¹ Tumalandashonu shonu habhili kuli Abrahamu, u Baba witu ishimubhili,? ² Kwa mana ngu Abrahamu atiye abhazibhwa ihaki kumatendo gakwe, ali abhe nisababu iyajisifu, lakini te kwekuli Mungu. ³ Kwani amandiho gakuti bhuli?" Uabrahamu atiye amwamini u Mungu, na abhazibhwa kwamba ali nihaki." ⁴ Sasa kumuntu wakubhomba ikazi, amalipo gakwe gatabhazibhwa ubha neema, ila lideni. ⁵ Lakini kumntu wakubhomba ikazi na  akumwamini wuyo we akumubhazizya ihaki wete mtauwa, iyimani yakwe umntuyo ihabhazibhwa ubha haki. ⁶ Udawudi naopenye akulandaga ibalaka  kumntu we  Mungu akumubhazizya ihaki pepatali amatendo. ⁷ Ahati, ''Bhahabarikibhwa bhala bhe amaovu gabho gahasamehebhwa nabhe amazambi gabho gaha kupikwa. ⁸ Ahabarikibhwa umntu wula we u Bwana atamubhazizya amazambi." ⁹ Basi shene  ibarakizi zya bhala bhebhahasilamlwa basi, au nakuli bhalanye  bhe bhatasilamlwe? Kwa maana ntulanda tuti, " kuli Abrahamu iyimani yakwe atiye yibhazibhwa  ubha haki." ¹⁰ Kwahiyo atiye ibhazibhwa bhuli? Uwakati Uabrahamu patiye  asilamlwa, au patiye ashili asilamlwe? Shitali  kusilamlwa, ila kunta silamlwa. ¹¹ Uabrahamu aliye apata iyalama iya silamlwa. Uno wali muhuli uwa haki iya yimani ye alinayo kabla ashili asilamlwe. Amatokeyo agayishara ino shali kwamba  aliye abhombeha ubha u Baba uwa bhonsi bhebhakwamini, nantinye bhatasilamlwe. Ili lili  nimaana kwamba ihaki yilabhazibhwa kuli bhubho. ¹² Habhili shili nimana kwamba  Uabrahamu aliye abha u Baba uwa silamlwa, te kwekuli bhala bhe bhahasilamlwa, , ila kuli bhonsi bhala bhebhazilondela inyayo  izya  Baba witu Uabrahamu. Nino yene yimani yatiye alinayo kulibhe bhatasilamlwe. ¹³ Kwa mana  shitali syeria kwamba iahadi aliye yitolebhwa kuli Abrahamu nubhu vyazi  bhwakwe, iahadi ino iya kuti  bhalabha bhalisi abha dunia. isipokuwa, shali  kupitila ihaki iya imani. ¹⁴ Kumaanino nga bhala abha syeria bhene bharisi,basi  iyimani yashaha, niahadi iyibadiliha. ¹⁵ Kwa sababu isyeria yiletaga ivulugu, lakini pala pepatali isyeria, popenye patali izalau. ¹⁶ Kusababu nyino yafumile  kuyimani, ili yibhe kuneema. Amatokeyo gakwe, iahadi yili apazelu kubhuvyazi bhwonsi. Nabhavyalwabha tebhebhala bhe bhamanyile isyeria basi,  ila nabhalanye abha yimani iya Abrahamu. Mana  wuyo weu Baba witu swensi, ¹⁷ Kama vye shihandikwa, "Nkakumbomba  wewe ubha  u Baba uwa amataifa aminji."Uabrahamu, aliye ali mli wensi  wakumwamini, yaani, u Mungu wakubhapanga bhebhahafwa ubhupuma nukwita amambo gegataliko ili ange galiko. ¹⁸ Poka nihali zyonsi izya kunzi, Uabrahamu kuposya aliye amwamini u Mungu kumanda gegakwinza. Kwahiyo abha u Baba uwa mataifa aminji, ulinga nashila sheshihalandwa,''...vyene bhulabha ubhuvyazi bhwaho." ¹⁹ Wuyo atali mubovu kuyimani. Uabrahamu aliye azumila kwamba umubhili wakwe umuhola wuhafwa - Ali nuwumli uwa myaha mia moja. Na atiye azumila ihali iya kufwa iyahati iya Sara. ²⁰ Lakini kusababu iya ahadi iya Mungu, Uabrahamu atashili asite uhana ukwamini.Ila, atiye apata amaha kuyimani na atiye amsifu u Mungu . ²¹ Atiye kubhuhakika  amanyile kwamba shila she u Mungu ahahidi, ali nubhuwezo ubhwa shikamilisya. ²² Kwahiyo shene  atiye abhazibhwa kuliwuyo ubha haki. ²³ Kwahiyo  gatashili gandikwe kufayida yakwe, kwamba atiye yibhazibhwa kuli wuyo. ²⁴ Aliye gandikwa kwajili yitu naswenye, kuli bhebhahabhishilwa ubhazibhwa, sweswe bhe tukwamini kuli wuyo watiye amfufua u Bwana witu u Yesu ufuma kuli bhebha hafwa. ²⁵ Uno weula we ahatolebhwa kwajili iya makosa gitu nufufulibhwa ili tupate ubhazibhwa ihaki.