1 Paulo, ak Silbano ak Timoteo, kosirjini kanisetab Thessalonikek eng' Jehovah Kwanda ak Kiptaiyat Jeiso Kristo. Ngotebi kobotok miendo ak kalyet. 2 Kimwachini Jehovah kongoi kotugul agobo akwe tugul, kenanak eng' sautikcho. 3 Kibwati ne magisise, boisieng'wong' ne bo kayanet, ak boisiet ne uui ne bo chamnyet ak muitaetab kamang'unet eng' Kiptaiyandenyo Jeiso Kristo. 4 Che kitupche, kibwati kayaneng'wong' eng' Jehovah, 5 amu ma bkanchok amdaetab logoiywechu kororon eng' ng'olyot kityo, ago eng' kimnatet, eng' Tamirmiryet ne Tilil, ak eng' naet ne onget inendet. Ko u yo onget, ole kigii biko che u nee eng' taing'wong' agobo akwe. 6 Ago kioegu kasubikcho, ak che bo Kiptaiyat ko kaotach ng'olyot eng' usisiet ne o, ak boiboiyet ne bo Tamirmiriet ni Tiliil. 7 Ngot oegu kabarunoik eng' tugul che iyani eng' Makedonia ak Akaya. 8 Amu kigogasak ng'olyotab Kiptaiyat kobun olong'wong', ma eng' Makedonia ak Akaya kityo, ago kigoit olo tugul kayaneng'wong' eng' Jehovah. Kot ko makemage kiy kotakemwa kiy age tugul. 9 Amu ki icheget che ibortoi agobo ache ole kigibkanundae oldong'wong', ak ko u ye kiowekchige Jehovah ak obagakte kanamonik si kobiit oboisiechi Jehovah ne sobe agobo iman, 10 ak okanye werinyi ne bunu Kipsengwet, ne king'eet komong' eng' che kibek, Jeiso, ne saruech eng' nereknatet ni choni.