¹ None, hotwalitutayobora ukuvumilia chane, twalisalije chane ni bhisole ukusigara Athene twebwe yene. ² Twaramtumye Timotheo mwene wachu wachu umukozi wa Mungu kwi njili ya Kristo, kubhakomeza nukubhashikako nuguhusiana ni Imani yachu. ³ Twakoze aya ukubhona ntabheho wowose anyiganga kwizingorane izi, kuko mwemwe nyene mlamenya tuza twateuliwe kwiajili yili. ⁴ Ukuli kwene, hotwali tulihamwe na mwemwe, twalatanguliye ukubhabwila kuko twali hamwe nukulonka amagogwa, nayo yalatokeyeje nkuko mmenya. ⁵ Kwialiji iyi, hondali ntashobhola ukuvumiliya kandi, ndalatumye kwikusudi ili ndonke kumenya lugulu yi Imani yanyu. Huenda umjalibu yali angalau abhajalivye, nibhikogwa vyachu bhikabha bhure. ⁶ None Timotheo yaziye iwachu avuye iwanyu atuzanila inkuru zisole harugulu yumwizero nulukundo dwanyu. Yalatubaliye ntya mulibuka neza halugulu yachu, nuko mlagomba ugutubhona nkuko na twebwe tutamani ukubhabhona na mwemwe. ⁷ Nkukobili, bhene wachu twalafalijise chane na mwemwe nkuko muli ubwemezi bwanyu kwingorane nikibhabhazi chachu chose. ⁸ Kwisababu tulichala, kabha mhagaze neza iwa Bwana. ⁹ None ni shimwe zindee tumuhe Mungu kulimwemwe? ¹⁰ Tulasenga chane ijoro numutaga nkuko twobhona impanga zanyu nukubhongeleza ikikenye kumwizero wanyu. ¹¹ Mungu yachu na data wene yene, nu mwami wachu Yesu atwongeleze inzira yachu tusohole iwanyu. ¹² Na Bwana abhakolele mugwile mgwile nukulengelana kulukundo, mgakundana nukubhashima abhantu bhose, nkuko tubhakolela mwemwe. ¹³ None akole nkuko hoko yohumuza imitima yanyu ibheitagira inkubhilo mubwera imbele za Mungu wachu na data wachu mulimukuza umwami Yesu hamwe na bhera bhage bhose.