¹ Alinuwa amaso yage alabhona amatajiri habhasigamo isadaka zabho kwisaduku dyihazina. ² Alamubhona umjane wumwe fukara hayasigamo isenti zibhili. ³ Alagamba, handabhabwila, uwu umjane fukala alasizemo ukusumba mwese. ⁴ Maana, abho bhose bhasizemo kwimali yikuze, bali uwu kubhumasikini bwage asizemo vyiko abhanye vyose. ⁵ Nabhantu kadhaa na kadhaa hobhali habhayaga ihabari zihekalu, kiko dyapavye kumabhuye yasole nisadaka za bhantu, habhagamba, ⁶ Aya yomhaye mubhona, isiku haziza ziko litasigala ibhuye lugulu yibhuye ilitobomoka. ⁷ Bhalamubhaza habhagamba, Mwalimu, amagambo ayo yalobha dyali? nayo niki iishara yiko amagambo ayo yalihofi ugutokeya. ⁸ Alagamba, nimlabhe, himze mkabhehwa, ukugilango bheshi bhaloza kwizina dyanje, habhagamba, jewe niwene, tena amasaa, yalakwiye. Basi himubhakulikile. ⁹ Namwe mlokategeza ihabari zibhita ni fitina, ntimtinye; maana, ayo ntiyabhanye ibudi ukulonkekana kwanza, lakini wuya mwisho hiwuza halaka. ¹⁰ Halafu alamubwila, Ifaifa lilagenda uguhoga nitaifa ilindi, nubhufalume uguhoga nubhufalume; ¹¹ Halobhaho namatetemeko yakuze yintala; ni nzala ni tauni isehemu nisehemu; namagambo yukutisha niishara yikuze ukuva mwijulu. ¹² Lakini, kwayoyose hiyalatokeya, bhalabhafata, nukubhabhabhaza; bhalabhatwala imbele yikanisa, nukubhahamagala amagereza, hamtwaga imbele ya bhafalume na maliwali kiajiri yizina dyanje. ¹³ Nayo yalobha amashuhuda iwanyu. ¹⁴ Basi, nimkusudiye, mumitima yanyu, ukutofikiliya kuko mlojibu. ¹⁵ Ukugilango jewe ndobhaha umunwa nihekima kiko abhatesi bhanyu bhose hibhaloyobhola ugushindana nayene wala ukuyikubhita. ¹⁶ Namwe mlasalitiwa nabhazazi bhanyu, nabhandugu bhanyu, nabhandugu bhanyu, nabhalafiki bhanyu, nabho bhalobhanyegeza mwali mwemwe. ¹⁷ Namwe mlokwankwa nabhantu bhose kwiajiri yanje. ¹⁸ Lakini ntiwulotagika uwunyoya na wumwe wumtwe wanyu. ¹⁹ Namwe kukuvumilia kwanyu mlakiza inafsi yanyu. ²⁰ Aho homlobhona umji wi Yerusalemu wuzunguluswe na majeshi, niho mumenye ubhuharibifu bwage bhulakwiye. ²¹ Niho abhalikubhuyahudi bhilukile kumgongo, nabhalihagati yage bhiluke hanze, nabhalikumashamba hibhawinjile. ²² Ukugilango imisi iyii ni mapatizo, ili yakwile yose yandiswe. ²³ Ole bhaya bhabhanye inda nabhonsa mwizo isiku! ukugilango halobhaho ishida yeshi chane, nibhilakali lugulu yintala iyi. ²⁴ Bhalogwa kubhukali bwigipanga, nabho bhalotekwa nukutogwa kuntala zose; ni Yerusalemu ulokanyagwa namatala, namasa ya Mafaifa hoyalokwila. ²⁵ Tena, halobhaho iishara kwizubha, na kumwezi, ni nyota; na kwintara idhiki ya matala habhashangala uguhuma kwibahari nimisukosuko yage. ²⁶ Abhantu bhavunise imitima kubwobha, na nkulabha amagambo yalobhalonka mwintara. ²⁷ Aho niho bhalomubhona umwana wa Adamu aziye mwiwingu ni nguvu nubhutukufu bwishi. ²⁸ . Basi amagambo ayo hoyalokwanza ugutokeya, nimchangamke, mwinuwe imitwe yanyu, ukugilango ubhukombozi bhulakalibiije. ²⁹ Alamubwila umfano; Nimlabhe umtini iyindi yose. ³⁰ Hoyiloherela ukuchipuka, mulabhona nukumenya mwemwe yene ukugilango amasaa yukwimbula tiyali yalikalibu. ³¹ Namwe kandi, hiko mlobhona amagambo ayo yatanguye ugutokeya, nimumenye kwamba ubhufalume bwimana bhulikaliba. ³² Amini, handabhabwila, ivyalo iyi wala hiyilochaho hadi ayo yakwile. ³³ Ijulu nichi bhilachaho, lakini amagambo yanje hiyachaho. ³⁴ Basi, nimwilabhe imyoyo yanyu hiyize yilemegwa nameru, nu bhulevi, nubhusumbufu bwamaisha aya; isiku yiya yikabhazila gafla, nkuko umtego wukubhiza; ³⁵ Kuko bhilobhazila abhantu bhose bhichara lugulu yintala iyi yose. ³⁶ Basi, nimkeshe kila mda, hamsenga, ili mlonke ukokoka ukuchilila ayo yose yalotokeya, nuguhagalala imbere zu mwanadamu. ³⁷ Basi, kila kumtaga hoyali hayafundisha mwikanisa, na mwijolo agenda kukulala kumgongo witwa Mizeituni. ³⁸ Na abhantu bhose bhali bhavyuka kale bhagende mwikanisa ili bhamutegeze.