¹ Shene faida bhuli yalinayo umu Yahudi? Nifayida iya silamla shoshonu? ² Shili chete sana kushila nzila. Kabla iya gonsi, Abhayahudi atiye bhakabizibhwa ubhufunuo ufuma kuli Mungu. ³ Lakini shimabha bhuli abha Yahudi bhamo bhatali niyimani? Shene, uhana ukwamini kwabho kulabhomba ubhwaminifu ubhwa Mungu ubha lilenga? ⁴ Awe. Ila, leshela u Mungu alolehe ubha wakweli, nantinye shila mntu alinilenga. inza vye shihandikwa, '' Kwamba ili ulolehe kwamba uli nihaki kumaneno gaho, na kushe usinde pukwinjila muhukumu.'' ⁵ Lakini nga amabhifu gitu galolesya ihaki kuli Mungu, tulande shonu? Umungu te wanamuniyo pakutowa igadhabu yakwe , shene vyali? ( Inkuyanga utokani namawazo  aga bhanadamu.) ⁶ Lakini shitalivyo! Basi shilabha bhuli pu Mungu akuhukumu idunia? ⁷ Lakini nga kweli iya Mungu upitila ilenga lyane nkufumiyaga isifa inzifu kwajili yakwe, kweshi she bado inkuhukumibhwa ngati nene wizambi? ⁸ Kweshi tutashiti, inza vye bhahatulongofya na vye bhamo  bhazibitisya kwamba tulanda,''Tubhombe amabhifu ili amazifu ginze''? Ihukumu kuli bhubho yahaki. ⁹ Shoshonu habhili? Tuyiteteya swebhahola? Awe. Mana sweswe tayari tuhabhalaumu abha Yahudi  nabha Yunani bhonsi poka, kwamba bhali mwizambi. ¹⁰ Navyene shihandikwa:"kutali uwahaki, nawekanye. ¹¹ Kutali umntu we akwelewa. Kutali umntu we akumwanza u Mungu. ¹² Bhonsi bhaha senuha. Bhubho  pashoka bhabhahabha bhatakweti  imana. Kutali we akubhomba amazifu, la, nawekanye. ¹³ Imilongomilo yabho haburi hehali wazi. Imili zyabho zihalongopa. Insumu iya njoha ili pamalomo gabho. ¹⁴ Amalomo gabho gahizula intipo nubhuchungu. ¹⁵ Amanama gabho gali nulubhilo ukwitubhwazi. ¹⁶ Ubhwononi namateso vili munzila zyabho. ¹⁷ Abhantubha bhatamanyile inzila iya amani. ¹⁸ Kutali ubhwoga kuli Mungu paminso gabho.'' ¹⁹ Lakini tumanyile kwamba shonsi shi syeria yilanda, yilandaga kulibhala bhebhali pansi iya syeriiyo. Ili kwamba shila lilomo lituzye, na ili kwamba idunia  yonsi  ange yiwajibiha kuli Mungu. ²⁰ Kusababu kutali umubhili we wulabhazibhwa ihaki kumatendo aga syeria pankolelo iya minso gakwe. Mana  upitila isyeria kubhanga ubhelewa ubhwa kumanya izambi. ²¹ Lakini sasa ihaki iya Mungu yihamanyiha bila  isyeria. Shihalandwa nisyeria nabhanabii, ²² ihaki iya  Mungu upitila iyimani iya Yesu Kristo kuli bhala bhonsi bhebhakwamini. Mana kutali itofauti. ²³ Mana bhonsi bhahabhomba izambi, nu pungukibhwa nubhutukufu ubhwa Mungu. ²⁴ Bhahabhazibhwa ihaki shaha kuneema yakwe kunzila iya bhukombozi bhwebhuli kuli Kristo u Yesu. ²⁵ Mana u Mungu atiye amtowa u Kristo u Yesu abhe bhupatanisyo kunzila iya yimani kubhwazi bhwakwe. Atiye umtowa u Kristo ubha  bhusyaidi ubhwa haki yakwe, kusababu iya sameha amazambi  ge gahapita. ²⁶ Kubhuvumilivu bhwakwe. Iga gonsi aliye galoleha ili ihaki yakwe yilolehe kumandaga agilelo. Shalivyo ili ajilolesye kwamba wuyo wene haki,  nulolesya  kwamba wuyo wene akumubhazizya ihaki umntu wensi wula kusababu iya yimani kuli Yesu. ²⁷ Basi kuli kwekwi ujisifu? Kutaliko, . Kumisingi bhuli? Kumisingi iya matendo? Awe, lakini kumisingi iya yimani. ²⁸ Kwahiyo  tuti kwamba umntu akubhazibhwaga ihaki kuyimani wala te matendo aga syeria. ²⁹ Ama u Mungu weu Mungu uwa Bhayahudi basi? Shene te weu Mungu uwa bhantu abha mataifa nabhopenye? Eye, nabha mataifanye. ³⁰ Nga nalyolinye u Mungu ali weka, alabhapa ihaki bhala bhe bhahasilamlwa kunzila iya yimani, nabhalanye bhe bhatasilamlwe alabhapa ihaki kunzila iya yimani yilanye. ³¹ Au sweswe twayibadilisya isyeria kuyimani? Awe! Itofauti yakwe, , sweswe tukamilisya isyeria.