¹ Nkuko, bhene wachu, tulabhatia umuyo nukubhinginga iwa Yesu Kristo. Nkuko mwakiye amigishwa ukuvaiwachu kuko bigombegwa ukugenda nukushimisha Imana kwiyo nzira none mugendele nukukora ibhilengeranye. ² Nkuko mumenya amaelekezo yande yotwabhahaye ukuchira umwami Yesu. ³ Nkuko aya niyo mapenzi ya Mungu; numuhagiro wanyu- ati mubhekulele nubhusambanyi. ⁴ None ichitwa wumwe wanyu alamenya ninkazi yomuzigama umugole wage weneyene kubwera nukukenguruka. ⁵ Ntubhane umugole kumeru yumubhili nkakuya amataifa bhatamenya Mungu. ⁶ Ntabheho umuntu wowose alokwambuka imbibhi nukumwononera mwene wabho kwiajili yijambo ili. Nkuko umwami niwo yishula igisasi kumagambo yose aya, nkakuya kotwatanguliye ukubhachikiza nukubhashuhudia. ⁷ Nkuko umwami ntiyatuhemagaye kubhuchafu, aliko kubwera. ⁸ None uwanka ili ntiyanka abhantu, aliko yanka Mungu, uwubhaha mpemu yera wage. ⁹ Uguhusu ulukundo dwabhene wabho, ntahaja yumuntu wowose kukwandikila, nkuko mwaligishijwe na Mungu ugukundana mwemwe na mwemwe. ¹⁰ Ukuli, mwakoze ayayose kubhahali bhali Imakedonia yose, none tuhayetubhinginga, bhene wachu, mukole ayalimbele chane. ¹¹ Tulabhinginga mubhane ameru yukwichala ubwichalo bwukwitonda, ukumenya ibikogwa vyanyu, nukukora ikazi kumaboko yanyu, nkuko twabhabhaliye. ¹² Kola aya huko wogenda neza nukwitegeleza kwabho bhalihanze numwizero ntukehegwe niitaji dyodyose. ¹³ Ntitugomba mwemwe mumenye ukutalikwene, lugulu yabho bhalilugulu, ili simze mgahuzunika nkabhandi bhatabhanye ubhuhakika uguhusu kumwanya wuza. ¹⁴ Nkuko twemela ati umwami Yesu yalafyuye aweza alazuka kandi, ahonaho Mungu irobazana hamwe numwami Yesu bhose bhalaye mulufyu mwali wene. ¹⁵ Kulayo tuhayetubhabharila mwemwe kwijambo dya data, kwali twebwe tukikomeye, tulobhaho kumwanya wukuza wene Data, wala ntitulobhatangulila bhaya bhalaye imauti. ¹⁶ Nkuko Data weneyene alogogoma ukuva mubhiho. Aloza nisauti yinini, hamwe nisauti dyamalaika akuze, hamwe ni nzamba ya Mungu, nabhaphuye mwali Kristo bhalozuka kwanza. ¹⁷ None twebwe tukomeye, tulobhatusigaye, tulobhahamwe mubhiho nabho mukumwakira Bwana halugulu. Uwumgabho kwi nzira iyi tulobhana na Data imisi yose. ¹⁸ Kulityo, muyagishane mwemwe namwe kwaya magambo.