¹ Lakini halavuye bhanabii bhubhubheshi mlibhaya abhantu, nkakuya iwanyu halobhaho abhalimu bhubhubheshi, abhalokwingiza ubhuumenyi bwubhubheshi bwukubhata, nukumwa Bwana yabhaguze, bhakizanila ubwononyi bhutatinda. ² Nabhenshi bhalolondela ubhufisadi bwabho; na kwabho inzila yukuli yilotukwa. ³ Nahagati yugutamani bhalilonkela inyungu iwanyu kumagambo yatunzwe; yiko ihukumu yanyu ukuva kela siyitinda, wala ubwononyi bwabho sibhuhunila. ⁴ Kukugilango Mungu ntiyabhalese bhamalaika bhononye, Bali yabhataye mchobho, hadi yize ihukumu; ⁵ Wala ntiyalekuye igihugo chakela bali yalamubhise Nuhu umjumbe wukuli, nabhantu abhandi ndwi, aho hoyazanye igalika halugulu yiguhugo chabhatakengeluka Mungu; ⁶ Kandi alahukumu imiji Yisodoma ni Gomola, alayichulika nukuyitenga ibhitazi , alayikola ibhe ikibhonesho kubhantu bhatolomkenguluka Mungu hanyuma yaya; ⁷ Alamtabhala Ruthu, wuya alimkuli uwabhabhajwe nulugendo dwabhafisa dwabho bhononye; ⁸ Maana umuntu uwu wukuli, akichala hagati yabho, ukubhona nugutegeza, yalibhabhaje umtima wage wene wukuli, umsi kumsi, kubhikogwa vyabhu bhiafishe isheliya; ⁹ Basi, Bwana alamenya ukubhokowa abhatakatifu na majalibu, nukubhasigaho abhatali ukuli hagati yihali yiazabu numsi wihukumu; ¹⁰ Nahasa bhaya bhakulikila umbhili hagati yamelu yamagambo machafu. Nugukeza imamlaka. ¹¹ Abhalinubhugabho, bhukwikinayi, ntibhadedemela habhayatuka amagambo yasole; niho bhamalaika alabhakulu chane kubhushobhozi nubhugabho ntibhaza imbulano zabho imbele zumkulu. ¹² Lakini nkivyo ibhikoko bhitabhanye ubwenke, bhiko bhavyawe nkibhikoko gusa vyugufatwa nugutabwa, nugukufulu hagati yamagambo yobhatamenya, bhalokwichwa hagati yinfu zabhu; ¹³ Bhakalonkekana namabhi yabho, yiko alamaliho yubhubhi bwabho, bhagila ngo ubhubholegwa kumwanya wumtaga nianasa; bhalabhaye amawaa ninsoni habhakulikila ianasa zitalizo ikiasi hagati yikalamu zabhu zulukundo, habhakola ikalamu hamwe na mwemwe; ¹⁴ Bhafishe amaso yuzuye bhumalaya, abhantu bhatachikila ugukola i Dhambi, bhali nimtima yamenyelejwe ukubhana amelu, abhana bhasivwe; ¹⁵ Bhalayilese inzila yigololose, bhalatagika, na bhayikulikiye inzila ya Balaam, imwana wa Beori, uwakunze ukulonka amalipo yubhuzalimu; ¹⁶ Lakini yalakankamiwe kubwononyi i bwage wene yene; Ipunda, yitayobhola kugamba, akagamba kwijwi dyubhuntu, yalabhutangiye ubhubhi bwawuya umubhonyi wuya. ¹⁷ Abha nibhisima bhitafishe amazi, nibhiho bhitwagwa ni mboge, bwiko ubwilabhule bwumwilima nihakiba yobhabhikiwe. ¹⁸ Maana bhakagamba amagambo manini chane yukwibhona, kumelu yumubhili nukubhufisadi nukubhatela insoni abhantu abhatanguye ukubhiluka bhaya abhahaye bhagenda kubhubheshi; ¹⁹ Bhalabhalaganila amaholo, nabho bheneyene nabhatumwa bhubwononyi, maana umntu ahahajwe numntu abha umkozi wa wuya muntu. ²⁰ Kwamaana bhaya bhamaze kwiluka amabhi yigihugo kukumenya Bwana na mwokozi Yesu Kristo, kabha bhafashwe kandi nukunanigwa, ihali yabho yamwisho yabhaye mbi kuliko yiya yambele. ²¹ Maana hobhaye neza iwabho kama bhatomenyese inzila yukuli, kuliko ukumenya, kisha ukuyileka iamli takatifu yiko bhahawe. ²² Lakini yilakolese iwabho sawasawa nayiya imigani yukuli, imbwa yilasubhiye ibhilusi vyage yeneyene, ni ngulubhe yuhagiwe yasubhiye ukwigalagaza mubhitaka.