¹ Nijambo dyukwaminiwa; Umuntu agovye ugutamani ubhusimamizi, agomba ikazi yisole. ² Basi yigombegwa umsimamizi abhe umuntu atalaumika. Lazima abhe umgobho wumgole wumwe. Uwubhanye ikiasi ni busala, umuntu wubhutalatibu, umkalibishaji, amenya kufundisha; ³ Sabhe umuntu wukumenyela ubhulevi, ntabhe uwukubhita abhantu; bali abhe umpole; ntabhe umuntu wukujadiliana, ntabhe umuntu wukushima amahela. ⁴ Igombegwa ugusimamia neza abhantu bhimuhila bhawage weneyene, nabhana bhage bhilagombegwa ukumheshimu kwiheshima zose. ⁵ Yaani umuntu atamenya ugusimamiya inzu yage weneyene, alolitunza inte ikanisa dya Mungu?) ⁶ Wala ntabhe umuntu agiye yokoka hofi, ntaze yibhona akagwa mwihukumu yashetani. ⁷ Tena ilagombekana ukushuhudiwa yasole nabhantu bhalihanze; ili ntagwe kwiaibu numtego wa Ibilisi. ⁸ Ityoityo bhashemasi, nabho bhabhe abhapole; sabhane ikauli zibhili, sibhabhe abhantu bhatumiya imivivyo chane, ntibhabhe abhantu bhatamani amahela yinsoni; ⁹ Bhayobhole ukuyitunza idhamili yisole yiya kweli yi imani iyafunuliwe. ¹⁰ Nabho kandi bhadhibitishijwe kwanza, halafu bhabhone uguhudumu kukugilango ntibhabhana ilawama. ¹¹ Ityoityo abhagole bhabho na bhabhe bhiheshima. Sibhabhe abhabhehegwa. Abhantu bhakeli, abhaminifu bhamagambo yose. ¹² Bhashemasi ni lazima bhabhe abhagabho bhumgole wumwe. Lazima bhashobhole ukubhasimamiya neza abhana bhabho nabhamnzu yabho. ¹³ Kukugilango abhakola masole ikazi ya shemasi huwilonkela umsimamo wusole nubhujasili bwishi muli imani yili mwali Kristo Yesu. ¹⁴ Handakwandikila aya iwwe, ndabhanye itumaini dyukuza iwawe kumwanya wuhawuza. ¹⁵ Lakini ntize, umenye ukumenya inamna yukumenya abhantu ukugenda munzu ya Mungu, libhaye ikanisa dya Mungu ili hayi, inguzo yumsingi wakweli. ¹⁶ Na ntiyipingika yubhukweli yubhuungu ubwabhoneshejwe numkulu; "Yabhonekanye hagati yumubhili, aladibitishwa na Mpemu, alabhonekana na malaika, alatangazwa hamwe na mataifa, alaminiwa nintala, na alatogwa lugulu hagati yubhutukufu."