¹ Aliye yitokeya umuda umufupi kwamba Uyesu aliyeayazya usafiri kusyahaya na kumijini mbalimbali,enge akuhubili nutangaza ihabari inzifu izya bhufarmeubhwa Mwene uwa kumwanya nabhala kumi na mbili bhapisiyepoka nao, ² Na bhamama bhamo bhealiyenge ebhapozwa ufuma kui abharoho abhachafu namalware mbalimbali.Aliyenge bhebha mariamu webhahamwita wu Magdalena we aliye bhamwefezya amapepo saba. ³ Uyohana umangu uwa kuza nu meneja uwa Herode,susana, nabhamama abhanji abhinji,bhebhaliye bhatowa imali zyabho kwajili yabho abhahola ⁴ Ibadala iyabhumati ubhwa bhantu ukusanyiha poka, nabhantu bhebhiziye ukwakwe ufuma ihaya mbalimbali, ayanga nabho kutumiya imifano. ⁵ ''uhahomera aliye apita uhomela imbenyu,paliye ahomela,imbeyu zimo zyagwiye, mumbari iya zila zilyatangwa pansi iya manama, nivinyunyi ivya mumwanya vizilya. ⁶ Imbeyu zimo aliye zigwira mwirongo ilya mwamba napezyamera nubha miche zifwa kusababu kutali umuzunde. ⁷ Imbeyu izinji zyagwiliye mmakwi aga mivwa,namakwi igo aga mivwa gakula poka nimbeyu zila zisongwa. ⁸ Lakini imbeyu izinji zyagwiliye mwirongo izifu na zivyara amazao mara miya nkani.''Ibada iya Yesu utaha amambo iga,ayangula kusauti,''wensi we ali namakutwi agakwivwa nayivwe.'' ⁹ Habhili abhanafunzi bhakwe bhamubhula imana iya mufano uyo, ¹⁰ Uyesu abhabhura, ''Muhapebhwa ubhupendeleo ubhwa kumanya isiri iya bhufarme ubhwa Mwene uwa kumwanya,lakini abhantu abhanji bhalufundiswa kumifano basi,ili kwamba 'ngebharola bhatashilola ngebhivwa bhatashelewa.' ¹¹ Nino yene mana iya mufano uno.Imbeyu neno ilya Mwene uwa kumwanya. ¹² Imbeyu zila zyezihagwa mumbari iya nzira bhene bhantu bhebhakwivwa ineno,na badaye usyetani alisenda ukutari ufuma mmwoyo, ili bhatashamini nukokolebhwa. ¹³ Nazila zyezihagwila pamwamba bhantu bhala bhebhaposhera kufuraha lakini bhatakwite imizizi yonsi yila,bhakwamini kumda umufupi,nu wakati uwa majaribu bhagwa. ¹⁴ Nimbeyu zila zyezihagwira kumivwa bhantu bhebhakwivwa ineno,lakini pebhakwendeleya ukula bhasongwa nihuduma nubhutajiri nubhubora ubhwa maisya iga nangebhatavyara amatunda. ¹⁵ Lakini imbeyu zyezihagwira mwirongo inzifu bhantu bhala,abhanyenyekevu nimyoyo imizifu,bada iyakwivwa ineno nubha sarama nuvyara amatunda agabhuvumilivu. ¹⁶ Ssa, kutali nawekanye, weakwasya itala nukupiha ni bakuli au ubhiha mntende iya beti.Ibadala iya kuyibha kushinara isha tara ili kwamba shila wakwinjira ayilole. ¹⁷ Kwakuwa kutali sheshilavwama sheshitarumanyiha, au shonsi shila shesiri sheshitarumanyiha peshili apaswefu. ¹⁸ Kwahiyo ubhe makini pukwivwa.kusababu we alinasho,ukwakwe alonjezebhwa nkani,lakini we atali nasho nashilanye ishido shealinasho shilasendwa.'' ¹⁹ badaye umama wakwe nu Yesu nabhandugu bhakwe bhiza ukwakwe bhatasili bhakaribie kusababu iya bhantu bhaliye bhahavula. ²⁰ Nabhamubhula,''Umama waho nabhandugu bhaho wali pala panzi bhakwanza bhalolane nawe. ²¹ Lakini Uyesu ajibu ati''Umama wane nabhandugu bhane bhebhala bhebhakwivwa inenio ilya mwene uwa kumwanya nulitii.'' ²² Aliye yitokeya ilyanda lyoka kati iyamanda gala Uyesu nabhanafunzi bhakwe akwela mtumbwi, na abhabhula, ''Tulambe imbalama iya pili iya zibha.''bhandaya imashuwa yabho. ²³ Lakini pebazya upita, Uyesu adila uturo, ni idhoroba inkali iya mpepo,nimashuwa yabho yazya ukwizura aminzi na bhali ninkulu nkani. ²⁴ badaye abhanfunzi bhwakwe bhinza kuli wuyo numubhusya,bhati,''Bwana mkulu! Bwana mkulu!kiribu tufwe!'' bhuha nubhukemeye ubhupepo namawimbi ag minzi vituzya na kubha ubhutulivu. ²⁵ Habhili abhabhula, ''Iyimani yinyu yilikwi?''bhogopa,bhaliye bhasangaya,bhayangana sila mntu nuwunji,''Uno wuwenu,kiasi kwamba akwamuru nubhupepo,na minzi navimwivwa?'' ²⁶ Bhafiha kumji uwa Gerasini wewuli ubhupande ubhwa Garilaya. ²⁷ Uyesu peayiha nukanya iyaridhi,umntu wumo ufuma kumjini,ahomana nawo,nu mntu uyo ali namaha aga nguvu izyagiza.kumda umutari atahazwalagaimyenda,na atahihalaga mnyumba, lakini ahihalaga kumakabuli. ²⁸ Parola Uyesu alila kusauti,na agwa pansi pankolero yakwe.kusauti inkulu enge akuti,imbombashi ukwaho,Uyesu umwana uwa mwene uwa kumwanya we alikumwanya?nkusihi,Utashinadhibu nene'' ²⁹ Uyesu ayamuru iroho inchafu ifume kumntu wula,kwa kuwa ulwinji atapamgaa.nantinye aliye atanyepwa iminyororo nubanwa nubhikwa pansi iya bhulinzi,aputula iviungo nukwendeswa namapepo mpaha pajangwa. ³⁰ Uyesu amubhula,''izinalyaho wewe wenu?''ajibu ati,''legioni''kumana amapepo aminji gahinjila ukwakwe. ³¹ Bhendeleya umusihi utashitwamuru tupite mwilina. ³² Ikundi ilya hapoli aliye lishemwa pamwanya iyigamba,bhamusihi abharuhusu imebhinjile kulibhapoli nyebho.Abharusu ubhomba ivyo. ³³ kwahiyo amapepo gala gafuma kumntu wula ginjira kuli bhahapori bhala,nikundi lila lishimbila kumwinuko uwigamba mpaha mwizibha na bhatwibha umwo. ³⁴ Abhantu bhala bhaliyebhakushema ubhahapoli bhala pebharola sheshatokeya, bhashimbila nubhutowa itarifa pala pamujini na panzi nimiji yeyibhalibhiye. ³⁵ Abhantu pebhivwa igo bhapita ubhurola sheshitokeya,nukwinza kuli Yesu numuntuwe amapepo igamufuma.aliye atazwara ichete nuwayachili zyonsi,atihala pamanama agaYesu,na bhogopa ³⁶ peneweka weatarola sheshitokeya ayazya ubhasimuliya abhinji ijinsi vyumntu uno vyeakuongozwa namapepo vyeatapola. ³⁷ Abhantu bhonsi abha mkowa uwa Wagerasi namaeneyo gegabhalibhiye bhamulabha Uyesu apite ukwabho kusababu bhali nihofu inkulu.Na ayinjira mtumbwi ili abhwere. ³⁸ Umntu wula we amapepo igamufuma amsihi Uyesu apite nawo,lakini Uyesu amubhula apite nubhutaha, ³⁹ ''Agaruha kunyumba yaho nubhazye gara gonsi gumungu atakutendela''Umuntu uno apita ,akutangaza ponsikatka umji wonsi gala gonsi ge Uyesu gatabhomba kwajili yakwe. ⁴⁰ Nu Yesu agaruha,amakutano gamukaribisya,kusababo bhonsi aliye bhamulolela. ⁴¹ Rola ayizya umntu weka izina lyakwe wu Yairo wushiongozi kati iya viongozi katika ama sinagogi.Yairo agwa pamana aga Yesu numsihi apite kunyumba yakwe, ⁴² kusababu aliye alinumwana umulindu weka basi, uwa myaha kumi nambili, naliye ali ihali iya kufwa. napebhapisiye kumkutano aliye bhasongama kwajili yakwe. ⁴³ Umama wealiye ubhwazi bhuma kumyaha kumi na mbilialiye ali pala na aliye atumiya ihera zyonsi kubha ganga,lakini kutali nawekanye we aliye amupozya, ⁴⁴ ayizya pashisila iya Yesu nugusa ipndo ilya mwenda wakwe,na gafura ufuma ukwa bhwazi kuleshera. ⁴⁵ Uyesu ati, ''Wenu we akundema?''pebhana bhonsi,Upetro ati,Bwana mkulu,ubhumati ubhwa bhantu bhakusukuma nabhakusonga.'' ⁴⁶ Lakini Uyesu ati, ''Umntu weka aliye agusa,mana aliye ntamanya amaha amaha igafuma kulinene.'' ⁴⁷ Umama pearola atangabhezya uzyiha she atabhomba,ayazya utetema,agwa pansi pankorelo izya Yesu atangaza pankorelo iya bhantu bhonsi isababu zyezileha agusa na vila vye atapola igafla. ⁴⁸ Na ataha ukwakwe, ''mulindu,iyimani yaho iyikubhomba ubhe wewe mzima. pitaga kuamani.'' ⁴⁹ Peayendeleye utaha,umntu weka ayizya ufuma kunyumba iya shiongozi uwa sinagogi,ati, ''Umulindu waho atafwa. Utashimuchuzya umwalimu.'' ⁵⁰ Lakini Uyesu pe ayivwa ivyo,amjibu, ''Utashogopa. yamini basi, na amawokolebhwa.'' ⁵¹ Na payinjila munyumba iyo,atashili aruhusu umtu wensi wula ukwinjira poka nawo,isipo kuwa Upetro,Uyohana nu Yakobo, ubaba wakwe numulindu, numama wakwe. ⁵² Sasa abhantu bhonsi bhaliye bhaombolezya nufumya isauti kwajili yakwe,lakini ati,''Mtashuma ikelele,atafwiye,lakini adiliye basi.'' ⁵³ Lakini bhamuseha kudharau, enge bhamanyile atafwa. ⁵⁴ Lakini wuyo,amulema umlindu ihono,ayita kusauti,ati,''mwana,bhuha'' ⁵⁵ iroho yakwe imugarushila, na abhuha umda nyuyo.ayamrisya kwamba,apebhwe ishintu shimo alye. ⁵⁶ Abhazazi bhakwe bhasangaya,lakini abhamuru bhatashimubhula umuntu she alioyenge ishitokeya