1 Aliye abhita bhala ikuminabhabhili poka, abhapa ubhuwezo ubhwa mamulaka pamwanya iyamajini gonsi nupozya amalwale. 2 Abhatuma bhebhahubiri kubhufalme ubhwa mwene uwa kumwanya nupozya amalwale. 3 Abhabhula, ''Mutashisenda shonsi shils kujili iya safari yinyu wala umukota, wala umukoba, wala imukate, wala ihela wala mutashisenda inkanzu zibhili. 4 Inyumba yonsi ye kushe mwinjila, yihalini umwo npaha pe kushe mwapita ipo pemuli. 5 Na kulibhala bhe bhatabhaposhela, pe kushe mwapita umuji uyo, yikung'untini ivumbi kumanama ginyu kubhushuhuda kuligo''. 6 Bapita nupitila muvijiji, enge bhatangaza ihabari inzifu nupozya abhantu shila sehemu. 7 Sasa Uherode, umutawala, aliye ayivwa gonsi ge aliye gatokeya aliye achula nkani, kusababu aliye shiloleha nibaazi kwamba uyohana atafufuha ufuma ukubhafwe. 8 Nibaadhi kwamba Uyeliya uyeliya atatokeya, nabhanji kwamba weka uwa bhanabii abhakali atafufuha kubhafu habhili. 9 Uherode aliye ati, ''Aliye imufyula uyohana, lakini uno uwenu we inkwivwa ihabari zyakwe? nuherode aliye ayanza inzira iya kumulola uyesu. 10 Uwakati pe aliye bhagaluha bhala bhe aliye ibhatumwa, bhmubhula shila muntu she ebhabhomba. 11 Lakini abhamakutano bhivwa uhusu ili bhamulondela, na aliye bhabhakaribisya, na ayanga nabho uhusu ubhufalme ubhwa mwene uwa kumwanya, na aliye abhapozya bhala bhe aliye bhakwanza upola. 12 Ilyanda lyanzya usila, na bhala ikumi na bhabhili bhabhala kuliwuyo nuti, ''bhagabhe amakutano bhapite kuvijijiivya papipi na mumijini bhanza apapoza nuywa,kusababu tuli piheneyo lyanyiha,'' 13 Rakini abhabhuzya,''mwe bhapini shimo ishakulya.''bhati''tutali nizaidi iyavipande visanu ivyamikate niswi zibhili,isipokuwa twalitupite nukala ishakulya kujili iyikusayiko ili ilyabhantu.'' 14 Kwali abhatata yelufu tano pala.abhabhuzya abhanafunzi bhakwe.''bhihazyini pansi kumakundi agabhantu bhebhali hamusini shilalikundi. 15 Kwahioyo bhabhomba ivyo nabhantu bhihala pansi. 16 Asenda imikate yisanu niswi zibhili nalola kumwanya,nuvibaliki,nuviputola kuvipante,nubhagabha abhanafunzi bhakwe ili bhavibhihe pankolelo kutano. 17 Bhonsi bhalya nukwikuta,nivipande ivyashakulya vyevyatiye vishala bhatiye bhavisebha nukwizuzya ivikapu ikumi navibhili. 18 Nashopenye shibhabhulo,patiye akulabha weka,abhanafunzi bhalipoka nawo,nabhabhuzya ati,''abhantu bhatahaga bhati nene wenu?'' 19 Bhamubhuzya,bhati,''uyohana uhabatizya,lakini abhanji bhatanji uyeliya,nabhanji bhatii weka uwabhanabii uwabhakali atafufuha habhili.'' 20 Abhabhuzya,''lakini mwemwe mtii nenene wenu?''amubhuzya upetlo ati,''ukilisto ufuma kulimwene uwakumwanya 21 Lakini kubhaonya,uyesu abhelekezya kutali ubhula wensiwula pamwanya yili, 22 Abhabhuzya ati umwana uyadamu lazima atesehe kumambo aminji nuhanwa nabhikolo abhakuhani abhakulu abhahandiha, alafwa,nilyanda lyatatu alafufuha. 23 Abhabhuzya bhonsi,''ngumuntu wensi ngakqwasnza unanza,lazima ayihane huyo,asende umsalaba wakwe shilalyanda,naandondele. 24 Wensiwula wakujalibu ukokowa amayisya gakwe kufayida yane,amagokowa. 25 Shene shimamusayidia shonu umwanadamu,ngapata idunia uyonsi,ama aponzya ama apata iyasala mmwoyo wakwe? 26 Wensi wakundolela insoni nene kumaneno gane,kuliwuyo umwana uwaadamu alamlola insoni palapela alinubhutukufu bhakwe. 27 Rakini inkubhabhuzya ubhukweli,kuliibazi yinyu bhebhakwimililaga ipa,bhatalalola ufwa paha bhalole ubhufalume ubhamwene uwakumwanya.'' 28 Shitokea kumanda shinane kubada yayesu utaha kumaneno iga nuti abhasenda poka nabho nupetlo,nuyohana,nuyakoba,bhakwela igamba nulabha. 29 Napatie alikulabha,ubhulolehe bhaminso gakwe bhatie bhubadiliha,nimwenda yakwe yatiye yibadiliha yibha mizelu nuswepa. 30 Nankulola,bhaliko abhonsi bhabhili bhahayangaga nawo.bhali wumusa nuyelia, 31 Balolesile kubhutiukufu.bhayanzike kuhusu upita kwakwe,ijambolyatie alikalibia ulitimizya kuyelusalemu. 32 SaSa upetlo nabhala bhebhali poka nabho bhatie bhali mtulo utunyomu.lakini pebhatie bhadamla,bhabhenyi ubjhutukufu bhakwewa nabhonsi bhabhili bhatiyebhimiliye poka nawo. 33 Shitokea bhulo,pebhatiye bhapisile kuliyesu,upetlo abhabjhuzya,''bwana,shihazipa ukwitu ukwihala ipa nashitakibhwa tutengenezye shoka kujili yaho,nashoka kujili yamusa,nashoka kujili yayeliya.''atashili ayelewse shukuyanga. 34 Patiye akutaha iga,lyinza ipufi libhatwila;nabhatiye bhogopa pebhalola ipufi ilibhalibhizya ipufi. 35 Isawuti yifuma kwipufi yiti,''uno wene mwana umutewule mwibwini wuyo.'' 36 Isawuti peyatuzya,uyesu atiye aliweka.bhatiye bhatuzya,nakumanda igo bhatashili bhabhuzye wensiwula gonsi gebhabhenyi. 37 Ilyanda lyelyatiye lilondala,ibada yakufuma kwigamba,ikusanyiko ikulu lyabhantu lyahomine nawo 38 Rola umwonsi ufuma kwikusanyiko atiye alila kusawuti,ati,''mwalimu nkulabha umlole umwana wane,nubhamwana wane weka. 39 Ukulola iloho ifisu zimlema,nukwangula,nubhazimubhomba achanganyikibhe nufuma itotofulu mwitwe lyakwe.nayopenye yifumaga kushida,numusababisya amawumivuj amahali. 40 Nankubhasihi abhafunzi bhaho kukwelekewa yifume.lakini bhatashili bhabhezye.'' 41 Uyesu atiyeajibu ati,''mweshizazi sheshitamini nasheshihononeha,pahalyeli lyendihalanamwe nusendana namwe?leta umwana waho ipa.'' 42 Umlumendo patiye akwinza,iloho ifisu yatiye yimugwisya pansi numufulukusya kumaha.lakini uyesu atiye ayikemeya ilohu yila ifisu,atiye apozya umulumendo,numukabizi kulibaba wakwe. 43 Bhonsi bhatiye bhakamilwa nubhukulu ubhamwene uwakumwanya.lakini pebhatiye pebhatiye bhasitajabu bhonsi kumambo gonsi gahombaga,ati kubhanafunzi bhakwe, 44 ''Namaneno gihale mumakutwi ginyu,nubha umwana uwaadamu alatolebha mumahono agabhanadamu.'' 45 Rakini bhatashili bhelewe kumana iyamaneno iga,nabhatashigazyiha paminso gabho,ili bhatinze bhelewe.bhatiye bhogopa umubhiuzya kuhusu ineno ilyo. 46 Atiye umgogolo wazya kulibhamo pamwanya wenu wangabha mkulu. 47 Rakini puyesu atiye amanya shebatiye bhahojiyana mumwoyo wabho,atiye asenda umwana umdo,numbhiha ubhupandebhakwe, 48 Nati.''numuntu wensiwula waposhelela umwana umundo fwewewuno kwizina lyane,ataposhelela nanenye iponye,nawensi waposhelela nene,ataposhelela watantuma,nubha wahashepa kukatiyinyu mwensi wene mkulu'' 49 Uyohana ajibu ati,''bwna,tuhalola umuntu enge akubhinga amapepo kwizina lyaho natulesya,kuxsababu mtalondekana naswe.'' 50 Rakini uyesu abhabhuzya,''mtashimlesya,nubha watali kushinyume namwe wakwinyu'' 51 Shihatokea bhulo,kulingana namanda fweergatiye gegapalamila kumandagakwe agakubhala kumwanya,kuyimala ahayelekezya aminso gakwe kuyelusalemu. 52 Atuma abhajumbe kunkolelo yakwe,nabhopenye bhapita kushijiji shabhasamalia ili bhamutayalisizye imali. 53 Rakini abhantu bhuko bhatashili bhatashili bhaposhelele,kusababu atiye atelekezya aminso gakwe kuyelusalemu. 54 Abhafunzi bhakwe nuyakobo nuyohana pebhatiye bhalilola ili,bhati,''bwana tukwanza twamulu umulilo wihe pansi ufuma kumwanya wubhateketezye?'' 55 Lakini atiye abhasenushila abhakemeya. 56 Bhatiye bhapita kushijiji ishinji. 57 Pebhatiye bhapita kunzilayabho umuntu weka amubhuzya.''namakulondela ponsi pukupita.'' 58 Uyesu abhabhuzya,''bweha amalinaivinyunyi vyamumwanya vili ninyumba,lakini umwana uwaadamu atena apadizya itwe lyakwe,'' 59 Pene atiye amubhuzya umuntu uwunji,''ndonela.''lakini wuyo ati,''bwzana,nduhusu kwanza ipite imezyihe ubaba wane,'' 60 Rakini woyo amubhuzya,''bhaleshele bhebhahafwa bhamazyihana nabhafwe,lakini wewe pita ubhutangaze ubhufalume ubhzamwene uwakumwanya ponsi 61 Bhati numuntu uwunji ngati.''namakulondela,bwana,lakini nduhusu emendambalihe bhebhali mnyumba yane.'' 62 Rakini uyesu amubhuzya ati kutali umuntu,weatiye ihono lyakwe kulima nulola kushisila wahazipa kubhufalume ubhamwene uwakumwanya.''