amu kiginyoru ache tuwai ing' inendet orenyo ing' tamirmiriet agenge ni kiite ole mi kwanda. ¹⁹ Nyoto anyun ma ko o i toek ak bunotik ,ago o i bikab nganaset agenge ak chi tililen,ak chi bo gotab Jehovah. ²⁰ Kigeteechak ing' lumdaetab chi kiyoktoi ak maotik , Kristo Jeiso inendet ko koita ni o ni bo luita, ²¹ ni kituiyechi teekset age tugul ni kiginomyo koek agenge ,koeet koek hekalut ni tilil ing' kiptaiyat ²² Kigiteechak ak akwe oegu agenge ing' inendet ,ole menye Jehovah ing' tamirmiriet.