¹ Basi mpemu hayanena hazalani yukugilango iwakati wamwisho abhandi bhalitenga niimani habhategezana mpemu zubhubheshi namafundisho yamashetani yalofundishwa ² Kubhubheshi nukubhunafiki. Idhamila zabho zilohindugwa. ³ Bhalobhazibhila ntibhende nukwakila ibhilibwa vyiko Mungu yabhuvye bhitumigwe kwi shukrani mulibhene mwabho abhamini nabhaimenya kweli. ⁴ Kwakuwa kila ikiumbe cha Mungu nigisole, wala ntakiliho chotwakila kwishukrani ikigombegwa ukwankigwa. ⁵ Kuko kitakasijwe kwizina dya Mungu nukusenga. ⁶ Ubhibhuse bhandugu amagambo aya, nawe ulobha umutumishi wusole wa kristo Yesu, numzoefu wamagambo yiimana namafundisho yasole yaya yiko wakulikiye. ⁷ Lakini zanke ihadithi zi ntala ziko zikudwa nabhagolagole abhazehe. Ibadala yage, niwigane wewe mwali tauwa. ⁸ Kukugilango amazoezi yumubhili yalagombegwa gatoyi, bali utaua bhulagombegwa chane kumagambo yose. Yilatunza Ahadi kumaisha yantya na yaya yaloza. ⁹ Ubhujumbe ubhu nubwukwaminiwa nubhustahimili nukwemela kabisa. ¹⁰ Kuko alikwisababu iyi hadutabika nugukola ikazi kwibidii chane. kuko tubhanye ubhujasili mwali Mungu ali hai, nawo alumwokozi wabhantu bhose, lakini hasa kubhemeye. ¹¹ Amagambo aya uyatume nukuyafundisha. ¹² Umuntu uwo wowose ntawudhalau ubhujana bwawe, basi ubhe ikibhonekano kubhaminiwa, kubhusemo, numwenendo, ulukundo, ubwaminifu, nubhusafi. ¹³ Hadi hondozila, niwichale mgusoma, nukuonya, na nukwigisha. ¹⁴ Huleke kuitumiya ingabhile yawe yiya yilimo munzu yawe, yiko wahawe mubhunabii nugusigwako amabhoko yabhazehe. ¹⁵ Uyisalize amagambo ayo wichale mwayo ili ukwendeleya kwawe ukubha idhahili kubhantu bhose. ¹⁶ Itunze nafsi yako, namafundisho yawe. Bha mmumagambo ayo. Mana kukukola ityo uliyokoa wewe yene na bhaya bhakutegeza.