¹ Bhakundwa, uwalaka ubhu uwu nuwakabhili ndabhandikila mwemwe; kwizi zoso zibhili handazivyusa iniya zanyu nsole kukubhibhusa, ² Mhabwe ukuyibhuka yaya amagambo yagamvwe kela nabhabhonyibhatakatifu, nayiya amli ya Bwana mwokozi yazanywe nimtume bhanyu. ³ Mkamenya idyambele ijambo ili yukubha hagati yisiku yamwisho bhaloza nizihaka zabho abhantu bhalozihaki, bhakulikila amelu yabhu bheneyene, ⁴ Nukugamba, ilehehe ihaadi yiya yukuza kwage, kuko, ukuva aho bhasokulu bhachu hobhalaye, ibhuntu vyo vyichala iyongene yene, kuva kuntango yukulemwa. ⁵ Maana bhalahunikiza amaso yabho sibhabhone ijambo ili yukubha zaliho ijulu kuva kela, nintala kandi, yalakolese ukuva mumazi na mmazi, kwijambo dya Mungu. ⁶ Kulayo kiya gihugo chatwawe na mazi kilahona. ⁷ Aliko ijuru dyantya nintala zilazizweho kwiakiba yumlilo, ijambo idyo, zikalagigwa hadi isiku yihukumu, niyuguhona abhantu bhatakenguluka Mungu. ⁸ Aliko, abhakundwa, simwibhagile ijambo ili, kwamba kuko iwa Bwana umsi wumwe ninkimyaka igihumbi, nimyaka igihumbi ninkumsi wumwe yene. ⁹ Bwana ntatinda ugukwiza i Ahadi yage, nkuko abhandi bhagusalila ugutinda, bali ukwemelela kwanyu, maana ntashima umuntu wowose atagike, bali bhose bhasalilile ukwihana. ¹⁰ Lakini imisi ya Bwana yiloza nkumlavya, uwomsi ijuru lilovaho kumshindo wunini, nibhiumbe vyiasili bhilotuligwa, nugusambugwa, nintala nibhikogwa bhilimo mliyene bhilotegeteya. ¹¹ Ukubhela, ibhintu vyose bhilosambugwa intyo ibhakwiliye mwemwe ukubha abhantu bhingeso yilinte hagati yulugendo lutagatifu lutaua. ¹² Hamtazamia yize yiya siku ya Mungu, nukuyihimiza, yiko kwidyo ijuru lilosambugwa zihazaka nibhiumbe vyabhahawe bhilotegetea nukuyonga?. ¹³ Lakini, nkuko kali akalagano kage, mtegela ijulu lishasha ninala yishasha, yuko ukuli kwichaye mliwene. ¹⁴ Kulintyo, abhakundwa, kuko mhaye mtazamiya amagambo ayo, nimkole kwibidii ili mubhonekane kumaholo huko ntimgila amawaa wala insoni imbele yage. ¹⁵ Namwe nimubhalule ubwemelelo bwa Bwana wachu ukubha ubwokovu nkakuya mwenewachu umkundwa Paulo kuko yabhandikiye kwihekima yoyahawe; ¹⁶ nkakuya yene inyalaka zage zose kandi, avana umo ihabali zamagambo ayo; mwizo nyalaka yene halimo amagambo yuko yagoye ukuyelewa nayo; namagambo ayo abhantu bhatafishe ielimu, bhatagumye nkakuya kukuyabhehuza amandiko ayandi, kubwononyi bwabho bheneyene ¹⁷ Kulintyo, abhakundwa mgatangulila kumenya ayo, nimwilagile inafsi zanyu simze mtogwa kwikosa dyabho bhononyi mkagwa nukuleka ubhuzibitifu bwanyu. ¹⁸ Kulintyo, nimkule hagati yineema, nayukummenya Bwana wachu mwokozi Yesu Kristo. Ubhutugufu bhulinawene natya nimisi yose.